¹ Notjuwela wira, wakhala wira elapo ela ya vathi enikhalihu yan'vanyiya, nokhalana empa mphantti wa Muluku, empa, khahiyo yotekiya ni matata a atthu, numala ehininyanyeya, wirimu. ² Empa ela, nin'nova waholo ninlipelela owarihiya okhala wihu wa wirimu. ³ Nokhalana otthu iwo,wahoplo, niwaraka, khgan'nikela ophwanyiya wohiwara ekuwo. ⁴ Wekekhayi, nikhalaka empa ela, nin'nittikinyeya olemeliya.Khan'niphela oruliwa ikuwo; ohgiya vo, owarihiya wira enikhwa ekuxiye ni nkumi. ⁵ Ole onitthenkatje wa eyo Muluku, onivahale n'nepa ntoko nroromelo mwa ele enikela orwa. ⁶ Vano, wakhula okathi nikhaleke ororomela.Ntjuwele wira, nlelonikhalaka erutthu ela ya nlaponi, niri ottaiwene ni Apwiya; ⁷ waholo n'netta mwa nroromelo, khahiyo wa enoneya. ⁸ Tivo, nin'niroromela. Nin'nitthuna ohikhalana erutthu,ni nikhalaka ni pwiya. ⁹ Tjitjam'mo, nikhalaka mwerutthuni mwihu, wala okhuma, nin'nipaka eyo n'hina wa ele enupuwelihu: ontjiveliha. ¹⁰ Waholo oteniihu ninarowa okhala ophukiya wa kristu, wira wa khula ntthu akhele wiile eninrerela wa tjitthu tjavariya mwerutthuni, okhala yorera,ni yonanara. ¹¹ Vano, nimovaka pwiya, nin' naxankiha atthu. Ele hiyano niryahu en'niwehiya ni Muluku, ni kin'nilipelela wira eyo-tho nyuwano ntjuwele m'mupuweloni mwinyu. ¹² Khahiyo nimphela-tho wolipihani wekekhayi tjitjo; ohiya vo , ninuvahani etthuvo yowikhurutula wa hiyano. Tjitjo, nyuwo n'narowa okhalana yowakhula ale aniivuwiha yixoniheryaka, vano khahiyo vanrimani winyu. ¹³ Waholo niyevihaka nim'mwirela Muluku; ni neiyathiki ekekhayi nin'wirelani mwaha wa nifento ninyu. ¹⁴ Waholo, nifento na kristu nin'ninimaliherya, okhala wira nin'niroromela ela: wira ntthu m'motja ohakhwela atthu otene; vano, otene ahokhwa . ¹⁵ Ni kristu ohakhwela atthu otene, wira ale anikhala ehikhaleke mwa yaworu, vano wa ole okhwale ni ohihim'mwa. ¹⁶ Tivo, okhuma ninano vavo orowaka oholo,khan'nimphukela ntthu nittharaka tjitthu tja mwerutthuni, nlelo ntekweene onweha kristu tjitjo. ¹⁷ Vano, nanino va, khan'ninlamula mutthu tjitjo. Vano, akhala ntthu ori mwa kristu, owo mutthu ananino; etthu tjo khalayi tjovira. tjikhanle tjopakiya tjo nenano! ¹⁸ etthu tjotene tjinrwa wa Muluku, onatanyihale ni yowo mwaha wa kristu, ni onivahale nthukumano wo watana. ¹⁹ Eyo tiwi, mwa kristu, Muluku onatanyiha elapo ni owo, ohiwehaka ottheka waya. Owo onb'niroromela molumo opwatana. ²⁰ Vano, hiyo n'noniya ntoko animoniherya kristu, ntoko Muluku onolipihani mwaha wa miyo. Mwaha wa nifento na Yesu, hiyo nin'nolapelani: mwixatanyihe-tho ni Muluku! ²¹ Owo ompaka kristu, ntoko ole ohinattheke, wira mwa yowo nikhale ekekhayi ya Muluku.