¹ Mahiku yale, nkhulupale elapo Cesar Augustu ahiveleliha yowethela arumaka wira okhale orepeliya watthu otene yakhala nlaponi. ² Eyo yeraneiye, wopatjera, okathi Quirino ariawe Governatoro 'o Siria. ³ Vano, otene yahirowa npoma mwaya ayariyaya wira yalepiye. ⁴ Yosef niyena ahivenya epoma yo Nazareth, o Kalileiya, khurowa Obelem, o Yudeiya, yazuwelaniye okhala epoma ya David, okhala wira yena ari nihimo na mwene David. ⁵ Yosef ahirowa ninthimanawe Maria wira niyena alepiye. Yena ari nirykulu. ⁶ Yahikhumelela zo, vaphiyatzalyaya o Belem, yari okathi Maria athunawe onyara mwana. ⁷ Vano yena ahinyara mwanawe nlopwana, mwana onpatjera, ni yena ahinputaputera vakuwuni. Numala, yena ahinhiya nmutzitzini , okhala wira khiyarivo nipuru para omaka. ⁸ Nthethe yowo amakanputzi yari nkuluthuni, exunkaka epwithipwithi tzaya ohiyu. ⁹ Nlaikha nimotza napwiya nahikhumelela variya ni warya wa pwiya wanoneya eriyariya, ni wova wahaphwanya. ¹⁰ Vano, nlaikha nahira: "nhoveni, kinuwihelani ehapari etzia yoteliha eroho wathu otene. ¹¹ Elelo, epoma ya david, moyareliya Mopolinnyu. Yena Kristu, Mwene! ¹² Nnarowa ontzuwela mwaha yothonyera ela: Yena onuputaputeriya vakuwoni ni kwataleliya nmizizini". ¹³ Ninnanoru, malaikha mintjene, yakhumale wirimu, yahiwa khutakanela ni nlaikha nikina enthothopelaka Nluku yiraka: ¹⁴ "Ovuwa wanLuku wirimu ni okhale nrethele vathiva watthu otene yawo Nluku onaphelelawe essalama". ¹⁵ Vano ankelo vahokoloelalyaya wirimu amakamputzi yahirelana: "Nroweni nakuveke O Belem nawehe ethu ela yotikiniha ekhumelelale ni apwiya anitzuwelihalyaya". ¹⁶ Yahirowa ni wakuveiya ni nwo yahimpwanya Yosef ni Maria vanxaxani. Ni yahinweha mwana ayataleliyene vantzitzini. ¹⁷ Vawehatzalyaya eyo, ayena yahahimerya atthu tzahimeriyaya mokoni ya' mwana. ¹⁸ Otene yaphwanyaneya ni amakam'putzi yahikhala oxanka ni'thu tzin'waya. ¹⁹ Vano, Maria ani'yathi tzotene tzin'wawe ni anin'yathi varohoni vawe. ²⁰ Amakam'putzi yahihokolowa en'thotopelaka ni envuwihaka N'luku, mwaha tzotene tzin'walyaya ni tzonalyaya tzari tzitzan'mo malaika tzahimalyaya. ²¹ Mahiku yethaka thanu namarru, wahiphiya okathi wa matzoma a mwana. Ayena yahin'vaha n'tzina na Yesu, okhala wira titzitzan'mo n'laikha namwatzimalyaya ahinathi rupaliya. ²² Vaviralyaya mahiku'aya okhalelana ayena, vothariha ekano tza' Mosi, Yosef ni Maria yahin'kuxa mwana khun'rowana n'pa yan'Luku, oyerusalem, wira athonyiheriye apwiya. ²³ Okhala wira yahilepiya wekano tzan'Luku. "Mwana n'lopwana omwali ohana avahereriyaka on'kuthoni wapwiya". ²⁴ N'toko ekano tzapwiya, ayena yahana evahaka axana amatzia men'li walani ekhuntha pili" mwana tzalepiyaya. ²⁵ Vano ahavo m'lopwana n'motza oyerusalem atzimiya Simeao. Yena ari axariya ni orera n'rima. Yena alithiya omalihiya wa Israel ni n'nepa wowarya wari ni yena. ²⁶ N'nepa wowarya wahimwapela yena wira khakwa ahinathi owa Mopoli natiri ahimihe ni n'luku. ²⁷ Ayaholiye ni n'nepa wowarya, Simeao ahikela m'pani mwan'luku. Yosef ni Maria yahin'wana Mwana. Yesu wira ethariheliye minlathi tztharia n'kanoni. ²⁸ Simeao ahimwakhela Yesu n'matatani mwawe ni ahinthothopela n'luku eraka: ²⁹ pwiya Thunani vano wira epotin'nyu erowe nin'rethele, okhala wira natirinyu ohiraneya. ³⁰ Wirari methoaka aweha wopowa wopolawao, ³¹ yeyo nyu nrerihalinyu watthu otene; ³² warya wothonyihera walipa otheka, ni wariya watthuninyu Israel". ³³ Axipapawe mwana yahixanka okhala c2v28wira ethu tzahimiyaya wan'yowo. ³⁴ Simeao aharereha ahimwirela Maria, mamawe: Mana ola ovahiya hata ohawa hata ni vavenyiha atthu o wi'Srael wiraa akhale n'thonyero wa onyokhana (Ni etukuthi enavira n'nepawe), ³⁵ Okhala wira tzowupuwela tzatthu intjene tza'roho tzoneneliye. ³⁶ Namiririmo n'motza atzimiya Ana niyena ari vavalene, Yena ari mwana a Fanuel, wa n'loko na Asser. Yena ari owuluvala, ni akhalale ni mwannawe wa yakha sita okuma eharussiawe, ³⁷ vano kukhalaka namukweli ni tzitzo ahikhala eyakha miloko mithanu namiraru ni eyakha tjexe.Yena khatokale ohiya mpani mothukumana, anlonpaka Nluku vohihiya ni otthuka ni ovekela, ohihu ni othana. ³⁸ Okati ene yoyo, yena ahipatjera omuxukuru Nluku ni kulavula mwaha wa mwanamwane wa otene yalipelela wopoliya wo Jerusalemu. ³⁹ Vano ayenatze vamalihaliaya ovara tzothene tzaahalela ntoko nikano tzaPwiya, ayenatze yahihokolowela oGalileiya, ocidade yawayenetze, oNatzare. ⁴⁰ Ni Mwanamwane anunnuwa mwerutthuni, akhalaka okhomala, atzareiaka otjuwela, ni mahala an'Nluku yari mwa Yena. ⁴¹ Axipapawe yanirwatza eyakha tzotene o Jerusalemu, onirani na Paskowa. ⁴² Vano Yesu vamaliheralyawe eyakha nloko ni pili, ayenatze yahirwatza onirani, ntoko tzalamalelalyaya. ⁴³ Vamalalyaya maiku otthapa, ehokolyatzaka, ahihala mwanamwane Yesu oo Jerusalemu ni Axipapawe kiyatzuwela, ⁴⁴ mana yupuwela wira ori munkwahani arwa nayenatze. Nnamalalene nihiku nimotza wetthiyaka, ayenatze yahipatjera onphelatza variyari vamutji ni vapatthani. ⁴⁵ Vano ayenatze vahimphanyalyaya, ayenatze yahihokolowela o Jerusalemu ni kupatzeraka omPhelatza wewu. ⁴⁶ Vamalaya mahiku mararu, ayenatze Yahimphanya mpani mothukumana, ononkomalene eriyari yatzuweli, emwiwaka vomalya ni emukohakohaka. ⁴⁷ Othene Yamwiwa yakhala otikinihiya nutzuwelawawe ni mwakulelwawe. ⁴⁸ Vano ayenatze vamonalyaya Yesu, yahalale otuthuwene. Vano Amamawe kumwirelaka: " Mwirelaleni tzitzamo nihi? Mmweheke apapenyu ni mi nari oxanka nophelatzakani Nyu". ⁴⁹ Ni Yesu kwakula: "Exeni nyuwanotzi mwaxankennyu mwaha wa Mi? Nyuwanotzi khamuntjuwela wira Mi kihana okhala mpani Mwapapaka?". ⁵⁰ Nintzo ayenatze kahiwale etthu Yesu yaphelawe ohimya nimolumwala. ⁵¹ Vano Yesu kuhokolela Naxipapawe Onatzareti, Ni awiwelelaka ayenatzi ni Amamawe yanitzathi etthuya tzotene varohonivaya. ⁵² Nantzo Yesu anitepa wunnuwa nutzuwela, mwerutthuni ni mwamahala niNluku ni natthu.