¹ Ni yahikumelela esa'pato emoza, Yena yarowaliawe owan'nhawe n'holeli m'moza amafarizi wira akure epaawu, masi ale yaninwehexexa vinjene. ² Ni ahikala vavale n'lopwana m'moza owipa erukulu. ³ Yesu ahakoha aholeli a ekano zamayuda naamafarizi: ''On'nitthunihiya ovoniha nihiku na esa'patu, wala n'naari?'' ⁴ Masi ayenaze yahitikinihiya anamaalazale. Vano Yesu ahinkuxa kunvoniha ni kumuirela oroweke owani. ⁵ Ni kuwirela : ''Tipani wanyuze, ontthuna wira muanawe walani enhompeawe kumorela n'litthini kuhikumiha vowakuveya, ninari nihiku nasa'patu?'' ⁶ Wayeyo, kivo yawerialiaya waakula. ⁷ Vano Yesu awehaka ananlatthuliya onjamponi woothelaniya zathanlaya wonkoma mapuro oholo, ahahimeria n'likaniho nimoza,iraka: ⁸ Mualatthuliya onjamponi wothelaniya, muhonkome mapuro oholo, onrowa wira, onalatthuliye n'tthu antthitthimiho owuvikanani. ⁹ Wira ehiraneye, ole ulatthulaleni nyu hata niyena, awireleni : Kumani muinvirihe ola'. Vano n'nuliye muru,muinrowa wonkoma mapuro omaliha. ¹⁰ Vovirikana zam'mo, mualatthuliya, n'rowe ni monkome mapuro omaliha, wira ole olatthulaleni awavale, awireleni: M'patthani, okale nipuro noholo'. Vano onrowa okala otthitthimiheya eriyari yananlatthuliya otene. ¹¹ Okala wira ole onizunuwiha onrowa oyevihiya, ni otene yole oniyeviha onarowa win'nuwihiya''. ¹² Yesu ahin'himeria n'lopuana anlatthulale: ''Muaphelaka ovaha eyoja vanironiwinyu, n'halatthuleke apatthaninyu, wala axininyu, wala amuzinyu, wala atthamanenyu athajiri, vowira nayena yulatthuleni wira yuliveni zizo. ¹³ Vovirikana, muavahaka eyoja yaniraninyu, malatthuleke amasikini, anamarakala, ale owunteyza, ni ohona, ¹⁴ ni muinrowa okala orerihiya, maana ayena kanrowa okalana yowulivani. Nyu muinrowa oliviya nihiku nohihimuwa wanaxariya''. ¹⁵ Vinwaliawe eyo , m'moza waiyale yari ni Yesu vameza, ahira: Oreriya tu'le ontthuna orwa okura n'katthe wumueneni wan'Luku!''. ¹⁶ Yesu,vavo, ahimuakula: ''N'lopuana m'moza ahitthenkeza nira nulupale ni kualatthula injene. ¹⁷ Vaphiyaliaya okathiya niira, kuaruma anantekoawe wale yalatthulaliawe: 'N'weke,okala wira zotene zolikana'. ¹⁸ Masi wakula m'moza, apajera ovekela n'suammaha. Opajera ahira: 'Kinuthuma ematthaka ni kimphela ni orowa wona. kovara mettho, ¹⁹ inkisuamihe'. Inkinaku ahira: 'Kinuthuma enhompezaka, ni kimphela orowa ottheha. kovara mettho, inkisuamihe'. ²⁰ Ahata ninkinakule ahira: 'Kinuthela, tivoo inkinrowa'. ²¹ Nanteko ahihokoleya ni kuahimeria apwiyawe etthu zotene. Vano apwiya anene etthoko, otikinihiyene, yahimuirela nanteko: 'Okume nannano orowa m'maphiro ni mowipitheya m'poma, wawane va amasikini, ale owunteyaza, ale ahinona ni ale orakalaza ni wahele mu'. ²² Nanteko ahira: 'pwiya, yakirumalennhu ovara kovara, ni n'lelo ohavo opuro. ²³ Pwiya ahimuirela nantekoawe: 'Orowe m'maphironi motene ni wakanherere okela, wira enupaka ekale yozaliya. ²⁴ My kinuhimeriani wira otene yale yalatthuliye kanrowa olawiha niranaka'''. ²⁵ Atthu injene yanintthara. Ni Yesu ahirukunuwa, kuhirela: ²⁶ Ole onwa wa My ni kuhanhoka apapawe, amamawe, amuarawe, axanawe, axulupaliawe ni axirokorawe ni hata okumiawe, owo kamphuanela okala n'rumeiaka. ²⁷ Ole ohinkuxa muinkimanhoawe ni akittharaka kankala n'rumeiaka. ²⁸ Tipani wanyu, onira aphelaka oteka enupa yorekama, ohinapajera wonkoma wira ikontha ni wira azuwele yakalawira erinawe enaphiyera? ²⁹ Wira ehiraneye ompajera alusensa ni kuhiweriatho omaliha, ni otene antthuna wona kunapajera ontarawu, yiraka: ³⁰ N'lophuanoole onupajeraza oteka ni kuhiweria omaliha'. ³¹ Walani mwene xeni, onira akumaka orowa owana ni mwene n'kina, ohinapaja wonkoma wizupuwela akala wira onaweria, owana naatthu ekonto n'loko, owana ni muene n'kina onwaana atthu ekonto miloko mili? ³² Ni, ahiwerieke, anakottho yetthaka otthiawene arumeke atthu orowa ovekela winwanana wanretthele. ³³ Tivo, yole wanyuwa ohinweria ohiya zotene zirinawe kankala n'rumeiAka. ³⁴ Maka poziva, masi, kumala ozivawaya, anrowa ozivihiyatho zai? ³⁵ Kivotho enrerelaya n'nakala vathi walani wunttheliha m'matthani. anmuarexeliya otakuani. Ole orina maaro aninwa,inwe''.