atthamaniawe awirelaka: 'N'tthapeke nimy okala wira kophunha opuitthiphuitthiaaka yapueteyale'.
7 Kinuhimeriani wira, zam'mo, onalatthana nu'tthapa onkala wirimu natampi ituthuwa zotthekazawe, wovirikana naale miloko mithan'namixexe ni athan'naxexe anaxariya ahinrerelatho wituthuwa. 8 Walani n'thiyana xeni, onira onarina enotazawe n'loko zaparatha, yampueteya emozaya, kamparihela muenke wala okueza aphelazaka m'pakha ophuanha? 9 Ni vano yena apuanha, onamuathukumaniha axipatthaniawe ni hata atthamaniawe, iraka: 'N'tthapeke nimy, okola wira kopuanha enotaaka yakipueteyale', 10 Wazizam'mo, my kinuhimeriani wira, ohavo otthapa eriyari ya mayika an'Luku wanatampi m'moza pahi onituthuwa''. 11 Vano Yesu ahira: ''N'lopuana m'moza ahana axana enli, 12 ole omuankani ahiwirela apapawe: 'Papa, inkivahe m'phanttheika wamuhaku ontthunaka orithi'. Vano, yena ahakawelaza mirerelozawe owenli. 13 Ahinatthi ovira mahiku minjene, ole omuankani ahithataniha, zarinawe khukhuma arowaka elapo yotthiawene ni wenwe kuphutexa zotene zarinawe athumaka iye zaharerela ni aphutexaka n'zurukhuawe vohonona. 14 Ni, vamalihaliawe zotene, yahikumelela etala yulupale sana n'laponinmue, ni yena kupajera ohawa. 15 Yena kupajera onvarela n'teko n'tthu m'moza e'lapo yele, yowo anranale omatthaniwawe, wira aliheke ekuluwezawe. 16 Ni kuiyunlela olha ehalahala zaaliya nikuluwe, maana kavo anvaha eyoja. 17 Masi yena ahizuramela kuira: 'Ananteko akavi apapa arinaya ni arina eyoja emphiyera, ni my va kinkua etala! 18 Kinarowa wapapa kawirele: Papa, kottheka wirimu ni kihutthekelani. 19 N'kinrerela okhala muaninhu, n'kikhalihe muanaa nantekoen'nhu'. 20 Vano nantthompe ahivenha kurowa wapapawe. Ninlelo etthaka otthiawene, apapawe yahimona ni, kuzaliya othunku, yahitthiawa antthimakelaka yena, kunvarela ni kunkapattha. 21 Ni muana kuira: 'Papa, kottheka wirimu ni kihutthekelani nyu, n'kinrerela okala muaninhu'. 22 Vano papa kuwirela anatekoawe: 'N'roe nan'nano muawane n'leya norera ni muinwarihe, muinwarihe anela n'nikokhoniwawe ni erasitaka n'nhawuniwawe. 23 Ewaniye epuitthipuitthi yoneneva ehitiye; nikhureke ni nireke n'jampo! 24 Okala wira muanaka anukhua ni vano ohihimuwa. Anupueteya ni vano ophuanhiya'. Ni otene yahitthapa. 25 Ziraneya inyo muanawe omulupale avaraka n'teko omatthani. Atthamelaka owaani, ahinwa onhakula ekoma niwiiniya. 26 Yena ahimuazima nanteko ni khunkoha exeni yiranea. 27 Nanteko khumuakhula: 'N'himao onuhokolela owani ni, tivoo, apapinhu yinvale epuitthipuitthi yoneneva, okala wira yena ohokoleya onari n'kumi ni salama'. 28 Muaana omulupale ahinanariya ni katthunale okela. Vano apapawe yahikhuma ni khunvekaela wira yena akele. 29 Masi muaana ahiwakhula iraka: Wa eyaka zotenenya kihuvarelani n'teko muanaa epottha ni n'kinatthi wuvonherani eketthelozinhu; hata zizo, nyu kan'natthi okiva epuri emoza wira my kipanke n'jampo naxipatthaniaka. 30 Masi vano muaninhu, opuetexale mihakhuzinhu wuraruwani, vahokolealawe, nhu mon'hitela epuitthipuitthi yotepa oneneva. 31 Masi apapawe yahimuakula: 'Muanaka, we okathi wotene ori nimy ni yotene eri yawaka tiyawao. 32 Masi him nahana niiraka n'jampo ni nihakalalaka, okla wira n'himen'nhu anuukua vano ohihimuwa, anupueteya ni ophuanhiya'''.