¹ Nintthikela-tho wivuwiha?Khan'niphavela ipaphelo tjorumiya wa nyuwo hata tja nyuwo, tjitjam'mo akina, nimphavelihu? ² Nyuwano m'mantjinyu mwa ipaphelo tjihu tjorumiya, yolepiya m'murimani winyu, yotjuweliya ni yotjomiya ni atthu otene. ³ Ni mononiherye okhala epaphelo ya kristu, yovahereriya hiyo, yohilepiya ni alapisera, numala ni n'nepa wa Muluku nkumi. Yohilepiya ni ithapwa tja maluku, numala nthapwani tja miri tja atthu. ⁴ Iwo tokhalale ororomela wa Muluku n'hina wa kristu. ⁵ Khanihiyo owerya, yohiru, wira nihimyeke wira tjitthu n'ya tjinikhuma wa hiyo, wohiya-tho vo, otjuwela wihu onwa wa Muluku. ⁶ Ti yoyo onitthutjihale wira nikhale anantekoa watana wa nanano, khahiyo wa tjolepiya, numala wa n'nepa; okhala wira tjolepiya winva, numala n'nepa on'nivaha okumi. ⁷ Nto, othukumana wa okhwa, ni tjolepiya m'malukuni, owale ni ovuwa ventji iwo atthu a wisarayeli khivaweryaneya oweha ni ekekhayi owitho wa Moise, mwaha wa warya wa owitho wawe, iwo wayeleliha warya waya. ⁸ Onrwa okhala tjayi warya wa othukumana wa n'nepa? ⁹ Wakhala wira muthukumano wotthukeliya wokhalana warya, onrwa-tho otepa okhalana owerya ntthukumano wekekhayi! ¹⁰ Wekekhayi, wiile nkwaha m'motja yopakiya ni warya, mphantti oyo, ohiya okhala, mwaha wa warya oninkhalela. ¹¹ Waholo, wakhala wira ele yarina warya en'niyelela warya waya, enatepexa okhalana warya ele enikhala wohimala! ¹² Okhala wira hiyo nokhalana ororomela iwo, ninvara nteko notjuwela; ¹³ khahiyo ntoko Moise, apwehale ekuwo owitho wawe, wira atthu a wisarayeli ahone omalelo wowarya wamala warya waya. ¹⁴ Numala mupuwelo aya wari woowaleya, waholo, nlelo olelo vava, ekuwo emotjaru enthipelela motjomani mwa watana mwa khalayi. Ekuwo eyo en'nithipelela okhla wira, wa Yesu pahi yokumihiya. ¹⁵ tjitjo-tho olelo, wa khula mphantti onitjomiya moise, ekuwo emotja en'niheliya owitho waya. ¹⁶ Vano okathi ntthu onitthikelawe w'Apwiya,ekuwo en'nikumihiya. ¹⁷ Waholo Apwiya n'nepa ni wari n'nepa wa Apwiya, wokhala wopowa. ¹⁸ Otenihu, ni owitho wohuleya, nin'nona warya wa Apwiya. Ni nin'nipittikuxiya, warya ni warya, elatarato emotjaru yowarya, ntoko mphantti wa Apwiya, ori n'nepa.