¹ Kaphavela wira nyuwano nkilevelele ololo aka, ni,ekekhayi nyuwano mun'nikivilela! ² Okhala wira kokhalana ovilela wa nyuwano, ovilela onirwa wa Muluku, vaholo kiholapelani othelana ntoko eharutji yorerela wa iyawe, ori kristu. ³ Vano kin'nona wira, ntoko enowa yanwokalaya Hawa ni otjuwela waya, miyupuwelo tjinyu yjokhala tjopittikuwa ni ekekhayi yorerela ya kristu. ⁴ Okhala wira, akhala onirwa onan'laleya yesu wohikhala ole onlaleyalihu, walani mwakhelaka n'nepa wovirikana ni ole mwakhelalinyu, wala ehapari yovirikana ni ele yinttutjalinyu, tjitthu n'ya nkhalane ovilela ventjio! ⁵ Okhala wira kin'nupuwela wira khahiyo n'nakhala vakhani, ale anihimiya "arum'mwa olipexa". ⁶ Vano, hata miyano kihitjomihiye opaka tjolavula, kotjomihiya otjuwela. Ni tjotene ni miphantti tjotene, ni opaka eyo otjuweliya ni nyuwano. ⁷ Okhalaka kinuconya, kiiyevihaka m'mantjaka wira mwin'nuwihiye? Okhala wira kihulaleryani ehapari ya Muluku wa mahala. ⁸ Miyano kihakhelela ikereja, kakhelelaka tjoliva tjaya, wira kovareleni nyuwano. ⁹ Okathi waryaka ni nyuwano kaniphavela eyolya, nkakhalale ntoko muritti wa ntthu okhala wira axin'na awale Omacedoniya yahiwana tjaphavelaka. Mwa tjotene kahikhotta okhala nritti wa nyuwano, ni kinuthipelela okhotta. ¹⁰ Mwaha wa ekekhayi ya kristu eri wa miyano, owuwa iwo nkinakhiya-tho m'mittettheni mwa Wakaiya. ¹¹ Ni mwaha wa xeni? Okhala wiramiyano nkinufentani nyuwano? Muluku otjuwela wira kin'nifenta. ¹² Vano enipakaka kinatthikela-tho opaka, wira kikumihemulumo wa ale antthuna wivuwiha: wira evareke nteko m'motjaru ni hiyano. ¹³ Nave-tho atthu yawo anawothe ni aholeli owotha, yitjoniheryaka ntoko arum'mwa a Kristu. ¹⁴ Ni eyo khahiyo etthu yotutuxerya, vaholo hata Satana on'nipaka nlaikha nowarya. ¹⁵ Khahiyo yotutuxerya yulupale wira arumeyi awe an'nipaka-tho okhala arumeyi ekekhayi. Yowakhelaya enarowa okhala yorerela mwa miteko tjaya. ¹⁶ Kin'nitthikela-tho ohimya: Ahiokhale onupuwela wira kamulolo. vano nyuwano mupuwelaka wira kamulolo, nkakheleke ntoko mulolo ni tjitjo kinimwivuwiha vakhani. ¹⁷ Kinihimyaka khahiyo enikhuma w'Apwiya, vano kinlavula ntoko mulolo, kiroromelaka wivuwiha. ¹⁸ Akhala etthu entji anivuwiha n'namani, ni miyano-tho kinimwivuwiha. ¹⁹ Okhala wira nyuwano mun'navilela alolo, okhala wira nyenyuva-tho mwatjuweli! ²⁰ Vano nyuwano mun'nihiya nkhalaka alolo wira akina yopakeni epottha , yokuxeni, ewakheni tjorerela tjinyu, yivuwiheke mwa nyuwano, ohiya vo yumanekeni oholo. ²¹ Wira nonihiye ehaya, kin'nihimya wira n'atthu owolowa. Hata-tho ntthu nkina ivuwihaka, kinlavula ntoko mulolo, ni miyano-tho kinimwivuwiha. ²² Awo aheberi? Miyano-tho kimuheberi. Awo anaisarayeli? Miyano-tho kimwisarayeli. Awo otjulu wa abarahamu? Miyano-tho kotjulu wa Abarahamu. ²³ Awo arumeyi a kristu?(kinlavula ntoko nlolo) miya-tho kotepa okhla nrumeyi a kristu. Kovara nteko ventji, kahikhala ikhatteya tjintji komanakatjiya ventji ohiya mwa tjophimeliya ni kovira mowopihani muntji mokhwa. ²⁴ Mwa ayuda kowakhela ivara thanu "miloko mitjese on'hiya m'motja". ²⁵ Komaniya ivara ttharu ni mikopo. Kovonyiya maluku evra vamotja kovira mohawani ivara ttharu. Koviriha ohiyu m'motja ni othana m'motja m'matjini. ²⁶ Kahikhala ivara tjintji, miro tjowopiha, mwa anawiye; mowo[pihani mwa m'mittettheni,mothakoni, m'matjini,ni mowopiha mwa axin'na ethiru. ²⁷ Miyano kin'nikhala muntekoni wovila ni mokhulumuwani, kiviraka ohiyu muntji wohirupa, ni ovoliya etala ni ovoliya ntthona, okathi muntji ni otthukwa, ni, oririya mpheyoni,. ²⁸ Ni, ohiya wa tjotene iyo, tjin'nikhala wa miyano tjitthu tjintji wa khula nihiku mwa okatjamiheya waka mwaha wa ikereja tjotene. ²⁹ Akhala ntthu onilotjowa, miyano nkinilotjowa? akhala nkina onikwathuliya, miyano nkinikhala otikinihiya? ³⁰ Wakhala on'nirerela wivuwiha, miyano kinimwivuwiha molotjowani mwaka. ³¹ Muluku tithi a Pwiya Yesu ,yole onittottopeliya vohimala-tho, motjuwela wira nkinotha! ³² Odamasiko, nkhulupale mulupale owerya a mwene Areta aniwehaweha epoma wira ekitthukele. ³³ Vano kokuruseliya mwa ettanka emotja vatjanelani ya vaxirini, ni khutthyawa m'matatani mwaya