¹ Kihana wivuwiha, okhala wira kivo yorerela eyo. vano, kinahiya tjowona ni tjohimeriya n'Apwiya. ² Kontjuwela nlopwana m'motja a kristu, yowo wa miyakha nloko nitjese tjivirale, ahikuxiya arowaniyaka erimu yonattharu mwa n'hina mwa erutthu hata ota wa erutthu, miyano nkintjuwela; Muluku tontjuwela. ³ Miyano kontjuwela wira nlopwana owo -wakhala mwerutthuni hata ota wa erutthu, miyano nkintjuwela; Muluku tontjuwela - ⁴ okuxiya arowaniyaka oparayisu, ni ohiiwa tjitthu tja mun'nepani wira ntthu ahimye. ⁵ Wa nlopwana owo miyano kinimwivuwiha, wohikhala mwaha wa olotjowa waka. ⁶ Warokhala wira kintthuna wivuwiha, nkakhala nlolo, vano karowa ohimyaka ekekhayi; vano nkinivuwiha, wira ohikhale onupuwela wa miyano wohikhala wa ele enonawe wa miyano. ⁷ Vano-tho nkinivuwiha mwaha wa yowonihiya. Vano wira kihitepe wikhurutula, kovahiya mwiwa m'motja mwerutthuni, ni molumo aSatana wira akopopiheke miyano kihivuwihe. ⁸ Ivara ttharu kanalipela Apwiya mwaha wa yeyo, wira awo akumihe wa miyano. ⁹ Ni owo ohimya: "Mahalaka an'nophiyerani; vaholo owerya on'nonihereya molotjowani. Vano kin'nitthuna wikhurutula wolotjowa waka, wira owerya wa kristu okhale mwa miyano. ¹⁰ Ti tjitjo kotteliya murima molotjowani, moruwaniyani, m'makatjmihoni, mowomoliyani, ni mohawani mwaha wa kristu. vaholo, okathi kinlotjowaka, vano kin'nilipa. ^{11 13} Kihikhaliha nlolo! Nyuwano mokilipihera mwa yeyo, vaholo miyano kahana ottottopeliya ni nyuwano. Vaholo, khivo ekhalal;e okiyeviha wa awo anihaniya arum'mwa alupale, kiraka miyano kihikhalane etthu. ¹² Iwoniherye tja ekekhayi tja arum'mwa tjihiraneya wa nyuwano ni ovilela wotene, ithonyeryo tjotikiniha ni mirirya. Vano, okhala wira ti nyiwano nkhalale ohirerela ohiya ikereja tjikina, ohiya miyano kihikhalale olemela wa nyuwano? kileveleliye wa yottheka eyo! ¹⁴ Mone! kolikana wira kitthikele wa nyuwano evara ya nattharu. Nkinrowa wulemelihani; vaholo nkimphavela etthu wa nyuwano, kimphavela wa akina. Vaholo anamwane ahitakaniheke tjitthu wira yavahe axitithi aya, vano axitithi atakanihe wa anaya. ¹⁵ Ni otteliya murima kinumaliha tjirinaka ni kinimwihiya omalamala wa nyuwano iroho tjinyu. Wakhala kin'nofentani, ventji kinofentiya vakhani ¹⁶ Wa tjitjam'mo, nkokuxihaleni miritti, vano, okhala kotjuwela, kowothatjani ni tjiwotha. ¹⁷ Okhalaka kihohaxani mwa ole awiheralyakani? ¹⁸ Miyano konruma Titu wira awe wa nyuwano, ni konruma-tho mun'na nkina wa nyuwano. Okhalaka Titu ohohaxani? Hiyano khan'netta ni n'nepa m'motja? Khan'netta wamotja? ¹⁹ N'nupuwela wira, okathi ola wotene namwikutteleliha wa nyuwano? Oholo wa Muluku, nahimya tjitthu n'ya tjotene wira nolipiheni. ²⁰ Vaholo kin'nilipelela wira okathi miyano onirwaka, kihophwanyeni tjitjo tjakitjivelaya, ni n'hikiphwanye tjaphelinyu. Kinwa okhala onyakulihana, murima, othanyana, molumo onanara, molumo owotha, molumo malupale ni ohinwanana. ²¹ Kin'nova wira, mwatthika vale, Muluku aka okiyevihe wa nyuwano, ni hata miyano kikhupanyerye ventji wa ale atthekale wopatjeryani, ni khayituthuwale onanara waya, wuraruwani tjowatjivela tjavaraya.