¹ Vaviralyaya etthu n'ya, Yesu ahirowa m'phanthe n'kina wa pareya yo kalileiya, wenwe wazimiya epareya yo Tiperiates. ² Atthu in'tjene wahintharela, okhala wira yanona tzotikiniha zintjene Yesu zapakawe wayale yari aretha. ³ Yesu ahiwela n'kerekhere mwa mwako ni khukilathi ni awixuthiiawe. ⁴ E paska, nira na mayuta, nahathamela. ⁵ Okathi Yesu vawehalyawe khona n'thitthi mwintjene owaka nipuro naryawe, ahin'himerya Filipe: Nin'rowa otthuma vaini n'kathe para wavaha atthwala etje?" ⁶ Yesu ahira tzo para on'weha Filipe , okhala wira yena anizuwela etthu yatthunawe wira . ⁷ Ahimwakhula Filipi: "Emiya pili yan'nzurukhu khizaphiyera watthu alaava otene wira wakhula n'moza akhele hata ekhalaka vakhani". ⁸ N'moza wa arumei, Antere, n'himawe aaaaaaaasimoni Peturu, ahimwirela Yesu: ⁹ "Ohavo va mwan'xilopwana orina mikathe mithanu ya savata ni ehopa pili; vao exeni yeyo wa atthu intjene?". ¹⁰ Yesu ahakhula: "N'kawireleni atthu ekilathi". Yahavo mithali zintjene vavale. Vano alopwana yahikilathi, wophiyaka ekonto thanu. ¹¹ Vano, Yesu ahikuxa mikathen'ye ni, vamalalyawe oxukhuru, ahavaha ale yakilathale. Vamozaru, Yena ahira ni ihopan'ye, mwana zaphelaya. ¹² Okathi atthu vakurunuxalyaya eroho, Yesu ahiwirela arumei: "Thothelani zihalalenýo wira zihikhale zihononeyaka". ¹³ Vano, arumei yahitakaniha ni yahizaliha ethanka n'loko ni pili pathasso zahalale wa mikathe mithanu za savata, zahin'yale nale yalyale. ¹⁴ Okathi vonalyaya atthu yothonyera ela Yesu yapakalyawe, yahira: "Ola ekweli ti profeta ari wira awe mulumwen'kuni" ¹⁵ Okathi Yesu ozuwelalyawe wira ayena yahala vakani owa wira en'vare wekuru wira en'khalihe mwene, ahikhumavo mekhawe vazia arowaka omwako. ¹⁶ Okathi win'lalyaya, arumeiyawe yahikhuruwela orathani> ¹⁷ Ni, vakelalyaya n'kalawani, yahirowa etharaka ephareya yo Kafarnaum. Wahiripela okathi yowo, ni Yesu khawale okumana nin'yawo. ¹⁸ Ni mwaha wa epheyo yintjene yarumale, ephareya yanikhala yupaka. ¹⁹ Vano arumei okathi yethihalyaya ekalawa vophiya ( Estadios - mithethe miraru) , Yahimona Yesu ethaka vazulu va mazi, awaka athamelaka ekalawa, ni wahaphwanya wova. ²⁰ Masii Yesu ahiwirela: Timiiyano mwihoveni". ²¹ Vano ayenaze yahikhalelana Khumwakhela n'kalawani, ni vohipiza ekalawa yahiphiya opantari. ²² N'meloniwaya, n'thithi wari ekhopela ekina ya pareya yahona wira khivo ekalawa ekina wen'wo, wohikhala emoza, ni Yesu khawelale mwen'mo narumeiiyawe, ni arumeiiyawe yarale mekhaya. ²³ Zizan'mo, zahavo ekalawa zikina zakhumale Otiperiate wathamela opuro ayena yatjalyaya n'kathe onamalale Apwiya