¹ Yahikumelela wira mikatthe zohikalana miropo, yazimiya Pascoa, ahatthamela. ² Aholeli alipa m'kuttho ni anamalepa yira avanelaka enamuna xeni yatthunaya omuinva Yesu, okala wira ayena yaniwova atthu. ³ Xetuani ahinkela Judas Iscariotes, m'moza aiyale n'loko nenli. ⁴ Ni Judas ahiroa ovanela ni oholeli an'kuttho ni aholeli ampani wan'Luku enamuna xeni yatthunawe wavaha Yesu. ⁵ Ayenaze yahittheliya n'rima ni khuiwanana onvaha n'zurukhu. ⁶ Yena ahikupali ni kunaphelaka okathi wira avahe, vohikala atthu injene. ⁷ Vaphiyaliaya nihiku namikatthe zohikela miropo, epwitthipwitthi ya pascoa varoaya winviya, ⁸ Yesu ahinruma Pedro ni Yohani, iraka: ''N'roe muatthekeze nira naPascoa, wira nije''. ⁹ Ayena Yahinkoha: ''Muimphela natthenkaze vaini?''. ¹⁰ Yena ahiwakula: ''Iraka, muakelaka m'poma n'naroa okumanana n'lophuana m'moza okuxa muapuawe wamazi. Muintthare m'paka enupa enroawe okela. ¹¹ Ni muan'himerie muanene enupa wira: 'Muixutthihi irale: Nirivai nipuwa ninroaKa onlya Pascoa narumeiaKa?'. ¹² Yena onaroa wutonhiherani vasala vorerihaziya ozulu wanupa. N'tthenkaze vavo''. ¹³ Vano ayena yahiroa ni khuphuanha muanaa zizale Yena zahimerialiawe. Ni khutthekeza nira Pascoa. ¹⁴ Nuphiya okathi awaka, Yena ahonkoma naarumeiawe. ¹⁵ Vano kuwirela: ''My wanikizivela onlya Pascoa ninyuano kinatthi oroa. ¹⁶ My kinnuhimeriani: 'My n'kinroatho olya ninyu, m'paka vanroaya wiraneatho wumueneni wan'Luku''''. ¹⁷ Vano, Yesu ahikuxa ekahi ni, anavahale mahala, ahira: " Kuxani ni n'kawanazeke. ¹⁸ Okhala wira Miyano kin'nuhimeryani wira n'kiwuryatho n'hokorokho'olaa vazya, n'paka omweneni wan'Luku owa". ¹⁹ Vano Yena ahikuxa n'katthe ni, wavahaliawe mahala, ahimianiha ni kuavahaza, iraka: ''Ela erutthuaka, envahiya n'latthu wa nyuwano. Muireke zizamo wira n'Kupuweleke''. ²⁰ Wanamuna yeyo, nuumala oja, Yena ahikuxa ekahi, iraka: ''Ela ekahiila watana wanan'nano wamphomeniwaKa, emuarexiya n'latthu wanyuwano. ²¹ Masi n'tatanawe ole onroa oKinviha niri nimiyano vameza. ²² Masi Muana an'Tthu, onira muanaa zitthuniheriyawe. Masi otakaliya n'tthu onroa omuinviha Yena!'' ²³ Ni ayena yahipajera okohanaza yayoru wira tipani oroa wira yeyo. ²⁴ Vano wahikumelela onhakulihana yayoro wira tipani oroa okalihiya mulupale wayenaze. ²⁵ Yena ahiwirela: ''mamuene antuniyani ahana oweriawaya , ni ale anaholela akhuaya ankhalihiya anamarerela. ²⁶ Masi wanyuwano ehikale zam'mo. Ovirikana zam'mo, ole ori mulupale wanyu ikaliheke otepexa oyeva. Ni ole ori otthitthimiheya tinrumela. ²⁷ Vano tipani ori mulupale, tuule onkomathale vameza, walani tuule onrumela? Kahiule onkomathale vameza? Vano, Miyano kiri eriyarin'nhu muanaa ole onrumela. ²⁸ Masi nyu tinyuu muinkalaka nimiya no muhawaniwaka. ²⁹ My kihuvahani omuene, muanaa zizale aPapaaKa zikivahaliaya Miyano, ³⁰ wira n'jeke ni n'wurieke vamezawaka, mumueneniwaka. Ni monkome vahijeni wira m'phuke maloko awiIsrael. ³¹ Simao, Simao, n'kale owehaweha, xetuani ovekela wira ukuxeni, wira uvereni muanaa etrico. ³² Masi My kihuvekelelani, wira n;roromeloninhu niikue'ni. Ni muaroa kuituthuwa, mualipihere axikuin'nhu''. ³³ Pedro ahira: ''Pwiya, my kokupali oroa ninyu hata okalaka n'khattheia wala wukhuani''. Yesu ahakula: ³⁴ ''My kin'nuhimeria, Pedro, n'thupi kanroa wiipa elelo, ohinatthi, evara vararo, onakiruna wira kunkizuwela''. ³⁵ Vano Yesu ahiwirela: ''N'kuaha My wurumaliakani vohikuxa n'rupa, kafukho walani esapatho, yahuhalelani etthu?'' Ni ayena yahakulaza yiraka: M'nari''. ³⁶ Vano Yena ahiwirela: ''Vano ole orina m'rupa akuxe ni hata kafuko owikuxiha. Ole ohirina mualo atumihe n'leianawe ni