¹ Vano, axulupale amayuda otene yahinanariya niYena ni khunroanela Pilatos. ² Ni khupajera omotheriaza yiraka: ''Nimpwanhale n'lophuanola ahononazaka eketthelozihu, akhotthihaka oliviya m'sokho wa Cesar, ihimiaka wira Yena ti Cristo muene''. ³ Pilatos ahinkoha: ''Weyano omuene amayuda?''. Ni Yesu ahimuakhula: ''Nyu muinnihimia''. ⁴ Ni ahiwirla Pilatos makulupale anankuttho ni atthu otene: ''Nkinona ehasarawe n'lopuanoola''. ⁵ Masi ayenaze yanikhanherera, yiraka: ''Yena on'napapharaza atthu, asomihaka eyudeia yotene, okhuma oGalileia m'pakha n'no''. ⁶ Vano Pilatos ahinwa eyo ni khukoha wira n'lopuanoole ari n'galileia. ⁷ Vano vazuwelaliawe wira Yena ari antthetthe wa Herodes, aHinroanela yoyo, ni ira onari oJerusalem mahikuyale. ⁸ Vano Herodes vamonaliawe Yesu, ahittheliya n'rima vinjene, maana ahana okatthi muinje, aphelaka Onweha. Yena aninwa ohimiya Yesu ni aniphela Onweha apankaka muirira. ⁹ Herodes ahinkohakoha Yesu ni molumo minjene, masi Oyo kamuakhulale etthu. ¹⁰ Aholeli anankuttho ni anamalepa yahipajera oMotheriaza Vinjene. ¹¹ Herodes natoropawe Khun'nhohola ni Khuntarau, Anwarihaka n'leia norera ni, ohlowaya, khun'hokoloxera waPilatos. ¹² Pilatos ni Herodes khukela opatthani m'moza nimkuawe okhuma nihiku nenne. Okhuma khaliyi kiyapatthana. ¹³ Pilatos, vano, ahiwazimaza aholeli anakuttho, aholeli atthu ni n'xovo wotene, ¹⁴ ni khuwirela: ''Nyu muikiwanela n'lopuanola muanaa n'tthu onakhotthiha atthu winwelela, masi n'konani: miyano, kihonkoha nyu monaka va, n'kimphuanhanale n'latthu wa etthunya nyu Zinmotherienhu. ¹⁵ Hata Herodes, timaana Onhokoloxa. Muhona wira khivo yiraliawe yorerela winviya. ¹⁶ Miyano, kinroa On'hukhumu ni ¹⁷ kin'hiyeke''. ¹⁸ Masi ayenayanikhuwelaza otene, yiraka: ''Akumiheriye n'no n'lopuanoyo ni nileveliye Barrabas!''. ¹⁹ Barrabas ari n'lopuana m'moza atthukeliye ekisua ya enhakunhaku m'poma ni hata ni winva. ²⁰ Ahilavulatho Pilatos, aphelexaka onleva Yesu. ²¹ Masi ayena yahikhuwela, yiraka: ''Akhomeliye, Akhomeliye''. ²² ahakohatho n'kuaha waneraru: ''Nlatthu xeni? Iraleni yotakhala ola n'lopuanola? Miyano N'kimphuanhanale n'latthu onrerelawe winviya. Vano kinroa onhukhumu kinleveke''. ²³ Masi ayena yanikhuwe vohimala, avekelaka wira Yena akomeliye. Ni onhakula watthu wahinweria Pilatos. ²⁴ Vano, Pilatos ahitthuna wavaha ele yakhanhereraya. ²⁵ Yena khunleva ole anvekelaliaya, yole atthukeliye n'latthu wenhakunhaku ni winva. Vano, kuahaka Yesu muanaa zatthuya. ²⁶ Vano Vankuxaliaya vale, yahinvara Simao, a epoma yoCireni, akhuma omatthani, ni khunrea muinkimanho wira yena akuxe, anttharihaka Yesu. ²⁷ N'xovo muinjene watthu ni athiyana yikhupanhera aMunlelaka Yanintthara. ²⁸ Masi arukunuwaka waweha, Yesu ahira: ''Axana oJerusalem, muikunleleni Miyano; muizunlelelnyu muaxinene naxanen'nhu. ²⁹ Anaroa ophiya mahiku antthune'nhu wira: 'Zoreriya ekupa ni erukulu zihiyarale, ni ahamuiye'. ³⁰ Vano n'naroa opajera wirela miako: Zinimorele hiyano', ni maximpwe: 'Anikhunele'. ³¹ Vano ayena yirihazaka zoo n'thali n'kithi, enroa okhala exeni oyo wum'mavale?''