¹ Ni yakhumelelale wanihuku nimoza,atthu yahiphunhana veri va Yesu wira yiwe molumo an'Luku, ni Yena ira onemelale watthamela oratthani wo Genesae. ² Yena ahiweha ekalawa pili watthamela oratthani,alowi yira anakumazale akuxa matthaviaya. ³ Vano Yena ahiwela ekalawa emoza yari ya Simoni,ni ahivekela wira esusiheriye vakani ekalawele 1 m'phareya. Yesu ahonkoma ni, n'kalawani mwem'mwe kunasomiha n'xovo. ⁴ Vamalihaliawe osomiha, Yesu ahimuirela Simoni: ''okuxe ekalawa orowane wuria ni mwatthike matthavi''. ⁵ Ni Simoni ahakula: funti,novara n'teko ohiy uwotene kanipwanhale etthu,''okala wira nhu muin'nihimya ninatthikelaza matthavi''. ⁶ Vano nuwira zizo yahivaraza ihopa zowattha,

ni matthavi m'paka wanza waanhuwaza.

⁷ Vano ayena yahiwazima axikuaya aekalawa ekina owa wakalihera. Ayena yahizaliha ekalawa zopili hata kuyahala ozama. ⁸ Vano Simoni Pedro vonalyawe eyo, yena ahincokhorala Yesu, iraka: n'kume wami,okala wira mi kitampi,pwiya''. ⁹ Okala wira yena ni otene yarinawe yahituthuwaza nutotha warinaya. ¹⁰ Valatthanaka, n'toko,Tiago ni Yohani, axana a Zebedeu, yari nikuro nen'no na Simoni. Vano Yeso ahimuirela Simoni: ''Ohove, okala wira okuma nan'nano va onrowa okhala n'tothi atthu''. ¹¹ Vano aleze vawanelaliaya ekalawaye m'mafukhe, yahihiya zotene ni kuntthara Yesu. ¹² Yakhumelela wira, yena onari epoma emoza, ahavo n'lopwana m'moza namakutthula. yena vanwehalyawe Yesu, ahikokhora,ekoviawe kuyakuanha vathi,ni kuyanvekela, iraka: Pwiya, n'no wakhala otthuna winhu n'kirerihe. ¹³ Ni Yesu ahitaphula n'tatanawe ni kunvara, iraka: ''N'no otthunawaka. Okhale oreraza!'' ni nan'nanoro makutthula yahim'mala. ¹⁴ Yena ahinlakihera wira ahin'himerye n'tthu, masi ahimuirela: ''otthare ephiroao, withonhere walipa n'kuttho ni wavahe n'kutthoao wa ovonihiyawao, n'toko zizale Moises zihimyalyawe,wira okale namona''. ^{15 16} Zizam'mo, ehapariawe yahimuarela votepatho ni atthu owattha yaniwa omuinwa Yesu assomihaka ni wira avoniwiye eretthazaya. Ni emara zimjene Yena anikhuma arowaka mapuro omaleleya ni anilompa ¹⁷ Yahikhumelela, wa nihiko nimoza Yesu ira assomihaka, ni yahavo mafarizi ni azuweli a ekano anonkomazale watthamana ni Yena. Ayenaze yawazale akhumaka mitthethe zovirikana zo Yudeia ni wo Galileia ni hata epoma yo Jerusalem. Ni owerya wapwiya wari ni Yena wira avonihe. ¹⁸ Vano yahiwaza alopuana anantexale n'tthu m'moza vanrepani ari ossupiya. Ayenaze yaphelaza manam'na onkeliha m'pani nipuro nariawe Yesu. ¹⁹ Okhala wira, kiyathowa atthu, ayenaze kayawerya. Vano yahiwela vazulo wanupa ni, kukhunula etelha khukuruxela n'repan'ne eriyari yatthule, watthamela oholowawe Yesu. ²⁰ Vonalyawe n'roromelo naya, Yesu ahira:''N'lopwana, woleveleliya etampi zao''. ²¹ Anamalepa ni fafarizi yahipajera otthokuttha, yiraka:'' Tipani ola onrerela ohimya mavehoala? Okhala wira n'Luku pahi tanwerya olevelela etampi''. ²² Vavotho Yesu, azuwelaka ayena zupuwelaya, ahiwakhula ni kwira:'' Exeni nyu otikinihiyaka khuyikoha m'marohoni winhu? ²³ Exeni yotepexa okweya wira:'Etampi zao zoleveleliya.'walani' Ovenhe wetthe'? Vavo n'zuwele wira muana aN'tthu ohana owerya n'laponi nulevelela etampi, My kinira: ²⁴ 'Ovenhe,okuxe n'repanao ni oroweke owani. ²⁵ Nan;nanoro yena ahivenha eriyari yatthuale, khukuxa n'repanawe narupathelalyawe ni khurowa owan'nhawe an'tthotthopelaka n'Luko. ²⁶ Otene yahitikinihiya, yanin'tthotthopela n'Luku ni,otepexa wova,yiraka: ''elelo him nihona etthu zotepexa otikiniha''. ²⁷ Numala vo,Yesu ahikhuma ni kumona ole akelela m'posito azimiya Levi onon'komale nipuro nakelelawe m'posito. Vano Yesu ahimwirela: ''Okitthare''. ²⁸ Levi ahihiya zotene, kuvenha ni kuntthara Yesu. ²⁹ Vano Levi ahimpakela Yesu n'jampo nulupale owan'nhawe. Anamuakelela m'posito anjene ni atthu akina yahithukumana vamesa, khuyalha nayenaze. ³⁰ Ni farizi na anamalepa yanaromola awixutthi a Yesu yiraka: ''Exeni nyu olhaka ni owuryaka na lipa m'posito ni anatampi akina?''. ³¹ Ahiwakhula Yesu: ''Ale ari akumi kanimphela n'kulukhana, ohikalale ale amwereiya. ³² My n'kawelale orerela, kawale owazima anamattheka wira yituthuwe''. ³³ Ayena yahin'himerya: ''Arumei ayohani yanitthuka ni yanilompa ni hata arumei amafarizi. Masi arumeinho analha ni anawurya''. ³⁴ Yesu ahiwakhula: ''Ohavo ontthuna owirela otthuka ananlatthuliya onthelaniya ni n'theli onari nayena? ³⁵ Onarowa ophiya mahikui n'theli onrowawe okuxiya, ni mahiku yayo ayena naarowa otthuka''. ³⁶ Vano Yesu ahavaha n'likaniho nimoza: ''Kavo n'kuxa epatthiya ekumi kuyatthotthela ekuwo yothala. Vo, wira zizo, ekuwo ekumi enrowa othala, ni epatthiya kinrowa okalelana ekuwo yothala ³⁷ Kavo on'hela evinho etzia m'potilini yowuluvala. Ira zizo evinhu etzia enarowa opwexa epotili ni evinhu enamwareya ni epotili enahononeya. ³⁸ Masi evinho etzia enrerela ohela epotili etzia. ³⁹ Kavo, ontthuna owurya evinho yakhalayi, kuyaphelatho owurya evinho etzia, mana onira:''Yokalaile pizivale''.