¹ Tjitjam'mo, okhala nokhalana otthukumana n'no, ni n'ttharihaka mahala n'nakhelihu, khan'ninyonyiya. ² Ohiya vo nin'nikhotta iphiro tjwuliha muru ni tja wephini.Kan'nikhala wohiloka, ni khan'notha molumo a Muluku. Noniheryaka ekekhayi, nin'nirumana witjupuwela wa khula ntthu, owitho wa Muluku. ³ Vano vakhala Ehapari eri yovitheya, eri yowipithihiya, pahi wa ale anikhwa. ⁴ Wa yawo, muluku a elapo ela otthukwa wamupuwelo aya wohamini, ni, tivo, khan'niwerya wonawarya wa kristu, ori woniherya wa Muluku. ⁵ Waholo khaninlaleya yohiru , numala Yesu kristu ntoko pwiya, ni yohiru ntoko anantekwanyu mwaha wa yesu. ⁶ Okhala wira Muluku ohim'mye: "WAarya on'noniherya wiphini". Owo oharya m'murimani mwihu wira nimwalele otjuwela wowarya wa Muluku oholo wa Yesu kristu. ⁷ Vano, nokhalana yorerela m'murinkini mwa oloko, wira okhala otjuwanyeya wira owerya wulupale ori ni Muluku, ni khahiyo wa hiyo. ⁸ Nin'nihaxiya wa miphantti tjotene, numala khahiyo woxinttiya; oxanka numala khahiyo ntoko atthu ahinlipelela; ⁹ owomolaniya, numala khahi ohiya; onyonyiya, numala onyanyia. ¹⁰ Wakhula okhula okathi ninnikuxa mwerutthuni mwihu ohwa wa Yesu, wira-tho okumi awe wonihereyeke mwerutthuni wihu. ¹¹ Hiyo, ninkhala, wa khula okathi niri ovahereriwa wokhwani mwaha wa Yesu, wira okumi wa Yesu woniheriye mwerutthuni mwihu. ¹² Wira okhwa wonaneyeke wa hiyo, numala okumi wa nyuwo. ¹³ Nomala hiyo otene n'rina n'nepa m'motja wa nroromelo tjitjam'mo eryaya yolepiya: "Miyo kihamini ni, tivo, kihimalyaka". Ni hiyo nin'namini ni, tivo, ninlavulihu. ¹⁴ Notjuwela wira ole on'himusale Yesu ni tho onarowa onihimusa ni Yesu, ni onarowa oniruha oholo winyu. ¹⁵ Tjitthu tjotene tjin'niraneya mwaha wa nyuwo wira, mwa mahala anikhala entji, tjitthu tja mahala tjikhale mowaryani mwa Muluku. ¹⁶ Vano, khanin'nyonyiya. Hata mwerutthuni mwihu nihaxiyaka, n'hina mwihu n'nilipihiya wakhula nihuku. ¹⁷ Waholo oveya n'no ni ohawa n'no onivira ononiherya wira nakhele warya wulupale ni ohinimala. ¹⁸ Khaninlipa ni tjitthu tjinoneya, numala wa tjutthu tjihinoneya. Tjitthu tjinoneehu tjinovira, numala tjitthu iye nihinoneehu tjinikhala wohimala.