ovaha mahala. ²⁴ Okathi atthwale vonelelalyaya wira hata Yesu walani awixuthiiawe khiyarivo n'we, yahikela n'kalawani ni yahirowa ooKafarnaum em'phelazaka Yena. ²⁵ Ni yahin'phwanya ekopela ya muro, khumwirela: "Mwene, n'phiyale okathi xeni vaa?". ²⁶ Yesu ahiwakhula, iraka: "Vekhweli, vekhweli, nyuano n'nakiphelaza, wohikhala wira monale mitikiniho, okhala wira n'nukhura mikathe khuvonaka. ²⁷ Varani n'teko wohikhala mwaha wa yotja enun'tha, masii wa yotja ehin'mala n'paka okumi wohimala, yeyo mwana an'tthu on'rowawe wuvahani, okhala wira N'luku, papa omanela natiri. ²⁸ Vano awo yahin'himerya Yesu: "Nin'rowa wira exeni wira nivare n'teko wan'Luku?". ²⁹ Yesu ahiwakhula: "Ola turi n'teko wan'Luku: wira mwin'kupali yole ayena an'rumalyaya". ³⁰ Vano ayena yahin'himerya: "N'thonyihero xeni mwin'tthuninyu wira, wira hiyano none ni nukhupali we?Oniira exeni? ³¹ Axipapehu yahitja zomora wuthakoni, mana zilepiyaya: 'Yena ohavaha para olya n'kathe wawirimu'". ³² Vano Yesu ahiwakhula: "vekhweli, vekhweli, kinawuhimeryani wira khari Mose ovahaleni n'kathe wa wirimu, masii apapaka anuvahani n'kathe wekhweli yanluku. ³³ Okhala wira n'kathe wan'luku tule on'khuruwa wirimu ni khiyavaha okumi olumwen'ku". ³⁴ Vano awo yahimwirela Yesu: Mwenye, nivaheni khutanihiku n'kathee owo". ³⁵ Yesu ahiwirela: "Miyano kan'kathe wa okumi, yole on'wa wa miyano khan'khalana etala, ni ole on'kikupali miyano khan'khalanatho n'thona. ³⁶ Masii xariya, miyano kinawuhimeryani wira mokiweha, ni zizan'mo nyu khin'kupalale. ³⁷ Otene yole apapa akivahalyaya on'niwa wamiyano, ni on'wa wamiyano, Miyano n'kinithikhela ota. ³⁸ Okhala wira kiwale wirimu, kahiyena wira etthu emphelaka miyano, masii etthu em'phelaya Yale akirumale. ³⁹ Ni wira Miyano ahikipweteye hata n'moza wa yole Yena akivahalyaya, masii ahihimuxe nihiku namaliha". ⁴⁰ Okhala wira ela tutthuna wapapaka, wira yole onin'weha Mwana ni Khun'kupali Yowo, akhalane okumi wohimala; ni Miyano kinan'hihimuxa nihiku nomaliha". ⁴¹ Vano Amayuta yahipatjera wapa mwaha Wayena okhala wira ahihimya: "Miyano kan'kathe okhuruwale wirimu". ⁴² Ayena yanira: "Kahiyena yola Yesu, Mwana a Yosef, yale papawe ni Mamawe ninazuwelihu? Zezai, Yena ahimyaka: "Miyano kikhuruwale wirimu'?" ⁴³ Yesu ahiwakhula: Mwihapeni mekhen'nyu. ⁴⁴ Khavo n'lopwana n'moza onthuna owa wamiyano, wohikhala wira a Papa akirumale okiwanela, ni Miyano on'hihimuxa nihiku nomaliha. ⁴⁵ Yolepiya mwamaporofeta: 'Otenezaya anassomihiya ni N'luku. Otene aniwaka ni kinaxutha wapapa an'niwa wa miyano'. ^{46 47} Kahiyena wira ohavo