¹ Ela evara yoneraru kinikelaka orwa wa nyuwano."Mulumo otene onanara ahana ohimiya ni anamona eli wala araru". ² Miyano kohimya wira ale atthekale wupatjeryani ni otene akina, okathi waryaka ni nyuwano vaneli, ni kin'nihimya-tho: Kahokolela-tho, n'kinikela wohiyererani. ³ Miyano kinohimeryani eyo okhala wira mun'niphavela tjitthu tja kristu onihimiya wa miyano. Owo khahiyo olotjowa wa nyuwano. ohiya vo, owo towerya wa nyuwano. ⁴ Vaholo owo okhomeliya mottettheya, vano okhala mwa owerya wa Muluku. Vaholo hiyano-tho ti nottettheya wa yowo, vano ninakhala ni yowo mwa owerya wa Muluku wa nyuwano. ⁵ Mwiwehawehe nyenyu-va wira ntjuwele wakhala wira nri mororomelani. Nkupali nyenyu-va. Khamwintjuwela wira Yesu ori wa nyuwano? Wohikhala okhottiya. ⁶ Ni miyano kokupali wira motjuwela wira khanin'khottiya. ⁷ Nin'ninlompa Muluku wira n'hipake yonanara. Nkinilompa wira nikhaleke ntoko owakheliya. Ohiya vo, kinilompa wira mpakeke tjorera, vanukhalaru wira onkhala ntoko n'nukhottiya mottehiyani. ⁸ Vaholo khan'niwerya opaka etthu ekina wohiya ekekhayi, vano oholo wa ekekhayi. ⁹ Vakolo nin'nitteliya murima okathi ninkhalihu olotjowa ni nyuwano nkhanlene olipa. Hiyano-tho nin'nilompa wira nkhaleke otjkuwela. Kin'nilepa tjitthu n'ya kinari ottaiwene ni nyuwano, wira miyano okathi kinrowaka okhala ni nyuwano ¹⁰ kihovareleni ni owali ovarela ni owerya waka, owo Apwiya akivahalyaya, wira miyano kolipiheni, ni khahiyo wunyanyalani. ¹¹ Wemaleloni, axin'naka, ntteliyeke murima! Nvareke ntako wira nkhaleke otjuwela, nilipe murima, mwiwananeke nkina ni nkhwawe, nkhaleke omaleleya. Ni Muluku ofenta ni m'maleleyo onarowa okhala ni nyuwano. ¹² Nkhomatjaneke nkina ni nkhwawe ni epetjo yowarya. ¹³ Atthu otene owarya an'nukhomatjani. ¹⁴ Wira mahala A'pwiya Yesu kristu, ofenta wa Muluku, ni wiwanana wa n'nepa wawela okhale ni nyuwano.