¹ Ni yahikumelela nihiku nimosa na esapato,Yesu ira aviraka m'matthani mwari epyo niarumeyawe yaniwaruryaza micopotthi ni matata ni akhuraka mihokorokhoye. ² Vano mafarizi akina yahira: ''Exeni nyu ovaraka etthu ehinrerela nihiku na esapatu?'' ³ Yesu ahakhula, iraka: ''Kan'natthi ossoma yiralyawe David yena natthu yarinawe enavolale etala? ⁴ Yena ahikela m'pani wan'Luku, khukuxa n'katthe wokotthihiya, khukhura ni kwavaha ale yarinawe. ⁵ Ni alipa m'kuttho pahi tiyarerela okhura ole n'kattheole. Ni Yesu ahahimerya: ''Mwana aN'tthu n'falume ni osapato''. ⁶ Ni yahikhumelela wira, esapato ekina, Yesu ahirowa m'pani wan'Luku ni kuyassomiha atthu. Ni ahavo mwem'mwe n'lopwana m'moza n'tatanawe kalhelhya ⁷ nanurakala. Ni anamalepa ni amafarizi yaninwehexexa Yesu vakiviro, wira anwehe akala wira Yena ananvoniha n'tthu nihuku na esapato, wira apwanhe ekiswa yomotherya. ⁸ Vo Yesu vazuwelalyawe ayena yupuwelaya,ahimwirela n'lopwana antata norakala: ''Ovemhe wemele va eriyari ya atthu otene''. Vano n'lopwanole khuvenha kukhala onemelale. ⁹ Vano Yesu kuwirela: ''Mi kinamukohani: Esapato enitthunihiya yorera wala ovara yonanara? Wopola okumy wala ohonona?'' ¹⁰ Vano Yena ahiwehaweha variari vatthuale otene ni kumwirela n'lopwanole: ''Otaphule n'tatanao''. Yena ahira zizo ni n'tatanawe nahivona. ¹¹ Vavo ayena yahinanaraziya, ni kuyapwawpihana yayoro wira yaroa omwiriha exeni Yesu. ¹² Yahikhumelela mahiku yale, wira Yesu ahirowa omuako orowa olompa. Ohiyu wotene, Yena ahiviriha anlopaka n'Luku. ¹³ Vaxaliaya nihuku, Yena ahiwazima awixutthyawe, kuathanla n'loko nely, yale Yena yawazimalyawe arumey. ¹⁴ Mazinaya arumeila yari: Simoni,yole Yena amwazimalyawe Pedro, ni n'himawe Andre; Tiago; Yohani; Filipe; ¹⁵ Bartolomeu; Mateus;Tome; Tiago, muaa Alfeu; Simao, azimiya Zelote; ¹⁶ Juda,muana a Tiago; ni Juda Iscariotes, okalale tanvarihale. ¹⁷ Vano Yesu ahikhuruwa niyayoze omuakoni ni kuroa kukhala nipuro nowalim'mwa, vavo wari atthu owattha ni arumeiwe, ni atthu akinaku oJudeia ni oJerusalem, ni onifukhe no Tiro ni ¹⁸ oSitom. Ayo yawale omuiwelela nuvonihiya eretthazaya. Atthu yatutuxaziya ni minepa zotakhala nayena yanivonihiya. ¹⁹ Ni atthu otene yamananiha onkuan'nha Yesu, okala wira waiyowo zanin'kuma ekuro,ni Yena anavoniha atthu otene. ²⁰ Vano vatthukulalyawe metho awehaka awixutthyawe, ahiwirela: ''Oreriya tinyu, amasikhini, okhala wira oMuene wan'Luku tiwawinhu. ²¹ Moreriya nyu nan'nanova mwinvoliya etala, okala wira munrowa ovona. moreriya nyu n'nunla, akala wira munrowa otheya. ²² Mwinireriya mwanhokiyaka natthu ni nthanhiyaka, ni muaruwaniyaka ni nikotthiyaka nzinaninhu mwanaa atthu otakhala, mwaha wamwana ²³ an'Tthu. N'tthapeke nihikun'ne ni ntupheke nuhakalala, vekhweli nyu murowa wakhela ekhara yulupale wirimu, zizamo aviriaya tizawirihaliaya anamiririmo akhalay. ²⁴ Motakaliya, nyu inri athajiry! Okhala wira n'hakhela opuha winhu. ²⁵ Motakaliya nyu, muin'vona nan'nanova, okala wira muinrowa ovoliya etala. Motakaliya nyu, muintheya vano. Okala wira muinrowa wunla. ²⁶ Motakaliya nyu, mwatthotthoprliyaka! Tizizo aviriya akalayi zawirelaliaya anamiririmo owotha. ²⁷ My va kinuhimeryani nyu muinkiwa: muafente awanani'nyu ni n'wirihe zorera ale anhokani. ²⁸ Mwatthotthopele ale anwirihani zonanara ni mualompele ale anutthokutthani. ²⁹ Akhala ontthuna wumanani n'lakha nimoza, mwinvahe m'phantthe n'khina. Akhala n'tthuna owakhani ezako,mwihinkhotthihe n'leyaninhu. ³⁰ Akhala n'tthuna wuvekhelani etthu, mwinvahe. Akhala n'tthuna owakhani etthwinhu, muihinvekele wuhokoloxerani. ³¹ Zizo zinuzivelani nyu wirihiya, ninyuwano n'wirihe akhwinhu zizo. ³² Mwafentaka ale anufentani pahi, muinroa wakhela exeny? Hata anatampi anafenta ale anafenta. ³³ Nyu mwawirela zorera ale ninyu awirelani,muiroa wakhelani? Okhala wira hata anatampi anira zizo. ³⁴ Mwawolihaka ale anonen'nhu wira anahokoloxa pahi, n'natthotthopeliyatho? Okhala wira hata anatampi yolelana an'nilipelela olivana zolihanaliaya. ³⁵ Mwafente awananinyu, mwavarelaka zorera ni molihe n'hilipelelaka ohokoloxeriya, ni yowakhelen'nhu enrowa okhala yulupale. Mwinrowa okhala axana an'Luku, okhala wira Yena torera n'rima na'le ahinxukhuru ni otakhala. ³⁶ N'khaleke anothun'ku, zizo n'toko Papen'nhu ziryawe nothun'ku ³⁷ Muihinlamule n'tthu, ni wira wira mwilamuliye.Muihintthukhele n'tthu, ni wira mwitthukheliye. N'levelele, ni wira n'leveleliye. ³⁸ N'vahekhe ninyu n'navahiya. Muinrowa wakhela m'phimo worerela ,wokhitthiya, khukitthekiya, khunhakheleliya ni khuyamwaryaza. Zizam'mo, wamphimo onrowen'nhu ophima, ninyu mwinrowa ophimeliya yowo. ³⁹ Vano Yena ahahimerya n'likhaniho nimoza: ''Khona onan'hola khona n'kuawe? Owo ira zan'mo, otene zaya kham'morela n'litthiny? ⁴⁰ Nrumei kahi mulupale onvikana mwixutthihi. ⁴¹ Ni n'nona zai ekokhola eri m'methoni wankuin'nyu, khuhinazuwela ekokhola eri m'methoni winyu? ⁴² Muintthuna omwirela zai n'khuin'nyu: 'Okihiye kikhumihe ekokhola eri m'methoniwao', Niweyano ohiwehaka ekokhola eri m'methoniwao? Nawizotoyhi! Opajere okumiha ekokhola eri m'methoniwao toko, vano onarowa wona sana wira okumihe ekokhola eri m'methoni wankhwao. ⁴³ Khuvo n'thali worera oni'ma m'hokorokho wotakhala, wala wotakhala onim'ma m'hokorokho worera. ⁴⁴ wakula n'thali onzuwanehiya nin'hokorokho onim'maya. ⁴⁵ N'tthu orerela on'nikhumiha etthu zorera varohoniwawe, vano ole otakhala varohoniwawe on'nikhumihera ota zonanara; okhala wira malakhu an'himya ele eri varohoni ⁴⁶ Ni exeni My okazimaka: 'Pwiya,Pwiya' ni kuiyiwelela zin'himyaka? ⁴⁷ Atthu otene an'wa wa My ni an'nniwa molumwaka ni an'nittharelela, My kinam'himerya onlikananawe: ⁴⁸ 'owo onlikana ni n'lopwana m'moza onira aphelaka oteka enupawe, onuthipa vathivale kwi'xiha ni khupajera oteka nimaluku. Vano vawaliaya epheyo yulupale, ni mazi am'murokumana mwin'jene enupele, elle hata kuhitthikhinheya, okhala wira yahitekiya sana. ⁴⁹ Wa yole oniwa molumwaka ni kuiyattharelela, onlikana ni n'lophana otekale enupawe vamithakani,vohipajera oyhipa. Vano maazi am'muro vawaliaya kumana mwinjene enupele nan'nanoro yahimora kwihalatho etthu'''.