. ³² Alopuana akinaku, enli anamatakhala, yahikuxiya vamoza niYesu oroa winviya. ³³ Vaphiyaliaya nipuro nazimiya ''Caveira'', vale aHikhomeliya, vamoza naanamatakhalale, m'moza mono n'lopuana ni n'kinaku mono n'thiyana. ³⁴ Yesu ahira: ''Papa, mualevelele ayo khanzuwela eniraya''. Ni yahitthika eparakha, akawanazaka ekuwozaWe. ³⁵ Atthu yahalale awehaka okathi aholeli nayena Wan'nhoholaya, yiraka: ''Yena ahiwopola akuawe, Muin'hiye Izopole, akhala wira Yena mopoli, Othanliya nin'Luku''. ³⁶ Hata natoropa nayena Yaninveha, anvahaka evinhu yonhunha, yiraka: ³⁷ ''Wakhala wira oMuene ayuda wiZopole''. ³⁸ Nahiheliya vavale nimpawu nalepeliyaWe: ''OLA YESU MUENE AYUDA''. ³⁹ Namatakhala m'moza akhomeliye, aHinruwana iraka: ''We kira Omopoli? Wizopole ni Onopole hiyano''. ⁴⁰ Masi ahimuakhula ni khunkotthiha, iraka: ''Khunimova n'Luku, we orina ehukhumu emoza? ⁴¹ Hiyano, wekhueli, niri vamozaru nakhelelaka enrerela nimitekozihu. Masi ola n'lopuanoola khavarale etthu yotakhala''. ⁴² Ni ahunjerera: Yesu, n'kupuwele miyano muakela mumueneniWinhu''. ⁴³ Yesu ahimuirela: ''Vekhweli kinamuhimeria, elelovava weyano n'roa okhala nimiyano oparayizo''. ⁴⁴ Ziira ziphiyaka iwora than'namoza, ni yahikela ewiriphi elapo yotene m'pakha iwora ya than'naxexe, ⁴⁵ n'zuwa nahihiya waria nia ekuwo yari m'pani wan'Luku yahanhuwa eriyari. ⁴⁶ Ni, akhuwelaka vinjene, Yesu ahira: ''Papa, m'matatawiHyu kinnuvahererani N'epaka''. Niwira zam'mo, Yesu ahikhua. ⁴⁷ Niwona n'khulupale anakhottho yakhumelelalele, ahintthotthopela n'Luku, iraka: ''khweli khweli nlopwanoola ari orera n'rima''. ⁴⁸ Vano atthu injene vawazaliaya oweha yakhumelelale, wa inye zonaliaya, yahihokolea amanaka etthirima. ⁴⁹ Masi anamanzuwela Yesu otene ni athiyana Yanttharale okhuma oGalileia yonkomathale, zivale awehaka etthu ziranea. ⁵⁰ Ni ahavo n'lopuana m'moza irela m'phantthe n'thukumano wamayuda azimiya Jose, n'lopuana orera n'rima ni naxariya, ⁵¹ aWarimateia, epoma yoyudeia. Yena anilipelela omuene wan'Luku (yene khakupalale ele yinwananiyele ni yavariyele). ⁵² N'lopuanole, ahiroa m'pakha waPilatos, khunvekela erutthu ya Yesu. ⁵³ Yena aHikuruxa, Kutthukaza ninkhumi wanzurukhu muinjene ni Khuhela m'mahiyeni yithipiye vanlukuni, muahatokale oheliya n'tthu khalayi. ⁵⁴ Nari nihiku nantthenkezo, ni esaapatu yira epajeraka. ⁵⁵ Athiyana yettha ni Yena okhuma oGalileia yahiweha mahiye ni erutthuawe zaheliyaya m'mwe. ⁵⁶ Ayenaze yahihokolea ni khuroa ophelaza makukhu ni makhura onukhela. Vano, esaapato yahimumula zin'himiaya eketthelo.