¹ Paulu, nrum'mwa a Yesu Kristu mwaha wotthuna wa Muluku, ni mun'nihu Timotiyo, ekereja ya Muluku eri warorinto,ni awarya otene ari w'Akaiya. ² Mahala akhale ni nyuwano, ni nrettele wa Muluku, tithihu, ni Apwiya Yesu Kristu. ³ Muluku ni Tithihu Apwiya_hu Yesu Kristu avuwihiye; Owo tithi a mahala ni Muluku omaaliha. ⁴ Muluku on'ninimaaliha ni ohawa wihu wotene, wira namaalihe akina ari mohawani movirikana, nin'namaliha akina ni omaala omotjaru n'nakhelihu wa Muluku. ⁵ Waholo, tjitjm'mo tjophawa tjaakiristu tjiri tjintji mwaha wa hiyo tjitjam'mo-tho omalihiya wihu ori wintji wa kristu. ⁶ Numala, wakhala wira nin'nihaxiya, omaalihiya winyu ni wopowa;ni namalihiyaka, ti wira m'malihiye.Eyo ti yorera okathi nyuwo n'nikhalinyu ovilela ohawa omotjaru ni hiyano. ⁷ Ni ororomela wihu wa nyuwo ti wekekhayi, notjuwelawira tjitjam'mo nyuwo n'nihawinyu nave-tho n'namalihiya. ⁸ Okhala wira khanimphavela, axin'na, wira nkhale ohixikha ohawa narinehu w'Asiya. Nahikuxihiya miritti tjintji nahaweryihu okuxa, tjitjo khinarina owehererya okhala. ⁹ Vekekhayi, nahikhalana otthukeliya wookhwa wa hiyo. Wa tjkotene, eyo wari wira nihiiroromele yohiru, numala wa Muluku,onahumusa atthu ookhwa. ¹⁰ Oyo onoopola wowopihani wokhwa,nave-tho onatthikela onopola-tho.Hiyo nokhalana nroromelo nihu wa yoyo, onikela ontaphula-tho. ¹¹ Owo onanitaphula nyuwo mwanikhaviheryaka mavekelo. Vano, entji anarowa oxukhuru mwaha wa mahala oovahiya mavekelo ni entji. ¹² ni'nikhurutula mwaha wa yela: namona amupuwelihu. Waholo mwaha wa tjitthu tjorera ni tjekekhayi, wa mphantti wa Muluku, ninvarihu nlaponi, worerexani nyuwo, khahiyo ni otjuwela wa nlaponi, numala mwaha wa Muluku. ¹³ Khan'nolepelani khula etthu ehinkelinyu owerya otjoma wala otjuwela. Kin'nilipelela wira n'ninwe vekekhayi, ¹⁴ ntoko n'ninwalin'nyu mphantti m'motja.Vano, nihiku n'Apwiya ihu yesu,ninrowa okhala mwaha wa wikhurutula winyu, tjitjam'mo nyuwo n'narowa okhala wa hiyo. ¹⁵ Okhala wira miyo kahiroromela wa ela, miyo kaphela opatjerya owa wa nyuwo, wira mwakhele oreriya wa oxukuriya venli. ¹⁶ Miyo kaphela owa woxukuryani okathi onirowaka omacetoniya, nave-tho kanrowa woxukuryani okathi onirowaka otthika, ni vano nyuwo nkihole oyudeya. ¹⁷ Okathi miyo katthenketjaaka eyo, okhalaka kapka etthu yonanara? okhalaka kinipaka tjitthu kittharihelaka iphiro tja atthu, tjitjo kinihimyaka: "ayo, ayo" ni "n'nari, n'nari", okathi omotjaru? ¹⁸ Numala tjitjam'mo Muluku oryawe ekekhayi,khanin'himya okathi m'motjaru "ayo"nio "n'nari". ¹⁹ Vano, mwana a Muluku, Yesu kristu, yoyo Silivano, Timotheyo ni miyo n'ninlaleyihu wa nyuwo, khahiyo "ayo" ni "n'nari''; numala khula okathi ''ayo". ²⁰ waholo anatiri otene a Muluku wakhula "ayo'' wa yoyo. Vano, mwaha wa yoyo hiyo nin'nira "amem" wa ovuwa wa Muluku. ²¹ Muluku on'nikhaliha wa nyuwo n'hina wa kristu, ni oyo ontakaniha. ²² Oyo ohela watana wawe wa hiyo ni m'murimani wihu, ni onivaha n'nepa ntoko etthukwelo ²³ Miyo kininkuxaMuluku ntok namonaka wira miyo kihalaka ohiwa okorinto wari wira kokhapeleleni. ²⁴ Khahiyo n'nawehaweha n'roromelo ni nyuwo, numala okhala ninvara nteko ni nyuwo wira n'hakalaleke nlelo wa nroromelo,nkhaleke oolipa.