athume m'moza. ³⁷ My kinuhimeriani wira zotene zilepiye waMiyano zihana ziraneaka: 'Ni Yena akalihiye muanaa n'takali'. Maana, zotene zalepeliyaka zinira ziraneaka''. ³⁸ Vano, ayena yahira: ''Pwiya, zihavo vaa mialo minli''. Ni Yena kuwirela: ''Zinaphiye''. ³⁹ Numala ojiya, Yesu ahikuma aroaka oMuako wa Oliveiras, muanaa zalimalelihaliawe wira, ni arumeiaWe Yahintthara. ⁴⁰ Ayena viphiyaliaya, Yena ahiwirela: ''N'lompeke wira n'hikeleni mutthehiyani''. ⁴¹ Yena ahavikanaza ayena arukureriaka winthela wanluku ni, ahikokhora, kunampa ⁴² iraka: Papa, Nyu muatthuna, N'hapuxe wa My ekahiila. Wazizam'mo ehiraneye otthunawaKa, masi otthunawiNyu''. ⁴³ Vano, naHinkuruwela n'laikha nawirimu, Kunanlipihera. ⁴⁴ Onaka omati, Yena tuwatepexawe olompa vohimumula, ni oratthelawawe kuyakhuma mamoromoro molupale muanaa ephome amorelaka vathi. ⁴⁵ Vano ahivenha wavekelawe, Yena ahiroa m'paka warumeiawe ni khuaphuanha arupazaka, muaha worimpiya eroho, ⁴⁶ ni khuakoha: ''muinrupazani? N'venhe ni n'vekeleke, wira n'hikeleni mutthehiyani''. ⁴⁷ Ninlelo Yena alavulaka, yira aaka atthu injene niJudas, m'moza ainyale n'loko nenli, ari oholo ni khumuatthamela Yesu wira anvahe epeju, ⁴⁸ masi Yesu ahimuirela: ''Judas, we onintumiha Muana an'Tthu nipeju?''. ⁴⁹ Vano ale yanrukureriale Yesu vonaliaya enye zakhumelela, yahira: ''Pwiya, narakaliheke nimualo?''. ⁵⁰ Vano m'mozaya ahinrakaliha nanteko anankuttho ni khunthikila niyaro mono onjelo. ⁵¹ Ni Yesu khuira: ''Pahi, muahiyazeni''. Ni Yena ahihela niyaronne ni khunvoniha. ⁵² Yesu ahiwirela aholeli anankuttho, aholeli ampani wan'Luku ni makulupale Yanwelale: ''Muinkiwela muanaa nawinye, nimialo ni nimithali? ⁵³ NiMyano mahiku otene kari nihyu m'pani wan'Luku, kamuataphulale n'tata okivara My. Masi ola okathin'nhu ni oweria wamuipiphini''. ⁵⁴ NuvariYa, ahikuxiYa ni kuruaniYa owan'nhawe n'holeli anankuttho. Masi Pedro, aninttharelela otthuli. ⁵⁵ Masi oholowaya, ayenaze yahipaha mooro vapuwani eriyari ni khonkomaza vamoza. Pedro ahonkoma nayenaze. ⁵⁶ Muanthiya m'moza ahimona ononkomathale watthamela vamoroni, numona khunwehexexa ni khuira: ''Hat nuula n'lopuanoola ari niYena''. ⁵⁷ Masi Pedro ahikhottha, iraka: ''N'thiyana, my n'Kininzuwela''. ⁵⁸ Wa okathi vakani, n'tthu n'kinaku ahinweha ni khuira: ''Weyano wannaYole''. Masi Pedro ahimuirela: ''N'lopwana, my kahiyona''. ⁵⁹ Oviraka okathi vakani, n;kinakutho ahinkanherera iraka: ''vekweli hata nuula n'lopuanoola ari niYena, mana nuula niYena n'galilea''. ⁶⁰ Masi Pedro ahira: ''N'lopwana, my n'kinzuwela eyo en'himiao''. Ni ninnanoru, alavulaka yena zizale, n'thupi ahipa. ⁶¹ Apwiya yahirukunuwa khunweha Pedro. Ni Pedro ahupuwela molumo aPwiya, yanhimerialiaya yiraka: Elelo, n'thupi ohinatthi wipa, we onakikhottha evara ttharu''. ⁶² Nuukhuma, Pedro ahunla vinjene. ⁶³ Vano alopwana yanvarale Yesu Yaninveha ni Yanimmana. ⁶⁴ Anantthukale owintho, yaninkoha, yiraka: ''Olohe! Tipani umanale?'' ⁶⁵ Ayena yaninveha ahimiakazaka etthu zinjene zomotheria Yesu. ⁶⁶ Vano vaxaliaya, makulupale atthu yahithukumana, vamozaru naaholeli ankuttho ni anamalepa. Ayena Yahinroana wuphukiyani wamayuda, yiraka: ⁶⁷ ''Wakhala wira We Omopoli, onihimerie''. Vano Yena ahakhula: ''My kuhimeriani, nyu kamuinroa okikupali; ⁶⁸ ni kukohani, kamuinroa okakhula. ⁶⁹ Masi, okhuma ninnano va m'pakha oholo, Muana an'Tthu onroa wonkomathi mono onjolo wa ekuru zan'Luku''. ⁷⁰ Otenezaya yahira: ''Vano, We omuana an'Luku?''. Ni Yesu ahiwakhula: ''Nyu muinnihimia wira My ti My''. ⁷¹ Ayena yahira: ''Exeni hiyano n'lelo enroehu omphelatho namona? Ni naxinene nomuinwa nimalakuawe''.