¹ Yesu ahikela oJerico ni ira avikanaka epoma. ² Wenwe ahavo n'lophuana azimiya Zaqueu, ari n'kulupale anamakelela m'soko ni ari thajiri. ³ Yena aniphela omona tipani Yesu, masi khaweria omona n'latthu watthu, okala wira ari okhuveya. ⁴ Vano, Zaqueu ahitthimakela oholo watthu ni khuwela muinthalini wira amone Yesu, okala wira Yena aroa ovira muenmue. ⁵ Yesu vaphiyaliawe nipuronne vale, ahiweha n'zulu ni khumuirela: ''Zaqueu, n'kuruwe nin'nano maana elelo kinrowa omaka owan'nhinhu''. ⁶ Vano yena ahikuruwa nin'nanoro ni Kumuakelela owan'nhawe nuuttheliya n'rima. ⁷ Vano atthu vonaliaya eyo, yahitikinihiya yiraka: ''Yena onroa zai omotola n'tthu natampi''. ⁸ Zaqueu ahivenha ni khuwirela aPuiya: ''N'konani, Puiya, eriyari yamaaliaka kinamuakawela amasikini ni akala wira ohavo omuinyeraliaka etthu, kinanliva evara vaxexe''. ⁹ Yesu ahira: Elelo wopowa wophiya n'tthokonna, maana hata nuula muana Abraao. ¹⁰ Okala wira Muana aN'tthu awelale owopola ale yaphuteyale''. ¹¹ Ayena awiriyanaka etthunya, Yesu ninlelo ira alavulaka. Ahahimeria n'likaniho nimoza, okala wira ira atthamelaka oJerusalem ni atthu yona muanaa wira omuene wan'Luku watthuna owa nin'nanoro. ¹² Yena ahira: ''N'lopuana m'moza namazuwanea ahikuma aroaka elapo yotthiawene arowaka wakelela omuene ni ahokoleyeke. ^{13 14 15} Yena ahiwazima anantekoawe n'loko, ni kuavaha maluku n'loko ni kuira: ;N'hala m'muiraka nacoso m'paka vanwaka'. Masi anamuintthettheniawe yahin'nhoka ni nuhala otthulinno yaharuma atthu yiraka: 'Him kannimphela n'lopuanole wira aniholele'.Onatthapeliyene omuene, ahihokoleya ni kuruma wira yazimiye annteko yavahaliawe n'zuruku, wira azuwele elukuru xeni yaphwanhaliaya ninacosoole. ¹⁶ Opajera ahiwa varyawe iraka: 'Puiya, n'lukuninyu nokiphuanhihatho maluku n'loko'. ¹⁷ Ahakula: Vatepa orera, nanteko orera, maan tiwororomeleya niyavakani, we onroa okala n'falume ipoma n'loko. ¹⁸ Aneen'li ahiwa iraka: 'Pwiya, n'lukuninhu nokiphuanhiha maluku mathanu'. ¹⁹ Ni m'khulupale ahira: 'We onroa okala n'falume wa ipoma thanu'. ²⁰ Ni ahiwa n'kinaku iraka: 'Pwiya, n'lukuninhu pinna kanutthuka sanene vanlesoni, ²¹ okala wira kanaawovani maana nyu muantthu owali. Nyu muinkumiha vahihelalenhu, muin'hattha ehalalennhu'. ²² Muene ahimuirela: 'Wamolumoao kinamulamula, nanteko otakala. Wanizuwela wira kintthu owali, kinkumiha ohihelaliaka ni kin'hattha ohalaliaka. ²³ Exeni ohihela n'zurukuaaka m'panco? Muana, va zihokolialaka kanamuakhela wowunjererea'. ²⁴ Ni ahahimeria yari vavale: 'Akiye n'lukun'no ni avahiye ole orina maluku n'loko'. ²⁵ Ayena kun'himeria: 'Pwiya, yena ohana maluku n'loko'. ²⁶ My kinuhimeriani: 'Ole orina, onroa wunjereriya, masi ole ohirina, hata niile yaxirinawe onroa waakiya. ²⁷ Vano awananiakale yahakiphela my wira kaholelel, awaniye vaa ni ahitiye my kawehaka'''. ²⁸ Vamalihaliawe ohimia inya etthunya, ahikuxa n'kuahawe nayena oroaka oJerusalem. ²⁹ Yahikumelela zo, Yena athhamelaka oBetfage ni oBetania, watthamela muako ole onazimiya wa Oliveiras, aharuma arumeiawe enli, iraka: ³⁰ N'roe n'tthetthe watthamelalehu. wonwo n'kelakaru, n'namphuanha puru muankani onatthukazeriye yowow ohinatoko oweliya. Muantthukule ni n'Kiwaanele. ³¹ Akala ontthuna wukohani: 'N'nintthukulelani?' Muire: 'Apwiya anamphela'''. ³² Anamarumiya yahimphuanha muapuru muanaa zizale Yesu zahimerialiawe. ³³ Vantthukulaya muanene ahiwirela: ''N'nintthukulela exeni muapuruyo? ³⁴ Ayena yahakula: ''Apwiya anamphela.'' ³⁵ Ayena yahinwana wa Yesu, kunwarihaza ekuwozaya ni kunweliha Yesu. ³⁶ Wa okathi wetthawe, atthu yatalaza ekuwozaya niiphiro. ³⁷ Ni watthamelaya opoma wa Muako wa Oliveira, n'tthitthi wotene ni arumei yahipajera otthapa nuntthotthopela n'Luku akuwelaka vinjene wamiteko zulupale zoonaliaya, ³⁸ yiraka: ''Atthotthopeliye muene onwa wanzina napwiya. N'retthele wirimu ni waria ozulu!'' ³⁹ Mafarizi akina yari naatthuale yanira: ''Muixutthihi, muamaaliheni arumein'nhu''. ⁴⁰ Yesu ahakula, iraka: Kinuhimeriani wira, ala yamalaza, maluku maluku anaroa okuwela!'' ⁴¹ Yesu vatthamelawe opoma, awehaka, ahunlela, iraka: ⁴² ''Ni elelo muazuwelale ele enuwanelani n'retthele! Masi nin'nanova etthunya tizovitheia vamethoni winhu. ⁴³ Wa okalawira anaroa wuphiyerani mahiku awananin'nhu anroaya wutekelani n'kuzo m'mattherekerewinhu, anamurukureriani yutthukelazeni miphantthe zotene. ⁴⁴ Anaroa wutthukelani nyu, naxanen'nhu vamozaaru. Kanroa ohiya n'luku nin'luku maana khanzuwelale okathi owalen'nhu wotoliya''. ⁴⁵ Ni vakelaliawe Yesu m'pani wan'Luku, ahipajera owomolaza anamatumiha, ⁴⁶ iraka: ''Yolepiya: 'Enupaka enroa okala enupa yamavekelo', masi nyu n'kalihale nipuro naanawiye''. ⁴⁷ Yesu anasomihaka mahiku otene m'pani wan'Luku. masi ahileli anankuttho,anamalepa ni aholeli atthu yaphela omuinva. ⁴⁸ Kuhinapwanha okathi wowira yaphelaya, okala wira atthu otene Anamuazivela.