¹ Eyakha nloko nathanu vomwene wa Tiberio Cesar, ira Poncio Pilatus onari governadore o Judeya, ni Herodes, onari Mwene o Galileya, ni tatawe Filipe, onari mwene a nttethe wo Itureiya, ni Traconites ni Lisanias, mwene a Abilene, ² wo kathi wankulupale anamukuttho Anas ni Kaifas, nulumo naNluku nahiwa wa Yohani, mwana a Zakarias, mmathalani. ³ Yena ahetthakatza nttethe wotene worukurerya o Yordao, alaleyaka orapihiya wowintuthuwa, wowira oleveleliye etampi. ⁴ Ntoko tzilepiyaya nlivroni mwa molumo aprofeta Isaias: " Ntzu ninkuwela mmathalani: 'Nrerihe ephiro ya Pwiya, mokolele nnyenkuwatzalyaya. ⁵ Malitthi othene anawuhelelatziya, myako ni eruwa tzothene tzinrwa opwexakatziya, epikata tzothene tzonyenkuwatza tzinrwa wokololiya, ni ephiro tzotiphatza tzinrwa wataliya; ⁶ ni othene anawona wopola wa Nluku"'. ⁷ Vano Yohani ahahimerya atthu antzene yawa ira erapihiye niyena: " Nyutze mwa nloko navili! Tipani olopolaleni wira muthawe onanariya on'wa? ⁸ Tivo mwimeke mihokorokho tzimphanelela wintuthuwa ni mwihipatjereke wira nyenyuru: ' Hi nihana Abraamu papehu!', mana mi kinohimeryatzane wira Nluku onanvexa mwana a Abraamu hata wa malukuala. ⁹ Epatjo ehoheliya vamotzaru vantatharini tza mwiri. Mana nthale wotene ohinimma mihokorokho tzorera onathikiliya ni kuthikheliyaka va moroni". ¹⁰ Ni atthu antzene yaninkoha, yiraka: " Nireke exeni vano?" ¹¹ Yena ahakula: " Akhala orina malayawe meli, anvahe nimotza ole ohirina nakhala nimotza ni orina eholya, ire tzitzammo". ¹² Vano akinaku yaliviya mposto, yawale ira erapihiye, yahinkohatza: "Funti, nireke exeni?" ¹³ Ni Yohani kuwirelatza: " muhivekele mussuruku ovikana ole orumiyennyu". ¹⁴ Atoropa akinaku yahunkohatza, wira: "Ni mankhi hiyano? Nireke exeni?" Ni Yena kwakulaka: " muhikuxeni ntzuruku watthu nikuro, wala muhimotheryeni ntthu vololwene. Nttheliyeke nrima nile enakhelennyu". ¹⁵ Okhala wira atthu yira enlipenlaka vothanana owa wa Kristu, othene hupuwela nrohoni mwaya wira Yohani ari Kristu. ¹⁶ Yohani ahiwakulatza, iraka: "Wamiyano, mi ki norapihani nimatzi, massi onawa Ole ori vantjene oweryexa ovirikana nimi ni mim nkhikhalale opwanelela otthukula mikoyi tza sapatthotzawe. Yena on'wa worapihani ni Eroho Yowarya ni moro. ¹⁷ Yena ohana m'matatani mwawe epossolo yo wira akwetzakwetze sanene nipuronawe ni wira atukumane etirigo n'nikhupini mwawe. Massi Yena onapaha mitathi ni moro ohinlipelela otthipha." ¹⁸ Mwa tzintzene tzolopola tzikinaku, Yohani anisomiha watthu tzorera tzanin'nano. ¹⁹ Ni khuhiha Herodes, kovernadore,mwaha wonthela mwara atatawe, Herodias, nitthu tjintjene tjikinaku tzonanara yena tziralyawe, ²⁰ ni n'lelo kwintzerera tzotene tzeyo, ontthukhela Yohani n'khattheya. ²¹ Vahikhumelela vano vale atthu viraya erapihiyaka ni Yohani, Yeso nihena ahirapihiya, ²² ni vale Yena avekhelaka erimu yahitthukuwa; ni Eroho Yowarya yahikhuruwa npakha Yena enalatthanale erutthuaya, n'toko ekhunttha. Ni nahiwaneya n'tzu wirimu: "We omwanaka onimphentaka, wa we kinnorumela". ²³ Okathi Yeso vantzalyawe mitekotzawe, Yena arina eyakha miloko miraru. Yena ari mwana a Yossefi (ntoko tzupuweliyaya), mwana a Eli, ²⁴ mwana a Matate, mwana aLevi, mwana a Meliki, mwana a Janai, mwana a Yossefi, ²⁵ mwana a Matatiyas, mwana a Amos, mwana a Naum, mwana a Esli, mwana a Nagai, ²⁶ mwana a Maate, mwana a Matatias, mwana a Semei, mwana a Yoseke, mwana a Yoda, ²⁷ mwana a Yoana, mwana a Resa, mwana a Zorobabel, mwana a Salatiel, mwana a Neri, ²⁸ mwana a Melki, mwana a Adi, mwana a Cosa, mwana a Elmoda, mwana a Er, ²⁹ mwana a Yosua, mwana a Eliezer, mwana a Jorim, mwana a Matate, mwana a Levi, ³⁰ mwana a Simao, mwana a Yuda, mwana a Yosefi, mwana a Yona, mwana a Eliakim, ³¹ mwana a Melea, mwana a Mena, mwana a Matata, mwana a Nata, mwana a David, ³² mwana a Yesse, mwana a Obede, mwana a Boaz, mwana a Sala, mwana a Nasom, ³³ mwana a Aminadabe, mwana a Admim, mwana a Arni, mwana a Esrom, mwana a Fares, mwana a Yuda, ³⁴ mwana a Yakobi, mwana a Isaki, mwana a Abrahamu, mwana a Tera, mwana a Noar, ³⁵ mwana a Seruke, mwana a Rakau, mwana a Faleki, mwana a Eber, mwana a Sala, ³⁶ mwana a Kaina, mwana a Arfaxade, mwanan a Sem, mwana a Noe, mwana a Lamekhi, ³⁷ mwana a Matusalem, mwana a Enokhi, mwana a Yaredi, mwana a Maleleel, mwana a Kaina, ³⁸ mwana a Enos, mwana a Sete, mwna a Adamu, mwana a Nluku.