¹ Yesu ahirowa omwako Wolivera. ² Wixiswene, ahirowatho m'pani mwan'Luku, ni atthu otene yahiwa wayena; Yena ahikilathi ni khupatjera wasoomiha. ³ Anamalepa ni afarizi yahin'wana n'thiyana aphwanyiye araruwaka; anaheliyene variyari vatthu otene, ⁴ ni Yahimwirel: "Funti, n'thiyana ola ophwanyeriye araruwaka. ⁵ Ekano Ya Mosi en'niruma wira athiyana n'toko za ahana evonyakaziyaka; We vano, on'himyani?". ⁶ Awo yahimya n'yo wira emone, wira ekhalaneetthu wira emotherye, masii Yesu, anuramalene, ahipatjera olepa vathi nikatha. ⁷ Okhala wira yanakhanyerera en'kohaka, Yena ahivenya khwira: "Yole ohirina etam'pi, akhale opatjera ovonya n'luku". ⁸ Vano ahurama vazia khuhokolela olepa vathi nikathawe. ⁹ Vin'walyaya n'yo, yahikhumaza n'moza n'moza, opatjera awuluvala; ni Yesu ahihinýa mekhawe nin'thiyana anari variyari. ¹⁰ Yesu ahivenya khumwirela: "N'thiyana, ari vaini ale yothonya? Khavo oophukale?". ¹¹ Yena ahakhula: "Khavo Pwiya". Yesu ahiira: Hata miyano n'kinuphuka. Oroweke ni, okhuma nen'na va, witthekeni tho." ¹² Vowakulela Yesu ahahimerya: "Miyano kamwenke wolumwenku. Yolo on'kithara khanetha mwipiphini, masii onakhalana mwen'ke wekumi". ¹³ Mafarisii Yahin'himerya: "Weyano onizirela namona; Yohimyao kahiyena yekhweli". ¹⁴ Yesu ahiwakhula: "Hata miyano kikhalelaka oxahiti n'men'zakaru, Namonaka tekhweli. Miyano kozuwela on'khumaka ni kin'rowaka. ¹⁵ Nyuwano mwin'phuka n'roromelaka erutthu, Miyano khavo onin'phukaka. ¹⁶ Yakhala wira Miyano kiniphuka, ophukawaka tiwaxariya, okhala wira akiri meekhaka, masii Miyano kiri na'Papa akirumale. ¹⁷ Ni mwikanoni mwihu yolepiya wira oxahiti waatthu en'li ti waxariya. ¹⁸ Miyano kinikhalela oxahiti mekhaka, ni Apaapa akirumale an'nimwira namona wa Miyano". ¹⁹ Awo yahira: "Apaapao ari vaiini?" Yesu ahiwakhula: "Nyuwano khimwin'kizuwela miyano, walani Apaapaka; Mwakizuwelale, mwanazuwela wira Apaapa tapani". ²⁰ Yena ahimya etthu n'ya anathamelale nivuku naheliya yovelela, asoomihaka m'pani mwan'luku, ni khavo an'varale okhala wira okathiiawe wari ohinaphiye. ²¹ Ni ahahimerya okathi n'kina: "Kinakhuma, ni n'nakiphela, masii n'nakhwaza niitan'pi zinyu. Opuro on'rowaka Miyano nyuwano khimwin'phiya". ²² Ni Amayuta yanira: "On'khala wira on'rowa wiziva? Okhala wira on'nira: "On'rowaka miyano nyu khimwin'rowa"'. ²³ Yena anahimerya: "Nyuwano mwavathi vava, Miyano koozulu. Nyuwano mwelapo yela. ²⁴ Tivo Miyano kuhimeryalyakani wira n'nakhwa niitan'pi zinyu. Yakhala wira khimwin'kupali wira Miyano ti Mi, n'nakhwa niitan'pi zinyu". ²⁵ Vano Yanimwirela: "We wapanii?". Yesu ahiwakhula: Miiyano kinuhimeryakani okhuma wupatjerani. ²⁶ Kihana itthu zintjene wira kilavule ni kiphuke mwaha wanyuwano. Zizan'mo, ole okirumale taxariya, ni etthu zimwiwalyaka Miyano, itthu zen'yo, zen'yo kin'nihimerya olumwenku". ²⁷ Awoo khiyazuwelale wira awaza Apaapawe. ²⁸ Yesu ahahimeryatho, Niwehe: "Okathi on'rowenyu on'vuwiha mwana an'tthu, vano n'nazuwela wira Miyano ti mii, ni khivo en'varaka wamiyano pahi; masii kin'lavula mwana Apaapa zikixuthihalyaya. ²⁹ Ni Ole okirumale ori nimiyano, Ni Yena khan'kihiya Mekhaka, Okhala wira Miyano kin'vara zotene zinin'zivela". ³⁰ Yesu era alavulaka etthu zenýa, intjene yahikupani Yena. ³¹ Yesu ahahimerya mayuta yamwakhulelale Yena: "Khukhala wira nyuwano n'natumererya