awehale Apapa, wohikhala yple owale wan'Luku; Ola ohaweha Apapa. Vekhweli Vakhweli, kinawuhimeryani wira yole on'kupali ohana ekumi yohimala. ⁴⁸ Miyano Kan'kathe wokumi. ⁴⁹ Axipapan'nyu aholya yomora wuthakoni, ni ahokhwaza. ⁵⁰ Ola n'kathe onkhuruwa wirimu, wira yole on'tthuna otja ahikhweni. ⁵¹ Miyano kan'kathe n'kumi okhuruwale wirimu. Akhala wira ohavo n'tthuna otja n'kathe yola, onakhala okathi wotene. N'kathe kintthunaka ovaha erutthuuaka wira olumwen'ku okhalane okumi". ⁵² Amayuta yahikhala onanariya varyaya, ni yahipatjera okoha, yiraka: "Zezai ola ontthunawe onivaha erutthuwe wira nitje?" ⁵³ Yesu, vano ahahimerya: "vekhweli , vekhweli, kinawuhimeryani wira, mwahilyeru erutthu ya mwana an'tthu, ni kuhiwurya ephomyawe, khin'rinaza ekumi varin'nyuvo. ⁵⁴ Yole olya erutthuaka ni on'wura ephoeaka ohana okumi wohimala, ni Miyano kinan'hihimuxa nihiku nomaliha. ⁵⁵ Okhala wira erutthu aka eyotja ya xariya, ni ephomeaka tiyowiriya waxariya. ⁵⁶ Yole ontja erutthuaka ni on'wurya ephomeaka khan'khuma wamiyano, ni mi kiri niyena. ⁵⁷ Zizan'mo zin'khalaya Apapa ni khukiruma, ni zizan'mo Miyano kin'khalaka Mwaha wapapa, Wamiyano yole otja onakhalavo. ⁵⁸ Ola n'kathe okhuruwale wirimu, wohikhala mana ole axipapen'nyu alyalyaya, ni khukwaza. Yole ontthuna olya n'kathe ola onakhalavo okathi wotene". ⁵⁹ Yesu ahimya etthunýa M'pani mwan'Luku, erawe asoomihaka Okafarnahum. ⁶⁰ Vano, n'tjene warumeiyawe, vin'walyaya n'ya, yahira: "Awalamela molumo'ala; tipani on'werya win'wa? ⁶¹ Vano Yesu anazuwelalene mekhawe wira arumeiyawe yanawapa mwaha wa molumo yala, ahahimerya: "Eyo enawutikinihani?" ⁶² Ni mwamonaru Mwana an'tthu awelaka opuru waryawe khalaii? ⁶³ Ola N'nepa on'vaha okumi. erutthu kin'vaha etthu. Molumo kinuvahakani Miyano tari n'nepa ni okumii. ⁶⁴ M'pakha va ahavo wanyu n'nan'lele ahinakupali". Okhala wira Yesu anizuwela onan'khuma tapani yahaphela walani watthuna on'tumiha. ⁶⁵ Yena ahira: "Mwahaya tinýowo kuhimeryalyakani wira khavo on'wa Wamiyano, wohikhala wira wira ovahiinýe Napapa". ⁶⁶ Vamalalyaya eyo, intjene arumeiiyawe yahihokolowa, ni khiyethaletho Niyena. ⁶⁷ Yesu, vano, ahiwirela ale n'loko nelii: "Nyuwano khimwim'phela okhuma?" ⁶⁸ Simoni Peturu ahimwakhula: "Pwiya, nin'rowa wapani? Nyu n'hana molumo a okumi wohimala, ⁶⁹ ni hiyano nokupali ni niwale nizuwelaka wira mwanaxariya An'Luku". ⁷⁰ Yesu ahakhula: "Miyano n'kuthanlaaleni nyu, n'loko neli? zizan'mo n'moza waanyu xetwani". ⁷¹ Yena an'himya Yutasi, mwana a Simoni Iskariotes, okhala wira tiyena, n'moza wan'loko neli, yowo arowa on'variha.