¹ Yakumelela wira, nihiku nimoza, Yesu asomiha atthu m'pani wan'Luku ni alaleia ehapari; yahiwaza axulupale anankuttho ni anamalepa, vamozaru namaholeli atini ni yaHikoha: ² '''N'kanihimerie oweria xeni We onvaranao etthunya? Ni tipani Uvahale ekurunyo?''. ³ Yena ahiwakula: ''Nimiyano kinawukohani etthu emoza: N'kakhule ⁴ m'patizo wa Yohani wari wozulu wala waatthu?''. ⁵ Ayena yahikohanaza yayoro, yiraka: ''Nakula wira: 'wozulu', Yena onroa wira: 'n'hankupapela exeni yena?' ⁶ Masi niira: waatthu', atthu otene anroa onipwexakaza, maana annikupali wira yena ari n'rumei''. ⁷ Vavo yakulazale wira kiyazuwela wakhumaliaya. ⁸ Ni Yesu khuira: ''Nimiyano n'kinuhimeriani oweria xeni oniranaka etthunya''. ⁹ Yesu ahipajera wahimeria atthu n'likaniho m'moza: ''N'lopwana m'moza ahilima ematthawe, (kuwemexera anamalima) ni yena kukhuma n'laponinmwe kuroa kupiza. ¹⁰ Wa okathi wererela yena ahinruma nantekoawe waanamalima, wira yanvahe n'hokoroko wanmatthanin'mue. Masi ayena yahinthaka ni kun'hokoloxa ohikuxa etthu. ¹¹ Vano ahinrumatho nanteko n'kina nuuyo kunthakaza, kun'hoxa ni kun'hokoloxa ohikuxa etthu. ¹² Yena ahinrumatho aneraru, masi ayenaze yahinrakaliha ni kumomola. ¹³ Vano muanene emattha ahira: 'Kire exeni? Kininruma muanaka oninfentexaka. akuazi oyo aroaka ontthitthimiha'. ¹⁴ Masi anamalima vamonaliaya, yahivanelaza yayoru, yiraka: 'Ola tanroa. N'roeni nimuinve, wir maliala akele awin'hu'. ¹⁵ Ayena yahimomola m'matthani ni kumuinva. Onroa owiriha exeni, vano, muanene emattha? ¹⁶ Yena onawa ni awomolaze anamalimayo ni avahe akinaku emattheyo''. Vinwaliaya eyo, yahira: ''Eyo ehiraneye!'' ¹⁷ Masi Yesu awehaka, ahira: ''En'himia exeni yolepiyela: 'N'luku anmateka naakotthaliaya tinari n'luku navakumpuni'? ¹⁸ Waiyole n'tthuna omorela n'lukunna onroa opweakaza; ole ontthunaya ommorela ora okala n'tthupi''. ¹⁹ Wa okathi yole,anamalepa ni axulupale anankuttho yaphelaza enamuna yontthuka, maana yahizuwela wira n'likaniho nahimialiaWe nawaza ayenaze. Masi yaniwova atthu. ²⁰ Ni anwehexexaKa sanene, yaharuma atthu siirini, yipankale okala anaxariya, yone yakala wira yananvariha nimolumuawe ni wira yanvaherere wafalume ni oholeli anlaponi. ²¹ Vano ayena yahinkoha, yiraka: ''Muixutthihi, nozuwela wira muinnilavula ni muinnisomiha sanene, ni kamuinweha makalelo atthu, masi muinsomiha ephiro yan'Luku niikweli. ²² Enirerela hiyano oliva m'soko wacesar walani n'nari?'' ²³ Masi Yesu ahiwakula nulavilaviaya iraka: ²⁴ Kiwaneleni n'zuruku m'moza va. Ekoveela va tiyaapani ni yolepiyela?'' Ni ayena yahakula: Ya Cesar''. ²⁵ Ahiwirela Yesu: ''Vano muinvahe cesar ele eri ya Cesar ni n'Luku eri yan'Luku''. ²⁶ Ni kayanvarihale wanulumo nimoza waatthuale, masi yahitikinihiya ni molumoawe kumaalazaka. ²⁷ Yahimuatthamela anamavanhiha, yira khuuvo ohihimua, ²⁸ yahinkoha yiraka: ''Muixutthihi, Moises onihiyera yolepiya zoo, n;tthu akhueliya nimulupaliawe, ni kuhahiya axana, yena ankeleleke m'pani nankhuli eira anyarihele axana amulupaliawe. ²⁹ Yahavo anamayaraziya athannenli. Opajera ahithela ni kukhua vohaxana; ³⁰ anenli zizo ³¹ ni aneraru ahinthela nankueli, ni otene athannenli kiyahiyale axana ni yahikhuaza. ³² Wumaleloniwaya, ninthiyanoole ahikua. ³³ Vano, wuhihimuani, n'thiyanoole onroa okala muara apani? Okala wira otene athannenli yahinthela''. ³⁴ Ni ahahimeria Yesu: ''Axana olumuenku ola annithelana ni hata annuriana. ³⁵ Masi ale antthuna ojaliya ophunha okathi wohihimua wanamakhua kanroa othelana wala wuriana. ³⁶ Ayena kanroatho okhua, maana anlikana nimalayika ni axana an'Luku, anari axana ohihimua. ³⁷ Anamakua anaroa ohihimua, muanaa zizal Moises zoniheraliawe wapharela nipuhe, vavale yena wamuazimaliawe Phwiya n;Luku a Abraao, n'Luku a Isaque ni n'Luku a Jaco. ³⁸ N'Luku kahi n"Luku anamakua, masi aakumi, okala wira waYena otene akumi''. ³⁹ Anamalepa akina yahira: ''muixutthihi, n'hakula sana''. ⁴⁰ Vano kayaweriatho n'koha koha etthu zikina. ⁴¹ Masi Yesu ahakoha: ''N'nira zai wira Cristo muana aDavi? ⁴² Ni Davi yowo ahihimia m'papheloni yaSalmo: APwiya awirela aPwiyaka: Monkomathi mono onjelo, ⁴³ m'paka wahela awananen'nhu vathi vaenhauzinho'. ⁴⁴ Vano Davi amuazimaka Cristo 'Pwiya', onroa okala zai Yena muanawe?''. ⁴⁵ Ni atthu otene yaninwa, Yena ahiwirela arumeiawe: ⁴⁶ ''muikasope naanamalepa, onazivela wettha nimaleya, owazivela ohomazia m'maphironi, wonkoma mapuro oholo m'pani wan'Luku ni mapuro oholo n'nirani, ⁴⁷ onazivela muamanankueli, yothereriaka walompela. Ayo anroa wakela otthukeliya wotepa wopiha''.