¹ Kotthanla yomiru wira nkarwa woxukuryani-tho mwa okathi wohawa. ² Wakhala kihoruhelani owerya, ti pani akela okihakalaliha wohikhala ole oripiye murimamwaha wa miyo? ³ Kilepale tjitjam'mo wira,koxukuryakani, miyo kihiripiye murima mwaha wa atthiu yakela okihakalaliha.Miyo kotjuwela wira ohakalala waka ti wawinyu otene. ⁴ Waholo kihulepelatjani ni oxanka, ni oripya murima, methori mentji.Miyo nkaphavela wuwanelani owerya; wohiya eyo, kaphavela ntjuwele nifento nintji kirinaka ni nyuwo. ⁵ Wakhala wira okhala ntthu oruhelale owerya khokiruhelale miyo pahi, numala wa nthinto m'motja , wa nyuwo otene, wira kihikhale owilipiha. ⁶ Ohaxiya wa ntthu oyo wa atthu entji wophiyerya. ⁷ Vano, ohiya ohaxiya, n'hana onlevelela, onlipiha, wira oyo ahikhalane oripiya murima ventji. ⁸ Vano,kin'nulipihani wira moniheryeke ofenta winyu ni oyo. ⁹ Eyo ti etthu ekilipihale, wira miyo koreheryeni ni kitjuwele winwelela winyu wa tjotene. ¹⁰ Wakhala mun'ninlevelela ntthu, nave-tho miyo kinunlevelela ntthu oyo. Elevelenlyaka, wakhala kolevelela etthu emotja, yoleveleliya mwaha wa nyuwo n'hina wa kristu, ¹¹ wira xotwani ohinwoke. Wahlo hiyo khahiyo atthu ahiniinwa tjotthuna tjawe. ¹² Kotthukuleliya nkhora m'motja n'Apwiya okathi warwalyaka epoma ya otorowadi wira kalaleye ehapari ya kristu. ¹³ Ninlelo tjitjam'mo, nkakhalale ni n'nepa womaleleya, okhala wira nkamphwanyale mun'naka Titu. Vano miyo kihahiya ni kohokolela Omacedoniya. ¹⁴ Numala, avahiye mahala wa Muluku, wa kristu wa khula okathi on'niwettiha ni wun'nuwa. Nhina wa hiyo, on'nikawa wunkhela wa otjuwela wawe mapuro otene. ¹⁵ Waholo hiyo niri wa Muluku ntoko yowunkhela ya kristu, wamotja wa ale anopowa ni ale anikhwa. ¹⁶ Wa ale anikhwa, wunkhela waya ti wokhwa. Wa ale anopowa,wunkhela waya ti wa okumi.Ti pani onirerela tjitthu n'ya? ¹⁷ Waholo hiyo khahiyo ntoko atthu entji anitumiha mulumo a Muluku ni ntjurukhu. Wohiya vo, ni tjotthuna tjorera, nin'nilavula wa kristu, ntoko arum'mwa a Muluku, woweha wa Muluku.