¹ Yesu ahivenhiha menthoawe ni kuaweha athajiri yatthikela n'zuruku mualikofani. ² Ni ahinweha nankueli m'moza atthikelaka muenmue mizuruku minli zotepexa oyeva. ³ Vano, kuira: ''Vekueli kinuhimeriani wira nankuli masikinile ovaha wavikana otoneale. ⁴ Okala wira ale otene avahale iye zohalahala. masi nankueliola, nusikiniawe, ovaha zotene zarinawe wira akale''. ⁵ Ni akinaku yira alavulaka muaha wanupa yan'Luku, wanamuna yariaya yorerihiya nimaluku ni wazovahiya zanatiri. ⁶ Vano Yesu ahira: ''wa itthunya zinonen'nhu, anaroa ophiya mahiku ahinroaya okala n'luku ninluku nikuaya nikalale nopwexakaziya''. ⁷ Ayena vano Yahinkoha: ''Muixutthihi, zinroa wiranea lini inyo itthunyo? ⁸ Ni wala n'thonhero xeni onroa wonanea ziraneaka itthunyo? Yesu ahakula: Muikasope wira n'hithepiye, maana injene anaroa wikumihera mwazinanaKa, yiraka: 'My tiyena' ni 'Okathi ohatthamela'.N'hatthareni. ⁹ Muinka ikhottho ni owanawana, muituthuweni, zihana ziraneaka inya itthunya, masi kahi tuphiyawaya omalanwo''. ¹⁰ Vano Yena ahira: ''N'loko ninaroa owana ninloko nikuaya, omuene ni omuene. ¹¹ Zinaroa wiranea etetere zulupale ni, mapuro minjene, etala ni ehasara. zinroa okumelela epheyo zowopiha ni mithonhero zinjene ziwaka wirimu. ¹² Masi, zihinatthi etthuinya zotene, n;naroa ovariya ni n'naroa womoliya, ni n'naroa oroaniya m'mithukumanoni ni n'katthea ni hata n'naroa opihiya eriyari yamamuene ni aholeli muaha wanzinanaKa. ¹³ Inyo zinroa wiranea wira akale namonen'nhu. ¹⁴ Vano nyu n'hixekereye n'rohoniwinhu niitthu enroenhu wakhula, ¹⁵ maana Myano kinaroa wuvahanimolumo ni ozuwela, yayo awananin'nhu ahintthunaya wuvanhihani. ¹⁶ Ni n'naroa ovahereriya naxipapen'nhu, axulupalen'nhu, amuzi ni apatthani, ni ayena anaroa owinva axikhwin'nhu. ¹⁷ Ni n'naroa onhokiya naatthu otene n'latthu wanzinanaaka. ¹⁸ Masi n'nakala ekarari emoza yam'muruniwinhu kinroa ophueteya. ¹⁹ Nuvilelawinhu, n'naroa wopola erohozinhu. ²⁰ Muawona anakottho orukureria oJerusalem, n'zuwele wira ohawa ori vakiviru. ²¹ Vano anroa okala oJudeia atthiawele omuakoni, ni anroa okala m'poma akume, ni anroa okala omatthani ahikeleni mom'mo. ²² Maana ayo anroa okala mahiku owopiha, anroaya wiranea zotene zolepiya. ²³ Othunku waale anroa wira anari ni erukulu ni ale anroa wira yamuihaka wamahiku yale! Okala wira onaroa okala ohawa muinjene n'laponi ni onroa wawela atthuale. ²⁴ Ni anroa winviya nimualo ni anroa okuxiya aroaniyaka elapo zikina, ni oJerusalem onroa onhakelaziya namalapo, m'paka okathiaya omala. ²⁵ Ni ninaroa okumelel n'thonhero wanzuwani, wa muerini ni watthontthoani. N'laponi onaroa okumelela ozikula waatthu, ahizuwelaka onroaya omalela ni oviruwa wapharea ni mawimpi. ²⁶ Atthu anroa osirikhaka niwova, wettho zinroa okumelela n'tuniyani. Maana ekuru zawirimu zinroa opuanhuwaza. ²⁷ Vano ayo anroa omona Muana an'Tthu awaka m'mekuni ni ekuru ni waria vinjene. ²⁸ Masi zapajera okumelela etthunya n'venhe ni n'venhihe muruzinhu, okala wira wopoliyawinhu ori vakiviru''. ²⁹ Ni Yesu ahahimeria n'likaniho nimoza: ''Wehani (n'kukhu )ni mithali zikina. ³⁰ Zanzera omora matakhuroaya, nyu muin'nizuwela wira elimue yihatthamela. ³¹ Zizo nyu, mona inya etthunya zikhumelelaka, n'zuwele wira omuene wan'Luku ori vakiviru. ³² Vekueli my kinuhimeria ni, kaninroa ovira n'lokonna inya etthuinya zihiraneale. ³³ Erimo ni etthaya zinavira, masi moluoaKa kanvira. ³⁴ Ni muikasope muaxinene, wira erohozinyu zihikale zozala etthu zonanara zoxankiha zeekumi. ³⁵ Wira nihukun'ne nihiwe wututuxani muanaa n'tapha. Okalawira n'no ninaroa ophiya wa ekiyumpi zotene wa elapo yavathi. ³⁶ Masi n'kaleka owehaweha wakula okathi, n'lompaka wira n'kalane ikuru yoxinttha inyo etthuinyo zotene zintthuna okumelela, ni n'kale vamoza ni Muana an'Tthu''. ³⁷ Ni wakula mahiku, Yena asomihaka m'pani wan'Luku ni ohiyu khukhumaka aroaka omuako onazimiya 'wa Oliveiras'. ³⁸ Atthu otene yaniwa owijisuene m'pani wan'Luku onwiriyana.