¹ Wa okathi yole atthu akina yahin'himeria Yesu muaha wagalilea, ale Pilato yawivakazaliawe okathi wavahaya n'kuttho. ² Yesu ahiwirela: ''Nyu n'nona wira ayenaze yanutepexa okala anatampi vowavikana agalilea akina vorerela ohoxiya wa enamune'le? ³ My kinuhimeriani wira n'nari. Masi muahituthuwe, nyu otene muinrowa opweteya wanamuna yele. ⁴ Walani ale n'loko naathan'nararu yamoreliye ni'nupa yorekama yo Siloe ni ewinva, n'nona wira yanutepexa ottheka wavikana atthu otene o jerusalem? ⁵ My kinuhimeriani wira n'nari. Masi muahituthuwe, ninyu otene muinrowa opweteya. ⁶ Yesu ahahimeria n'likanihon'na: '' N'lophana m'moza ahana n'thali wowaliya m'matthaniwawe. Ni varowaliawe muenmue ophelaza n'hokorokho , kuhiphuanha. ⁷ Vano ahimuirela n'tthu avara m'matthaninmue: N'kaweha, wa eyaka ttharo kiwaka ophela n'hokorokho wan'thaliula ni inkimphuanha. Othikile! Nin'hiyera exeni mu okhuzulaka etthaya?'. ⁸ Yena ahimuakula: ''N'hiye toko mitano va, wira my kithipe enkerekerewaya kihele ekokola. ⁹ Vano winma muahiyu, varera. Vanowahinme n'thikileke!''. ¹⁰ Vano, Yesu iraasomihaka m'pani wanthukumano, nihiku nasa'pato. ¹¹ Ni ahikala muenmue n'thiyana m'moza arina iyaka n'loko ni than'nattharu arina n'nepa wamarettha; yena ettha onakurupuwale, ni kaweria wemela. ¹² Vamonalhawe Yesu, ahimuazima ni kuira: ''N'thiyana, ohopowa nirettao''. ¹³ Yena ahintaphulela matatatwe, ni ninanoro yena ahonkololowa ni anintthotthopela n'Luku. ¹⁴ Masi n'kulupale ampani wanthukumano ahitikinihiya oklawira Yesu ahinvoniha nihiku nasa'patu. Vano n'kulupale ahiwirela atthuale yari muenmue: ''Ahavo mahiku mathan'nanimoza anrerela ovariya n'teko. N'weke, ni n'vonihiyeke mahiku yayo, ni vohikala esa'pato''. ¹⁵ Apuiya yahimuakula yiraka: ''Anawikompela! Tipani wanyuwano ohinintthukulela puruawe wala enhompeawe aroanaka owuria mazi nihiku nasa'patu? ¹⁶ Vano, ola muana a Abraao, atthukiye ni xetuani iyaka n'loko nathan'nattharu, karerela otthukuliya nihiku nasa'patu?''. ¹⁷ Vano Yena vahimialhiawe iya itthunya, otene yahaziveliya ni Yena yahihalaza anuliye muru, masi atthu injene yanitthapa nuhakalala wamirira zorera Yena zavarawe. ¹⁸ Vano ahahimeria Yesu: ''Olattha ni xeni omuene wan'Luku ni muinrowa ni'xeni? ¹⁹ Owo onlatthana ni'tthaka yankani n'lopwana ekuxaliawe kua'la m'matthaniwawe; ni eyo kumela kuin'nuwa ni kukala n'thali mulupale, ni axanuni o'zulu kunateka epwaruru m'mirintthaniwaya''. ²⁰ Vakinakutho Yesu ahahimeria: ''Onrowa olatthanihiya ni'xeni omuene wan'Luku? ²¹ Owo onlatthana ni miropo n'thiyana okuxaliawe ni kutakaniha ni miphimo miraru za otthu m'paka olikanela''. ²² Ywsu anmotola nusomiha wakula epoma ni mitthetthe ni'phiro arowaka oJerusalem. ²³ Ohavo ankohale: ''Pwiya, ari vakani anrowa wopowa?''. Vano ahahimeria Yesu: ²⁴ ''Muikanhanhe wira n'kele n'kora wophunhaza, kinuhimeriani wira injene anrowa ophela okela ni kanrowa oweria''. ²⁵ Muanene enupa avenha kutthuka n'korawe, vano nyu muinrowa ohala ota m'manaka n'kora ni muiraka: Pwiya, Pwiya, n'nihiye nikele!'. Ni Yena onrowa owirelani: Mi n'kinuzuwelani ni n'kinzuwela onkumen'nhu'. ²⁶ Vano mui'reke: Naniliaka ni naniwuriaka ninyu ni muaninisomihaka m'maphironi'. ²⁷ Masi Yena onrowa wakula: 'Kinuhimeriani wira n'kinzuwela onkumen'nhu. N'kume va, nyu muimpankaza itthu zohirerela!'. ²⁸ Ni onrowa okala wunla nukura men'no muinwehaka Abraao, Isaqui niJaco ni maprofeta otene wumueneni wan'Luku, masi nyu n'natthikeliye ota. ²⁹ Ayo anrowa owa acajicasini ni okusini onkuma n'zuwa ni onkela n'zuwa yonkomeke vameza wumueneni wan'Luku. ³⁰ Ni ahavo ari okizera onrowa okala opajera ni opajera anrowa okala okizera. ³¹ Onavirale okathi vakani, yahiwa mafarizi kumphuanha Yena ni kuira: ''Okume va okala wira Herodes omphela owiva''. ³² Yesu kuira: ''N'rowe muan'himerie kuattheiole: 'Wira kinwomola axetuani ni kina'voniha elelo ni melo, ni nihiku naneraru kinamaleliya. ³³ Vavotho van'nirerela ovara elelo, melo, ni nihiku nikina, okala wira kunrerela profeta okuela ota wohikala oJerusalem ³⁴ Jerusalem, Jerusalem, onwiva maprofeta ni onavonhakaza ale anamarumiya. Evara zikavi my zipheelaliaka wathukumaniha axaninhu muana mualaku onathukumaniha axanawe m'mapuphaniwawe, masi nyu kuhitthuna. ³⁵ Enupen'nhu enrowa othamiya. My kinuhimeriani wira kamuinkonatho m'paka okathi onrowen'nhu wira: ''Oreriya tule onwa wan'zina na'Pwiya''.