¹ Vamalalyaya etthu n'ya, Yesu ahethakaza Okalileiya, okhala wira khapela wethakaza Oyuteiya, okhala wira Amayuta yaphela omwiin'va. ² Nira Namayuta an'kutho nari vakhiviru. ³ Yahimwirela, Vano Axihimawe: "Hiyani opuroola, rowani Oyuteiya, zizan'mo awixuthinyu anarowa yone etthu mwin'pakinyu; ⁴ Okhala wira khavo on'vara etthu waziiri aphelaka ozuweliya payana. Mweraka etthunýa, mithinyihere welumwen'ku". ⁵ Hata axihimawe yawo khiyan'khupali Yena. ⁶ Vano Khuwirela Yesu: "Pkathiaka n'nan'lelo khuphiyale, masii okhathinhu nyu ori vava. ⁷ Olumwen'ku khununyokhani, masii on'kinyokha miyano, okhala wira Miyano kin'nithonyihera wira zin'varaya tizonanara. ⁸ Rowani nyuwano oniranii. Miyano n'kin'rowa okhala wira okathiaka khunathi omala". ⁹ Numala wahimerya itthun'ya, Yena ahihala Okalileya. ¹⁰ Zizan'mo, numala orowa axihimawe onirani, ni Yena ahirowa; wohizuweliya, siirini. ¹¹ Amayuta yera em'phelazaka vanirani, yiraka: "Yena ori vaii?". ¹² Vathukumaniya, zahavo miruku zintjeneru mwaha wa Yena. Akina yanira: "Yena n'lopwana orera"; Akina yanira: "N'nari Yena onawawokaza atthunintjene". ¹³ Hata ekhalaka zizan'mo, khavo alavula payana mwaha wayena, yaniwova Amayuta. ¹⁴ Okathi nira nariiaya eriyariaya, Yesu ahiwela m'pani mwan'luku khupatjera osoomiha. ¹⁵ Vano, Amayuta yahitikinihiya, ni yanira: "Motani n'lopwana ola ozuwelaka mwintjene ni ola okhalaru Kanasomihiye?". ¹⁶ Yesu ahiwakhula: Osomihawaka khuhiyena wawaka, masii wa ole okirumale. ¹⁷ Yakhala wira ohavo om'phela wira otthuna wawe, n'nazuwela mwaha wosomiha wawe, yakhala wira eyo en'kuma wan'luku, walani Miyano kin'lavula wamiyano. ¹⁸ Ole onithonya n'menzawe oniphela withothopa wawe, vano ole onin'vuyiha ole on'rumale, owo ohana ekhweli, ni kharina yokatjamiha. ¹⁹ Kahiyena Mosi ovahaleni ekano: zizan'mo hata n'moza yanyu otharihela. Exeni en'phelelen'nyu okiva?". ²⁰ N'xovole wahakhulela: "Ohana xetwani. Tipani on'phela owin'va?". ²¹ Yesu ahiwakhula ni khuwirela: "Miyano kivarale n'teko n'moza pahi, ni nyuwano otene n'rii oxanka niin'yo. ²² Mosi ohuvahani ekhalawa - wohikhala wira eyo en'khuma wa Mosi, masii, on'phatuwaya - , ni sapatu mwin'ninliha khalawa n'lopwana. ²³ N'lopwana n'moza yakhala wira on'nitja khalawa sapatu, wira ekano ya Mosi ehihononeye, exeni mwin'khalinyu onanariya mwaha Miyano on'voniha othene sapatu? ²⁴ Mwiphukeni ni wanyihera, masii m'phuke zin'rerelaya". ²⁵ Akina Oyerusalem yanira: "Kahiyena yola ayena yaphelaya omwinva? ²⁶ Ni vano yena onalavula wohivitha, ni khivo ani'himeryaya. Okhala wira ayena anukupali wira ola Kristu?" ²⁷ Nozuwela wira Yena tavaini, masii khukhala wira Kristu onawa, Khavo on'tthuna ozuwela Yena tavaini". ²⁸ Vano, Yesu ahivenyiha n'zunawe m'pani mwan'luku, asoomihaka ni khinira: "Nyuwano mokizuwela ni mwin'nizuwela wira kavainii; Akikhumale wamiyano, masii ole okirumale tekhweli, ni nyuwano khin'nin'zuwela. ²⁹ Miyano Kin'ninzuwela okhala wira kin'khuma wayena ni Yena takirumale". ³⁰ Vano, ayena yaniphela man'varelo, vano khavo an'vara okhala wira okathiawe wari ohinaphiye. ³¹ Vavo, in'tjene wanxovole yam'phela Yena. Awo yanira: "Kristo awavale, onavara itthu zintjene zotikiniha ovikana n'ya on'pakawe n'lopwana ola zin'pakawe?". ³² Mafarizi yahiwin'wa atthuale vale ethukuthaka mwaha wa Yesu, Ni amaholeli ana'kutho ni Mafarizi yehavelela, ni maholeli an'thetthe, ma farizi, akhulupalyaya wira en'vare. ³³ Vano Yesu ahiwirela: "N'nanlelo kiri ni nyuwano okathi vakani, Vano kiroweke wa ole okirumale. ³⁴ Nyu mwin'rrowa okiphelaza masii khimwin'rowa okiphwanya, ni nipuro kin'rowaka nyuwano khimwin'phiya". ³⁵ Mwaha wan'yela, Amayuta yanilavula yaworu: On'rowa elapoxeni n'tthuyola, nin'thunihi ohiphwanya oryawe? Yela otthuna orowa n'we amwarelalyaya Makereko, wira asoomihe? ³⁶ Enthonyihera exeni molumo yala on'himyawe: Nyu n'nakipelaza masii khimwin'rowa okiphwanya; kin'rowaka nyuwano khimwin'rowa'?". ³⁷ Niphiyalyaya nihiku nomalihwra, nihiku nulupale na nira, Yesu ahivenha ni akhuwelaka ahahimerya: "Yakhala wira ohavo orina n'thona, awe wa miyano awurye. ³⁸ Yole okikhupali miyano, mwana zihimalyaya zolepiya, wa n'hinamwawe yahikhola mazi makumi". ³⁹ Yena ahimyale zoo mwaha wa n'nepa yarowaya wakhela yale yan'kupali; N'nepa wari ohinavahiye n'nanlelo, okhala wira Yesu ari ahinathi ovuwihiya. ⁴⁰ Akina wanxovo yole, vin'walyaya molumoale, yahira: "Ola ekhweli Namaloha". ⁴¹ Akina yanira: Ola Kristo" Masii akina yanira: "Khukhalaka wira Kistu anawa Okalileya? ⁴² Zolepiya khin'himya wira Kristo okhuma n'loko na Tavi, ni Opelem, wanthethe yole wa Tavit?". ⁴³ Vano wahipatjera okawaneya n'xovo yole ephantha pili mwaha Wayena. ⁴⁴ Akinaku wanýale yaniphela on'vara vano khavo an'hela matata. ⁴⁵ Vano, maholeli atoropa yahiwa m'pakha wamaholeli a elapo ni afarizi, ni ayena yanikoha: "Exeni mwihin'walen'leni?". ⁴⁶ Afarizi yahiwakhula: "Khavotho n'tthu olavulale Niyena". ⁴⁷ Ti vo Afarizi yahiwakhula: "Ninyuwano mowokaziya? ⁴⁸ Wanýale amaholela walani afarizi yawo yahin'kupali Yena? ⁴⁹ Masii n'xovole, wahazuwela ekano, wari wotakhaliya". ⁵⁰ Nikotemo, nfarizi n'moza atokwale okumana Ni Yesu khalairu, ahira: ⁵¹ Ekanozihu en'nilamula n'tthu ahinathi win'wiya walani ozuwela etthu onirawe?". ⁵² Awo yahakhula: "Weyano tho wan'kalileya? ophelaze ni owehe wira khavo n'moza profeta on'khuma Okalileya". ⁵³ Vano otene yahihokolowela n''mwan'nyaya.