¹ Vano Yeso kwanza wassomiha ni nlathaniho, iraka: "nlophwna m'motza ahala exawawe, khurukureriha nkhutzo, khuthipa epuçuawe wira arapiheke tzathokothavale mihokorokho, ni khuteka etatapu. Khukuxa khuwemexera anamalima khwettha nkwahawe. ² Onaphiyale okathi wo wurula, yena khunruma nanteko mpaka wanamalima wira akhele waiyayo tzowuruliya tzanmathani. ³ Vano ayo khunvaratza, khunmana ni khunhokoloxa ahikuxale etthu. ⁴ Khuhokolela, yena khunruma nanteko nkina, khunvulaliha muru ni khun'hoxatza. ⁵ Yena khunrumatho nkina, ni ayo khumwiva. Ayo yawirihantza tzitzanmo ananteko akina, yamanaka akina ni awivaka akina. ⁶ Ni anihalela ninlelo m'motza, Mwanawe amphentawe, omalihera orumiya. Yena khira: 'Ayo ananthithimiha Mwanaka'. ⁷ Vano ananteko ale khwiratzaka yayoru: 'Ola tanthuna orithi, nrowe nimwive ni mali ekhale awihu'. ⁸ Ayo yahinvara, khumwiva ni khunthikela wikhipini wamatha. ⁹ Vano, onrowa wira exeni mwanene ematha? Yena onawa, onamwapwathakatza anamalima ni onrowa wavaha ematha atthu akina. ¹⁰ Nyuwano khanssomale ela yolepiya? Nluku anamateka Nakhothalyaya nno nahikhala vaxirini. ¹¹ Eyo en'wa Wapwiya, ni tiyotikiniha vamenthoni wihu'". ¹² Ayena yahiphela okathi wira anvare Yeso, vano yaniwova atthu, ayo yanitzuwela wira Yena ahahimerya inlikanihonno wayena. Vano yahin'hiya ni khumwareyatzaka. ¹³ Ni ayo yaharuma mafaritzi akina ni yakhuma weRodi wira anvarihe enamuna yolavula wawe. ¹⁴ vaphiyatzalyaya, yahimwirela-tza: "Funti, notzuwela wira mwanekweli ni khivo ethu enulipelali wala kamwinkoha etthu, okhala wira khannimweha ntthu witho. Vekhweli mwinssomiha ephiro yan'Luku. Ti yorera hi oliva nssoko wa Cézari walani nihilive? Niliveke walani nihiliveke?". ¹⁵ Vano Yeso anitzuwela erohotzaya ni khuwirela: "Exeni mwinkipatjinyu? Nkawanani ntzuruku wira Mi kiwehe". ¹⁶ Ayenatze yahinwihela m'motza. Vano Yeso ahakoha: "Essura yapani walani yolepiya?". ¹⁷ Ayo yahimwakhula: "Ya Césari". Yeso ahira: "Mwinvahe Césari eri ya Césari ni Nluku, eri yanLuku". ni yahixankatza ni Yena> ¹⁸ Vano Masaduceu, yahimyaka ohikhala ohihimuwa, yahiwa m'paka wa YENA khuyankohatza, yiraka: ¹⁹ "Funti, Mosi onihiyera tzolepiya wira: 'Akhala n'himawe nlopwana khukwa ni khun'hiya mwarawe ahirina ana, n'himawe ohana anthelaka nankweli ni ayaranane mwana wan'himawe'. ²⁰ Yahavo axilopwana atanu nenli; Omulupale ahithela vano khukhwa, khanyirale mwana. ²¹ vavotho, anenli khunthelaka niyena khukhwa, ahiyarananale mwana. Ni aneraru tzitzam'mo. ²² ni othene athanu nenli khayan'hiyale mwana. Numala othene, nthiyana niyena khukhwa. ²³ Vano wuhihimuwani, yahihimuwavale, tipani onrowa okhala mwnnawe? Wira otene