¹ Vano Yesu ahahimeria n'likaniho nimoza wamakalelo ayena yarowaya okalaka avekelaka vohinhonhiya: ² ''Ahavo epoma emoza namaphuka ahamolova n'Luku wala khatthitthimiha atthu. ³ Ni ahikala, epomayele nankhueli m'moza, anwela wakula nihiku iraka: , 'N'kilamule ninwananiaka'. ⁴ Wa okathi muinjene yena khatthuna onkalihera, masi vano ahira mvekawero: kinukalaru wira n'kinimova n'Luku wala n'kinatthitthimiha atthu, ⁵ okala wira onakiphweliha nankhuliula , kinanlamula, kisampi akimumulihaka'''. ⁶ Vano ahira Puiya: ''N'kamuiweni ziiraliawe namaphuka ohinaxariya. ⁷ N'Luku ale yathanlaliaWe, aninlompa Yena ohiyu nuuthana, hata apizaka wakalihera? ⁸ Kinuhimeriani wira Yena vohipiza onamuajipu. Wazotene, Muana an'tthu awavale, onaphuanha wamini n'laponi?''. ⁹ Vano Yesu ahahimeria n'likaniho nimoza wira akinaku, yikupali okola anaxariya, kuyathanha akhuya: ¹⁰ ''Alophuana enli yahiroa m'pani wan'Luku olmpa, m'moza ari n'farizi ni n'kinaku ari namaakelela m'soko. ¹¹ N'farizi, onemelalene, vekawe anilompa: N'Luku, my Kinnuxukhuruelani okala wira inkinlikana naatthu akina, anwiye, anathapiya, anamararuwa ni walani ole namakelela m'soko. ¹² Kinnitthuka mahiku menli wa esumana ni kinnivaha muavulo wazotene zimphuanhaka'. ¹³ Masi namakelela m'soko, onemelale, otthiawene, vohitthukula menthoawe oweha ozulu, animana etthirimawe, iraka: 'N'Luku, n'konele othunku my, namattheka'. ¹⁴ Kinuhimeriani wira n'lophuanole ahihokolela owani onleveleliye ni n'khuawoole n'nari, okala wira otene yole onizunnuwiha onroa oyevihiya ni otene yole oniiyeviha onroa wunnuwihiya''. ¹⁵ Atthu yannwanela axinamuane, wira Yena avare, masi arumei vonaliaya eyo; yanikotthiha. ¹⁶ Masi ayesu ahiwazimaza iraka: ''Muahiye aweke wamY axinamuane, n'hakotthiheke. Maana ayena omuene wan'Luku. ¹⁷ Vekhueli kinawuhimeriani, yole ohintthuna wakelela omuene wan'Luku feto muanamuane, hata ire zai yena khankela''. ¹⁸ N'lopuana m'moza namazuwanea ahinkoha: ''Muixutthihi orera, kire eaxeni wira kavolowe omwene wohimala?'' ¹⁹ Ni Yesu kumuakula yena: ''Exini okazimaka orera? Kavo ori orera, ohikalale m'moza pahi, ori n'Luku. ²⁰ We onnizuwela ekano: ohiraruwe,ohinve, ohinye, ohirele namona etthu yohirerela, watthitthimihe apapao naamamao''. ²¹ Ni yena ahira: Zotene inyo kennitharihela okuma enantthompeaka''. ²² Ni Yesu vinwaliawe eyo ahira: Etthu emoza n'lelo ennuhalela: otumihe zotene zirinao, wakewele amasikini ni onakalana zowinxathiya wirimu; vano, oweke ni okitthareke''. ²³ Masi, vinwaliawe etthunyonyo,n'lopuana ahikala orimpiya eroho, maana ari thajiri mulupale. ²⁴ Vano, vamonaliawe oripiya eroho, Yesu ahira: ''Tivorikarika anamakalana maali ekela mumueneni wan'Luku! ²⁵ Hata tivokhuea enkamiya ovira vamuitheni vakuiya ohikalale thajiri okela mumueneni wan'Luku''. ²⁶ Yinwale zammo yahikoha: ''Vano, tipani onroa wopowa?'' ²⁷ Yesu ahakhula: ''Etthu zowarikarikela atthu pizonkheila n'Luku''. ²⁸ Ni Pedro ahira: Hiyano nohiya zotene zarinehu ni kuttharanY ''. ²⁹ Vano Yesu ahira: '' Ni vekueli kinuhimeriani wira kavo ontthuna ohiya enupawe, amuarawe, axulupaliawe, apapawe wala axaanawe n'latthu womuene wan'Luku ³⁰ ohintthuna waakela okuma ola okathiua ni, olumuenku onwa, okumi wohimala''. ³¹ Ni akuxaka ale n'loko nenli, ahiwirila: ''Ninira niroaka ojerusalem ni vano zinroa wiranea etthu zotene zilepiye nanamiririmo muaha Wamuana an'Tthu. ³² Vano Yena onroa ovahereriya wamalapo ni onroa ovehiya ni oruwaniya nuuxuweliya. ³³ Ni onamanakaziye, onroa winviya ni nihiku naneraru Yena onroa ohihimuwa''. ³⁴ Ayena kiyazuwelale iye etthu yahimiawe, molumoale yari ovithea ni kayinwale yahimeriaya. ³⁵ Yahikumelela wira, Yesu atthamelaka oJerico, ahavo khona onkomathale niiphiro, avekelazaka ejimola. ³⁶ Yena inwaka mikittho zaatthu injene yavira, ahikoha exeni yiranea ³⁷ ni wira Yesu oNazare taavira. ³⁸ Vano khona ahikuwela, iraka: ''Yesu, muana aDavi, okonele othunku miyano''. ³⁹ Ale yaroa oholo yaninmaaliha yiraka omaale. Masi yena atepa okuwela: ''Muana aDavi, okonele othunku miyano''. ⁴⁰ Yesu ahemela ni kuvekela wira n'lopuanole aroaneliye wariawe Yena. Vano, khona vamuatthamelaliawe, Yesu ahinkoha: ⁴¹ ''Ompheela My kiwirihe exeni?'' Yena ahira: ''Pwiya, kinira kihokolele wona''. ⁴² Yesu ahimuirela: ''Ohokoleleke woneke. Waminiwao ohuvoniha''. ⁴³ Nin'nanoru yena ahipajera wona ni Kuntthara antthotthopelaka n'Luku. Atthu vonaliaya inyo yanintthapela n'Luku.