¹ Miyano, Paulo, kin'nulompelani mwaha wowiyeviha ni ikharari tja kristu, miyano kiri wa khula okathi ni nyuwano, vano kinkheliyaka ni nyuwano okathi wakhumalyaka, ² kinawulepelani wira, kakhala ni nyuwano, khivanrerela wiroromela. Vano kin'nupuwela wira kihana wilipiha okathi kinikhalaka wa ale anupuwela wira hiyano ninkhala nittharihelaka n'namani. ³ Hata nettaka n'namani, khan'niwana wa n'namani; ⁴ okhala wira ikapwitthi ni ale aniwananihu khahiyo a n'namani, vano akhalana owerya wulupale wonyanyerya tjitthu tjulupale, ni mulumo owotha. ⁵ Hiyano-tho nin'ninyanya mulumo otene onanara aninyanya otjuwela wa Muluku, ni nin'nikuxa otjuwela wotene niphitaniha omwiwelela kristu. ⁶ Ni nin'nikhala nireheryaka otthukela miteko tjotene tjohiwelela, wira wiwelela winyu okhale womalela. ⁷ Mone eri yekekhayi oholo winyu. Akhala ntthu onikupali wira t'akristu, iitjupuwele mwanene wira, t'akristu, tjitjo ntoko tjirihu. ⁸ Hata miyano kikhurutulaka vakhani wa owerya wihu, iwo Apwiya avhalyaya wira nolipiheni ni khahiyo wira nonyanyeni, nkinulia muru. ⁹ Miyano nkimphavela wira kiwopopiheni ni ipaphelo tjaka. ¹⁰ Okhala wira akina an'nihimya: " Ipaphelo tjawe ti tjekekhayi ni ti tjowerya; vano mwertthuni mwawe tolotjowa, ni enihimyawe khenirerela winwiya". ¹¹ Ntthu owo ohana otjuwela wira niryehu m'molumoni mwa m'papheloni mwihu, okathi narihu ottaiwene, ti tjeiyo ninrowehu wira nawa weiwo. ¹² Khaninrowa wilikaniha ni ale anittottopa vano yaiphimaka ni yailikanihaka nkina ni nkhwawe kharina winwananeya. ¹³ Hiyano, vano, nihivuwiheke wovikana mikano; vano nivareke nttharihelaka mikano Muluku oniphimelalawe, mwa tjeiyo ti tjinophwanelani. ¹⁴ Okhala wira khan'nivikana nuphwanyakani, ni nipatjeryle wuphwanyani ni ehapari ya kristu. ¹⁵ Hiyo khan'nivuwiha ni miteko tja atthu akina; ohiya vo nin'nilipelela wira, ororomela winyu wun'nuwaka mphattiihu wa nteko onikawanyeya, n'hina wa mikhalelo tjihu tjophiya. ¹⁶ Nin'nilipelela eyo, wira nilaleyeke ehapari hata ilapo tjikina wohiya wa nyuwano. khan'nirowa wivuwiha ni miteko tjopakaya m,wa mphantti wa atthu akina. ¹⁷ "Vano anivuwiha, yivuwiheke mw'Apwiya". ¹⁸ Okhala wira khahiyo enikhuma wa yowo enoniya okhala yorera, vano ole Apwiya anin'rumaya