¹ Vano Yeso, onatzaryale Eroho Yowarya, ahihokolya omuro Yordao ni khurwa etthiheriyaka wothakoni niRoho. ² Wa mahuku miliko mixexe, Yena ahitthehatthehiya ni pilissi. Wa mahuku yayo, Yesu khalyale etthu ni womalelani Yena ahana etala. ³ Pilissi kumwirela: "Wakhala wira We wa mwana a Nluku, orume nnluku wira nithathowe ephau". ⁴ Ni Yeso kwakhula: "Eholepiya wira, kahi ephau pahi ntthu vankhalawe". ⁵ Vano pilissi ahinkuxa npakha nipuro norekama, kunthonyera omwene wotene wolumwenku ⁶ ni kwira: " Mi kinawovaha owerya wo xinttha omwene wanno wotene, niwarya waya wotene. Okhala wira mi kinuvahiya, ni mi kinnivaha ole mi kinimphelaka. ⁷ Tivo wakhokhora oholowaka mi ni khukilompa, tzoteneya tzinrokhala Taawa". ⁸ Massi Yeso ahakhula, iraka: "Eri yolepiya: ' munlompe pahi Pwiya Nlukwinnyu ni Yena pahi munkokhorele'". ⁹ Wakulela, pilissi ahinkuxa Yeso khunryana o Yerusalem, kumwitzati nipuro norekamexa na nupa ya Nluku, ni kwira: "Wakhala wira We wa mwana a Nluku, wirihe va. ¹⁰ Mana eholepiya: 'Yena onrwa oruma malaikhawe wira yothokotze We ni yossuke,' ¹¹ Ni kumwirelatho: 'Ayenatze anrwa Wovarelela nimatataya wira methoTza tzihikwathuliye nimaluku"'. ¹² Yeso ahakula wira: " eri yolepiya, 'muhatthehatthehe a Pwiya Nlukwanyu'". ¹³ Ni, emalamalaka matthehatthewo otene, pilissi ahihuluwa Yena mpakha okathi womala. ¹⁴ Vano Yeso ahihokolowela o Galileya, mwa owerya wa Eroho, ni wiwanya mwaha wa Yena wanimwarela m'mitthetheni motene mowatthamela. ¹⁵ Ni anissomiha npani mothukumana, ni atthu otene ya Nintthapela. ¹⁶ Yena ohowa o Nazare epoma yunnuwalyawe. Ntoko malamalelelo, Yena ahikhela npani mothukumana, nihiku na essabadu, ni Ahivenya wira Assome tzolepiya. ¹⁷ Ni ahivahiya yukuneya ya namalaleya Isaias, ni, atapulaka, ahipwanya nipuro nalepiye: ¹⁸ " Eroho ya Pwiya eri nimi, okhala Yena ohokhithanla wira kilatthule molumo anin'nano wa maxikini. Yena hokiruma wira kihimatjere wopoliya wanamatthukeliya ni olokiherya wona wa ale ahinona, wira katapule ohaxiya ¹⁹ ni kihimatjere eyakha yorerela ya Pwiya". ²⁰ Vano Yena ahitthuka yokuneya, kwahokoloxeraka anamakhalihera npani mothukumana ni Khonkoma. Otene npani mothukumana wita mentwaya enwehaka Yena. ²¹ Yena ahipatjera wahimerya: "elelo yomaliheriya yolepiya emalalen'nyu win'wa". ²² Kula m'motza ahikhalela osahiti etthu Yena ehimyalawe, ni ayenatze otene yari otikinihiya mwa molumo orerexa yakuma mwanomwawe. Yayenatze yanihimya: "kahiyena ula mwana a Yosefi?". ²³ Yesu ahiwirela: "Ekweli nyuano n'nakihikerya n'likanihoon'na: 'N'kulukhana wivonihe n'menzao. Wire elapwao zotene nin'walihu zivaralinyu Okafarnaum'". ²⁴ Ni yena ahira: "kin'nulipeherani wira khavo profeta onakheliya saana elapo oyariyawe. ²⁵ Vano ekhweli kinawuhimeryani wira yahavo athiyana intjene ana'kheli wo Israel okathi ya Elia, yeraneyale wayakha tharu ni nusu khiyarupale epula, ni yahikhala etala yintjene elapo yotene. ²⁶ Vano Elia kharumiye hata nipuro, wohikhala wanan'khweli n'moza Osarepta, wathamela epoma yositom. ²⁷ Okathi wa profeta Eliseu, yahavotho anamakuthula intjene elapo ya Israeli, n'moza pahi tavonihiye" ²⁸ Otene m'pani mwan'luku yahinanariya vin'walyaya itthunyo. ²⁹ Ayo yahivenya, yahimomolela ota wa poma ni khun'hola orontha wamwako wen'wo epoomaya yatekiyaya, wira enthikhele vathi. ³⁰ Vano Yela ahetha nin'yawo ni khuthara ephiroawe. ³¹ Vano Yena ahikhuruwela Okafarnaum, epoma emoza Yokalileya. Yaphiya esapatu Yena anasoomiha atthu m'pani mwan'luku. ³² Awo yanikhala oxanka ni zosomiha Sawe, okhala wira ahimerya ni owerya. ³³ Mahiku yawo, m'pani mwan'luku, ahavo n'lopwana axun'kiya niin'nepa wonanara. Owo anikhuwela vintjene: ³⁴ "Nirina exeni ni we, Yesu oNazarethi? We owelale wira oninyanye? Mi kin'nuzuwela we wapani, Owara an'Luku!". ³⁵ Yesu ahimwakhula xetwani, iraka: "Omale ni okhume wayena!". Xetwani ahinthikhela vathi variyari vaya ni ahikhuma ahin'vulalihale. ³⁶ Ni atthu yahikhala oxanka ni, n'moza nin'khwawe, yanivanela: "Molumo xeni yala? Ni ekuru ni owerya yena on'niwomola axetwani ni ayena anikhuma". ³⁷ Ni zokhumelela mwayena zahipatjera ovuwa mapuro otene wan'thethe yole. ³⁸ Vano Yesu ohiya sinakoka khura owanhawe Simone. Amathawe Simone yari ahawakha ni efebiri yowelaxa, ninyale ya navekelela inlattu ayena. ³⁹ Yesu khurama wayena khumaliha efebiri, ninyele kwahiya. Okhatti yole, ayena khuvenha kwantza o'vara intteko. ⁴⁰ Warya intzuwa nikelaka, athu yahawana othene yawerenya, ni tzottepa watha eretha tzene. Yesu, avenhihakha inttata nawe wa khulanttu, anavoniha. ⁴¹ Ni mwittani ahakuma wanyale, akuwelaka ni yiraka: Yu mamwana a Muluko!''. Ni Yesu aniwomola amwittani, ahahiyakha oolavula, inlathu ayenatze yanitzuwela wira yena Kiriisto. ⁴⁴ Nihuko namalalaya, Yesu ahikuma arakha nipuro ehikhanle ethu arakha oveekwela. Ni athu yahinttola m'paka owa nipuro aryawe. Ni yanimananiha onkhottiya okhuma. ⁴³ Masi Yesu kwahimerya: ''Mii khihana khilaleya ethu tzinatti owehiya tza Muluko wa epoma tzikhina, vavo ttiiraya mii khirumiyaka''. ⁴² Vano yena ahihokolela olaleya insinakoka impaka mapuro othene mwa Yudeia.