yahinthela". ²⁴ Ahiwakhula Yeso: "nlathuaya kahi yola mwinthepyanenyu, wira khamwintzuwela tzolepiya walani owerya wan'LUKU? ²⁵ vano ayo yahihimuwa mukhwani, khuvo othela walani khunthelaniyatho, ayo anrowa okhala malaikha wirimo. ²⁶ vano, nphanthe wokhwa anrowa ohihimuwa, khanssomale yolepiya ni Mosi, enhimya monkoni wa nikukhu, enamuna Nluku tzalavulalyawe ni yena ni kuhimya: ²⁷ 'Mi Kan'Luku a Abraao, Nluku a Ezaqui ni Nluku a Yacó?'. Yena kahiyena Nluku anankhwi, owo Nluku akumi. Yulupale ovonyawinyu". ²⁸ Nmotza ayale anamassoma ahiwa ni ahinwa etthu yanyakuliyeraniya, yena khona wira Yeso ahiwakhwla sana. Ni khunkoha: "Ekano xeni yulupale yovikana ekhwaya?". ²⁹ Khwakhwla Yeso: "Yulupale tila: 'Mwiwe Israel, Apwiya n'Lukuihu tari Mwene. ³⁰ Mwanphente, vano apwiya Mulukwinyu, ni nrimen'nyu wotene, ni n'nepen'nyu wotene, ni ankhilinyu otene, ni ekurutzinyu tzotene". ³¹ Ekano yanenli tila: 'Onphente mwathamaniao ntoko weyano'. Ekano yovikana ela khivo". ³² Vano Namassoma ahin'himerya: "Sana, Funti! Ekhweli molavula tzanLuku nmotza pahi, ni khavo nkina wohikhala yena pahi. ³³ Onphenta ni roho yotene, ni akhili otene, ni ekhuru tzotene, ni onphenta mwathamaniao ntoko weyano, tiyulupalexa ovikana ovaha ni nkuttho". ³⁴ Vamonalyawe Yeso wira ohakhula nuzuwela, ahinhimerya: "We khuri othiawene ni omwene wan'Luku ". Vamalihalyawe iyo khavotho avenyale ankohaka Yeso ³⁵ Ni assomihaka mpani mwanLuku, Yeso ahiwakhula-tza, iraka: "An'himya tzai assomi wira Kristo Mwana a David? ³⁶ Davi mwanene ahihimya wa nnepa wowarya: 'Apwiya ahimya wapwiyaka: Okilathi monwaka ntjelo, mpaka mi kakhaliye awananiao vathi venautzao'. ³⁷ Mwanene David onimwatzima Cristu Mwene'vano motaxeni nkhalawe mwanawe?". Athu ntjene Yanimwiwa nutheliya nrima. ³⁸ Assomihaka, Yeso anihimya: "Mwikasope nanamassoma, onatzivela wetha ni maleya mulupale, okhomatziya nipuro nowathiya, ³⁹ mapuro molupale mpwaro ni mapuro othukumania nmantjamponi. ⁴⁰ Nayo watzivela ethoko ya thiyana anankhwelini, wira avithe, ankuxa okathi myintjene evekelaka. Ayo ehukhumwaya enrowa otepa". ⁴¹ vano Yeso ahonkomathi wathamana ephatje yaheliya tzovelela mpani mwanLuku. Yena (ira) awehaka atthu athikhelaka ntzurukhwaya mphatjeni. Mathatjiri intjene yanithikhela mwenmwe nitzurukhu mwintjene. ⁴² Vano, nankhweli massikhini ahiwa khuthikhela nphatjeni nota pili yaharina ehissapu. ⁴³ Yeso ahiwatzima awixuthi awe ni khwahimerya: "Ekekhai kinawuhimeryani: Nankhweli ola massikhini ohela nmwe wowavikana otene ale avahale nphatjene. ⁴⁴ Otene ayo avahale iye tzarinaya tzintjene, vano nankhweli ola, vossikhinyawe, ohela ntzuruku wotene warinawe wira akhalevo.