¹ Masi, nihuku nopajera na esumsna, oxakeene, ayenaze yahiroa omahiye, anakuxale mirerelo zaphelazaliaya. ² Yena yahiphunha n'luku nomahiye ninakumihiye; ³ masi nuukela khayaphuanhale erutthu ya Pwiya Yesu. ⁴ Ni yahonanea wira ayena yahituyhuwaza wayele yakhumelelale. Vano, alopuana enle yahakhumelela anawarale ikuwozaya zoowaria. ⁵ Athiyanaale yahovaza vinjene ni, yuramelaka vathi, ayena yahiwirela athiyanaale: ''Exeni m'pheelaka muaatthu okua Ole ori n'kumi? ⁶ Yena khavo mu, ohihimua! Mupuwele Yena Zuhimerialiaweni, onari oGalileia, ⁷ eraka Muana an'Tthu ahana avahereriyaka m'matatani muanamattheka ni akhomeliya ni, nihuku naneraru, ahihimuaka''. ⁸ Axithiyana yahupuwela molumuaWe. ⁹ Ni, yahihokolea omahiye, kuahimeriaza etthu zotene ale n'lokonenli ni akinaku otene. ¹⁰ Maria Madalena, Joana ni Maria amamawe Tiago, ni akinaku yarinazaya yahahimeriaza etthuinya arumei. ¹¹ Masi arumei kayaakupalale axithiyanaale, molumoayo yona muanaa (n'lavi.) ¹² Pedro, nuwinwa, ahivenha ni khutthimakaza aroaka omahiye. Khurama athurumelaka m'paanimmue, awehale mikhumi zoearia pahi. ahihokolea aroaka owani otikinihiya niile yakhumelelale. ¹³ Nihiku nenne, enli aiyaleze yira aroazaka n'tthette m'moza wazimiya Emaus, wakhala ekilomu n'lokonapili zotthalivevana oJerusalem. ¹⁴ Ni yira avanelaka wa etthunye zakhumelelale. ¹⁵ Yahikhumelela zoo, okathi ayena wakhulelihanaya nuuvanela, Yesu yole ahakhumelela ni khupajera wettha nayena. ¹⁶ Masi menthoya khayaweriale onzuwela. ¹⁷ Ahakoha Yesu: ''Iraka muinvanelani niiphiro?''. Ni yahemelaza orpiyene iroho. ¹⁸ M'mozaya, azimiya Cleopas ahakhula: ''We om'malapo ohinzuwela etthu zinkhumelela m'Jerusalem mahikuena'ala''. ¹⁹ Yena ahiwirela: ''Etthu xeni?''. Ayena khuakhula: Za muaha waYesu onaZare, Ole ari n'rumei akuru ni molumo erera, eriari yan'Luku ni atthu otene, ²⁰ ni enamuna aholeli anakutthu ni aholelinhu Onvahereraliaya wira inviye ni Okhomeliya. ²¹ Him nupuwela wira aroa okhala Yena aroa wopola Israel. Ni vavatho enukhalaru zam'mo, elelo mahiku mararu zihiranearu etthunya. ²² Ekhueli axithiya akina in'nawihum anitutuxa, vapeherialiaya oxaka omahiyeni. ²³ Ni khaphuanhale erutthu yaYesu, yahihokoliaza yiraka yonale malayikha, yahimeria wira Yesu n'kumi. ²⁴ Akinaku yari nihiyano yahiroaza omahiye ni khonexexa axithiyana yahimiaya; masi Khanwehale''. ²⁵ Yesu, vano, ahiwirela: '' Atthu otakhaliya ni eroho zopiza okupali inye zotene arumei zihimialiaya! ²⁶ Khavarerela wira Mopoli ahawe niitthu muanaa inya ni akele owariani Wawe?''. ²⁷ Vavo, apajeraka waMoises ni aroaka wamarumei otene, ahataphulela, wazolepiya zotene, zahimia muaha waYena. ²⁸ Okathi watthamelaya muintthettheni, waroazaya, Yesu ahikhaliha muanaa onroa nkuahawe. ²⁹ Masi ayena Yahinkhanherera, yiraka: ''Okhale nihiyano, maana va vahinla ni okokola womala''. ni ahikela khukhala nayenaze. ³⁰ Ni onari vamozaru nayena vameza, ahikuxa n'katthe, khuvekelela, khumeya, ni khuavahaza ayena. ³¹ Vano, menthoya tutthukuwazaliaya, ayena Khunzuwelaka, ni Yena ahikhuma vale khayamonaletho. ³² Ayenakhunirelana m'moza ninkhuawe: ''KHapahakaza erohozihum, okathi Yena wanihimeriazawe niiphiro ni anitaphulelaka zolepiya?''. ³³ Ocathi yole, yahivenhaza, ni khuhokolela oJerusalem. Ayena yahaphuanha ale n'lokonenli anathukumanale ni ale yarinaya, ³⁴ khuahimeria: Vekhueli aPwiya ahihimua ni khunkhumelela Simao''. ³⁵ Vano khuhimiakaza etthu zakhumelelale niiphiro ni enamuna Yesu zanzuwelaliaya wameawe n'katthe. ³⁶ Ninlelo ahimiakazaka eyyhunye, Yesu ahakhumelela eriyariaya ni khuwirela: ''N'retthele okhale ninyuwano!''. ³⁷ Ni yahituthuwaza niwova, yupuwelaka wira yona n'nepa. ³⁸ Masi Yesu ahira: ''Exeni enxankazen'nhu? Exeni okhumelelaka okhapelaza n'rohoniwinhu? ³⁹ Wehani matataaKa ninhauzaKa, My yinyeMy! Kivreni ni n'namona. N'nepa khunkhalana erutthu walani makhuva muanaa nyu zinonen'nhu My zirinaaka''. ⁴⁰ Nuhimia zam'mo, ahatonhihera matata ninhawu. ⁴¹ Ni okhala wira ayena khayakupalizi, n;latthu wowatthela n;rima ni yina malavi, Yesu ahiwirela: ''N'hana etthu enjiya vaa?'' ⁴² Khumuirela, ehopa yowoxiya yomenya. ⁴³ Yesu ahikuxa khukhura ayenaze anwehaka. ⁴⁴ Yena ahiwirela: ''Kinari ninyuwano, kanuhimeriakani: zahana ziraneaka zotene zalipiye waMiyano n'Kanoni zaMoises, ni wanamiririmo akina nim'majiponi''. ⁴⁵ Vano, ahatthukula muru wira azuwele zolepiya. ⁴⁶ Ni khuwirela: ''Tiyolepiya wira Mopoli ahana ahawaka ni ahihimuaka muaatthu okhua nihiku naneraru. ⁴⁷ Ni wanzinanaWe, olaleiye wituthuwa ni oleveleliya etampi wamaloko etene, opajeraka oJerusalem. ⁴⁸ Nyuwano muanamoni etthunya. ⁴⁹ Vano Miyano kinroa wuvahererani enatiri yaPapaka; masi mualitthihe m'poma m'pakha owarihiya ekuru zawirimu''. ⁵⁰ Vano, Yesu ahakumihera ota m'pakha wayyhamela oBetania. Ni, avenhihaka matatawe, ahalompela. ⁵¹ Yahikhumelela wira, Yena alompelaka, ahikhuma ni khutexeya aroaka wirimu. ⁵² Vano, ayena Yahinkokhorela ni khuhokoleaza aroaka oJerusalem nuhakalala vinjene. ⁵³ Ayena yakhala m'pani wan'Luku antthotthopelaka n'Luku.