molumoaka, Vekhweli n'nakhala arumeiiyaka. ³² Ni n'nazuwela exariya, ni exariya enawopolani". ³³ Ayena yahaklhula: "Hiyano nan'loko Naprahamu, ni nokhalaru khininakhale epoyha yan'tthu, mopora xeni We wiraka: 'Ninawopowa'?. ³⁴ Yesu ahiwakhula: "Vekhweli, vekhweli, kinawuhimeryani wira yole on'vara etan'pii on'khala epotha ya tan'pii. ³⁵ Epotha khin'khala vate okathi wotene, masii mwana on'nikhala okathi wotene. ³⁶ Zizan'mo, yakhala wira Mwana onawopolani, vekhweli n'nawopowa. ³⁷ Miyano kozuwela wira mwan'loko na Aprahamu; Nyuwano mwin'phela okiva okhala wira molumwaka khan'phwanya opuro wanyu. ³⁸ Miyano kin'himya yonalyaka Napapa, ni nyuwano mwin'vara etthu mwixuthalen'nyu na papen'nyu ³⁹ Äwo yahakhula: "Papehu ti Aprahamu". Yesu ahiwirela: "Yari wiirari mwaxana Aprahamu, mwarowa ovaraka miteko zivaralyawe Aprahamu. ⁴⁰ Zizan'mo nyu mwin'phela okin'va, kinuhimeryani exariya kin'walyaka nin'Luku; Masii Aprahamu khavarale n'yo. ⁴¹ Nyuwano mwin'vara miteko zapapen'nyu". Awo yahiira: "Hiyano khiniyariye woraruwiya; Hiyano nihana Papehu, N'luku". ⁴² Yesu ahira: "Yari wira N'luku Papenyu, Nyu, mwanakiphenta, okhala wira kin'khuma wan'Luku, Ni tula kiri vaa; ⁴³ okhala wira n'kiwale n'menzaka, masii Yena takirumale. Exeni nhuwano ohin'waka molumwaka? Okhala wira nyu khimwin'werya molumo an'himyaka. ⁴⁴ Nyuwano mwaxana apapen'nyu, xethuani, ni nyuwano mwin'phela on'ziveliha papenyu. Yena n'nankhuma nawive, ni khanakhalane exariya, okhala wira exariya khiri nin'yowo. Yena alavulaka etthu tawothiya, on'himya etthu enwa wa ephathuawe, okhala wira nawothe ni papawe wotha. ⁴⁵ Masii, okhala wira Miyano kin'hima exariya, nyuwano khimwin'kiphela miyano. ⁴⁶ Tipani wanyu ontthuna okihimyana etthu miyano yotheka? Miyano kin'himya xariya, exeni ohikikupaliki Miyano? ⁴⁷ Yole ori An'luku on'ninwa molumwawe; tivo nyuwano n'hiniwen'nyu, okhala wira kimwihiyo an'Luku". ⁴⁸ Mayuta yahimwakhula: "Khukhala wira kinirina ehakhi (xariya) nahimyaka wira We wasamaritano ni ohana xetwani?". ⁴⁹ Yesu ahiwakhula: "Miyano akirina xetwani; masii Miyano kin'nathithimiha Apaapa, ni nyu n'nakinyohola. ⁵⁰ Miyano akin'thimakela yonaziya; ohavo om'phavela ni aphuke. ⁵¹ Vekhweli, vekhweli kinawuhimeryani wira, yakhala wira n'tthuwo onawintjathi molumwaka, owo khanona okhwa". ⁵² Mayuta yahin'himerya : Vano hiyano nozuwela wira ohana xetwani. Apraham ni maprofeta ahokhwa, masii Weyano on'nira: 'Akhala n'tthu onintjathi molumwaka, khan'weha okhwa' ⁵³ khiyakhala wira Weyano wa mulupale khun'vikana papehu Aprahamu okhwale? maporofet nyena ahookwa. on'phela okhala pani". ⁵⁴ Yesu ahiwakhula: "Yari wira Miyano kanawithothopa n'menzakaru, warya waka kiwatthuna okhala etthu; Ta Papaka akithothopela, yole nyuwano n'niren'nyu N'lukwen'nyu. ⁵⁵ Nyuwano khin'nizuwela, masii miyano kin'nizuwela. Miyano kerale wira akini'zuwela, yarowa okhala n'tthu awotha mana nyuwano. Vano, Miyano kin'ninzuwela, ni kin'nixathi molumwawe. ⁵⁶ Papawe Aprahamu ahihakalala ni wona Nihiku naka; Yena ahona ni ahihakalala. ⁵⁷ Amayuta yahira: "We khurina hata eyakha emiya thanu, ni we yomona Aprahamu?". ⁵⁸ Yesu ahiwakhula: Vekhweli, vekhweli, kinawuhimeryani wira Aprahamu ahinakhale , Miyano Tinýowo". ⁵⁹ Vano yahikuxa maluku wira En'vonye, masii Yesu ahin'pitha ni ahikhuma m'pani mwan'luku.