¹ Yesu ahieirela arumeiawe: Ahavo n'lopuana m'moza thajiri arina namasunka etthuzawe, oyo ahihimeiya wira nantekoole ahipuetexa mihakuzawe. ² Vano n'lopuana thajiri ahimuazima ni kuira: Exeni yeyo eninwaka ehimiyaka waweyano? Wirelaze ekontha etthu zirinao, okala wira khunrerelatho okala namasunka''. ³ Namasunka ole ahira vekawero: 'Kire zai, va apuiyaka vanrowaya okikumiha n'teko wonamasunka? My n'kirina ekuru wira kithipe ni kin'nona ehaya yo vekela. ⁴ Kin'nizuwela yoeira, wira karowa okumihiya vantekoni, atthu aroe yakakhele n'mawan'nhaya'. ⁵ Vano nanteko ahiwazima otene yale yalokihiya ni puiyawe ni kunkoha ole opajera: 'Anulokihani kavi apuiyaka?'. ⁶ Yena ahira: Miphimo emiya zamakhura'. Ni nanteko kuira: N'kuxe ehisapuin'mhu monkome nin'nano ni n'lepe wira muinlokihiya miloko mithanu'. Vano nanteko ahimuirela inkina: 'Anki we onlokiya kavi? '. ⁷ Ni oyo ahimuakula: Miphimo emiya za tiriko'. Yena kumuirela: 'Okuxe econthao ni olepe miloko mithan'namiraru'. ^{8 9} Apuiya yahintthotthopela nanteko ohiroromeleya, okala wira yena ahipankaza zolavilavi. Axana olumuenkula watthanaza olavilavi naxikuaya wavikana axana awirimu. My kinuhimeriani: ⁹ 'M'pankeke opatthani veri vamihakhu zohirerela, wira inyo zarowa khumala, ayena yawakeleni m'mawan'nhaya vohimala'. ¹⁰ Ole ori ekhueli niitthu vakani onakalana ekhueli niitthu yinjene, ni ole ohinkalela ekhueli yavakani hata enaattheru kankalela ekhueli. ¹¹ Punkalaya wira, vahikalanaliao ekhuli nimihaku zantuniyani, tipani onrowa wuroromelani ni mihakhu zekhuli? ¹² Muahikale miyeekhueli ninzurukhu wantthu n'kina, tipani onrowa wuvahani ele eri yawinhu? ¹³ Kavo nanteko ontthuna warumela mapuiya menli, wala yena onrowa on'nhoka m'moza ni anfente n'kina, wala onrowa onvarexexa m'moza ni antatifuku n'kina: N'hinrumeleni n'Luku ni n'rumelaka n'zurukhu''. ¹⁴ Vano mafarizi, yari anamafenta n'zurukhu,vinwaliaya etthunya, yahin'nhemula Yesu. ¹⁵ Masi Yena ahira: ''Nyu n'nikaliha anaxariya nhenyuru masi n'Luku onnizuwela erohozinhu. Ele entthotthopeliya naatthu wan'Luku enavanhihiya. ¹⁶ Ekano ni anamiririmo zahettheliya m'paka owa waYohani. Okuma vavo m'paka vano, onlaleiya omwene wanLuku, ni atthu otene annikhanhanha wira yakele. ¹⁷ Tivokhuya ovira erimu nilapo yavathi ohikalale opueteya iye zolepiya zaekano n'nakalaele yotepexa oyeva. ¹⁸ Ole ontthuna wamualana amuarawe ni khunthela n'thiyana n'kina onararuwa, ni ole oninthela namamualaniya onararuwa. ¹⁹ Ni ahikala n'lopuana m'moza thaajiri, awara ekuwozawe zoowaria ni zowattha n'zurukhu ni wakula mahiku apuha nimaliawe. ²⁰ Masikini m'moza azimiya Lazaro, onkoma vankhorawawe, ozalana makhuattha. ²¹ Yena aphelaka otthotthaza itathela zamora vameza wathajiri ni hata alapua yaaniwa kuyanlata makhuatthawe. ²² Wahikumelela wira masikini ahikua ni khukuxiya nimalayika araniyaka nipuro naAbraao. Thajiri niyena ahikhua khusikiya ²³ nipuro naatthu okhua, atutuxaziyaka, yena ahivenhiha menthoawe ni otthiawene ahimona Abraao ni Lazaro ononkomale niyena. ²⁴ Vano yena ahikhuwela, iraka: 'Papa Abraao, n'konele othunku, muinrume Lazaro ananihe nikokhonawe ni maazi kinanihe n'luminaka, maana kinwa ohawa vamoroniva'. ²⁵ Abraao kuira: 'Muanaka, wupuwele wira,onari n'kumi, we wahakela itthu zorera, wamphantthe n'kina Lazaro akelale itthu zonanara. Masi vano Lazaro onamaalihiya vaa, nyuwano n'hawaka. ²⁶ Ohoiyatho voo, nihavo n'litthi nulupale, wira ale amphela otupha m'phanttheolanno arowaka wikina ahiwerie, ni kavo onweria otupha okuma unwo awaka n'no'. ²⁷ N'lopuana thajiri ahira: My kinnuvekelani papa Abraao, wira apuiya yurumeni owan'nhaya apapaka, ²⁸ kihana axihimaka athanu ni kinira yahimeriye nipuronna nowopihan'na, wira nayena ahimalele wenno'. ²⁹ Masi Abraao ahira: Ayena ahana Moises ni anamiririmo, muahiye awiweleleke'. ³⁰ Ni n'lopua thajiri ahakhula: N'nari papa Abraao, arowa n'tthu m'moza anankui , anarowa wituthuwa'. ³¹ Ahirara Abraao: 'Yakala wira kanmuiwa Moises ni anamiririmo, n'nakala vakani kanrowa onkupali namakua khuhihimuwa'''.