¹ Yesu ahiwirela arumeiyawe: 'Ehasara ehana ekhumelelaka, masi kinimonela othunku yole ontthuna onkhumelela inya etthunya! ² Arerela otthukeleliya n'luku nanxilo n'xikoniwawe ni khutthikeliya m'phareya, ohikalale wakwathuliha m'moza waiyala axikhani. ³ N'kale owiwehaweha N'khuinnhu attheka, muinkotthihe, kukhala wira yena yena onamuituthuwa, muinlevelele. ⁴ Kukhala wira onutthekelani evara vathan'naveli wanihuku nimoza ni ekuha vathan'naveli kuhokolela iraka: 'My kihituthuwa', muinlevelele''. ⁵ Arumei yahimuirela pwiya: ''N'nunjerere n'roromelo!'' ⁶ APwiya kuakhula: ''Muarina n'roromelo muanaa etthaka yotepexa oyeva, muanamuirela n'thaliu'la: 'Opheleye nimititharizaya ni waleye ophareya' ni ola wanawiwelelani! ⁷ Ni tipani wanyuze, orina nantekoawe onvara n'matthani wala onjiha inama, onmuirela awakaro omatthani: 'Haya wonkomeke va olheke'? ⁸ Vohipaja omuirela: Okipankele eyoja toko, ni oware ekuwo zorera ni witthukele n'zako, okivaheke kijeke my ni kiwurieke, vano ni weyano ojeke'? ⁹ Okale wira yena ohana anxukuruelaka nantekowe n'lathhu wovara erumiyawe? ¹⁰ Muana zizamo nyu muavara etthu erumiyen'nhu, muireke: HIyano kanihitho apani, nivarale n'tekoehun''''. ¹¹ Wa ephiro yo Jerusalem, Yesu avira eriyari oSamaria ni oGalileia. ¹² Aphika n'tthetthe m'moza yahinkumelela alophuana n'loko anamakutthula. Ayena yemelazale otthiawene ni ¹³ Yena ni yanikuwela yiraka: ''Yesu, Muixutthihi, ononele othunku''. ¹⁴ Nuwaweha, ahiwirela: ''n'roe muizonihere wanankuttho''. Ni yahikumelela wira aroazaka niiphiro yahivona. ¹⁵ M'mozaya, vonaliawe wira ovona, ahihokoleya, antthotthopelaka n'Luku nukuwela vinjene, ¹⁶ ni ahikokhora vametthoni wa Yesu, ni Anvahaka mahala. Oyo ari n'samariya. ¹⁷ Vano Yesu ahinkoha: ''Kamuarizi n'loko n'vonale? Arizi vai athan'naxexe? ¹⁸ Kaarivotho n'kina ahokoleale ontthapela n'Luku, ohikalale ola m'malapo'la?''. ¹⁹ Ni ahimuirela: ''Ovenhe, oroeke, waminiao ohuvoniha''. ²⁰ N'kuaha n'kina, mafarizi yahinkoha wira omuene wanLuku onwa muani, Yesu ahiwakula: '' Owa womuene wanLuku etthuemoza enrerela owehiya sana. ²¹ Kuniriya: Ori va!'wala:Ori vale!', mana omuene wanLuku ori nihiyano''. ²² Yesu ahahimeria arumeiyawe: ''Anaphiya mahiku antthunen'nhu wupuwela wira muamonale muana aN'tthu, ni kamunrowa omona. ²³ Ni ayo anroa wirelani"; Ori va! Orivale! N'hikhume, wala n'hatthare. ²⁴ Okala wira muana overunha zinariaya vinjene okuma n'no oroaka m'phantthe n'kina wirimu, zizo tizinroaya wiraniya nihiku na muana aN'tthu. ²⁵ Masi yopajera Yena ohana ahawaka nitthu zinjene nu'kotthiya ninlokon'na. ²⁶ Muana zizale ziranealiaya mahiku aNoe, enroa wiranea zizo mahiku amuana aN'tthu. ²⁷ Wanajinya, wanawuriya, wanathelaniya ni wanatha'aniya, m'pakha nihiku Noe nakelawe n'kalawani, ni kuwa epula yulupale ni kuwiva atthu otene. ²⁸ Muana zizale ziranealiaya mahiku a Lo: Wanajinya, wanawuriya, wanathumiya,wanatumihiya,wanamuaaliya, wanatekiya. ²⁹ Masi, nihiku Lo nikumalhiawe osotoma, wahimuarea moro mulupale wirimu ni kuwinva atthu otene. ³⁰ Zizam'mo tizinroaya okala nihiku muana aN'tthu onroawe othonhiheriya. ³¹ Nihikun'ne, ontthuna okala vazulu ni kukhalana etthuzwe m'pani, ahikuruwe wira akuxe. Ni ole onroa okala pmatthani ahihokolele otthuli. ³² N'wupuwele amuara Lo. ³³ Ole omphela wopola ekumiawe enroa ompweteya, masi ole onroa ompweteya okumiawe onroa wopola. ³⁴ Kinnuhimeriani, ohiyu'le atthu eli anroa orupa ekitthanttha emoza, m'moza akuxiye ni n'kina ahinye. ³⁵ Athiyana enli anroa wira athitihanaka, akuxiye m'moza ni n'kinaku ahin'ye''. ³⁶ En'li anrowa okhala omatha , n'moza on'rowa okuxiya ni n'moza on'rowa ohiin'ya. ³⁷ .Ni ahikohiya: ''Vayini,Pwiya?. Ahiwakula: ''Vavale vankala erutthu, hata,,,, athukumana vavo''.