¹ Wari zan'mo on'tthu arowawe onithithimiha, mwana ananteko a Kristo ni namwin'tjathi wa itthu zotikiniha zan'Luku. ² Mwana zoon'mo, titthu enthonyereya waale anin'tjathi ekhale atthu amana ni ororomeleya. ³ Massi wa miyano etthu zihirina maana hata kiphukiyaka ninyuwanowalani etripunali yatthu. Vano, hata miyano akin.phuka. ⁴ Miyano akikhalale okhupali wa etthu emoza yawotheriya miyano; Massi eyo khin'himya wira khivo en'zuwelaka. Ti Apwiya antthuna okiphuka. ⁵ Vano mwiphukeni etthu emoza wiphiyale okathiaya, ahinatthi owa Apwiya. Ayena anawihela vawoneya etthu zotene zovithiya wipiphini, ni anahimya zokhalaniya warohoni. Vano wakhula n'moza onawakhelela othothopeliya wawe ephanthe yan'luku. ⁶ Vano, axulupalyaka, miyano kihupuwela nýa zowethela zotene n'menzakaru ne Apolo mwaha wanyuwano, wira mwixuthe nihinyano: "Mwivikanihe nýe zolepiya"; zizan'mo, ahikhale on'rowa wikhutupula mwaha wan'moza ni khinan;nyohola n'khwawe. ⁷ Okhala wira, onona ovirikanya zirin'nyu ni akinaku? N'rina exeni n'hakhelelalinyu mahala? Yakhala wira mwakhelelale mahala, exeni n'nikhutupulinyu mwana khimwakhelelale? ⁸ Nyuwano mokhalana zotene etthu mwin'tthuninyu okhlana! Mokhala mathatjiri! Mopatjera oruma walani mwinikohale hiyano! Ayoni, kanitthuna wira n'mantari, vano nahana nima'tariki vamozaru ninyu. ⁹ Maana kin'nupuwela wira N'Luku ahinikumiha hinyano, akhulupale, omalihera, mwana alopwana ophukiya wira yiviye. Hinyano nin'khalihiya yorukunela yelapo, wa malaikha ni wapinatamo. ¹⁰ Hinyano niri mwana nan'vahuwa mwaha wa Kristo, massi nyuwano mwazuweli mwa Kristo. Hinyano natthu awolowa, massi nyuwano olipa: Nyuwano mwin'khala atthu othitima, massi hinyano nin'khalihiya atthu othowa mana. ¹¹ M'pakha okathi yola vaa, niri ovoliya etala nin'thona, nikhalale atthu othaleliya, nin'khala nimanakaziyaka mwintjene, ni khinirina enupa. ¹² Nin'vara n'teko wolipa, ni matatehu. naruwaniyaka, hinyano ninatheya. Natholatholiyaka, hinyano ninavilela. ¹³ Notheriakavale, hinyano nin'lavula waxariya. Hinyano nekhalihaka, ni hata nin'nikhalihiya, ekokhola yolumwen'ku ni eharamu yatthu otene. ¹⁴ Minyano akin'lepa etthun'ya wira kiwulihiheni muru, massi kuthumeni mwana anaka ophentiya. ¹⁵ Maana, hata n'khalanaka atthu aniwixuthihane n'loko mwa Kristo, khanrina oopapa mwintjene. Maana, minyano minyano kokhala paapenyu mwa Kristo Yesu m',omkoni mwa hapari. ¹⁶ Zizan'mo, kin'nikhanyerera wira n'khale anamakitakihaka. ¹⁷ Ti voo, kinuvelelihakani Timoteo, m'phentoaka ni ororomeleya mwana mwa Pwiya. Yena onawupuxerani ephiro zaka mwa Kristo, mwana minyano kin'ssomihaka ephanthe zotene ni wakhula kereja. ¹⁸ Akinaku wanyuwano mothatuwa atthu awikhutupula, mwiraka mana minyano akin'watho wuthotolani. ¹⁹ Okathi n'kina kinawa wa nyuwano, Apwiya yatthunavale. Vano kinazuwela wohikhala mahala wan'yale an'lavula wa wikhutupula, massi kinawaweha owerya waiya. ²⁰ Maana owerya wan'Luku kahiyena molumo, massi owerya. ²¹ Mwin'phelani? Kiiwe niwawaxu walani nin'phento ni n'nepa wa othithimiha?