¹ Axulupalyaka, miyano akikhalale wulavulihani mwana atthu an'munepani, masii mwana atthu an'namani, mwana axinamwane mwa Kristo. ² Miyano kihulihani ni leti, wohikhala yotja yolipa, okhala wira khimwaphiyerale. Hata nin'nano vaa, khin'khalale. ³ Vano nyuwano mwin'hokolela n'namani. okhala wira en'nikhalavo ehatje ni manyakuknyaku varin'nyu, khamwin'khala n'tharihaka enama ni mwethaka nin'tharihelaka zaatthu? ⁴ Exeni n'tthu eravale : ""Miyano kini'thara Paulo, nin'kina onira: "Miyano ka Apolo", khimwin'khala nyu namuna zatthu? ⁵ Apolo tipani? Walani Paulo tipani? Anan'teko wanýale n'khupalalin'nyu, n'mon'koni n'teko yole Apwiya yavahalyaya wakhula n'moza. ⁶ Miyano kihala, Apolo okhuwari, vano N'Luku ohun'nuwiha. ⁷ Vano, hata yole oxeyale, walani ole okhuwarale kahiyena etthu. Masii N'Luku yole onun'nuwiha. ⁸ Vano, ole onala, ni ole on'khuiwri amozaru, ni khula n'moza on'rowa wakhelela ethuvoawe wazizale zivaralyawe n'teko. ⁹ Okhala wira nanan'teko An'Luku. Nyuwano mwan'lava ni enupa yan'Luku. ¹⁰ Mwana mahala an'Luku zivahiyaka mwana namazuwela oteka, miyano kothipela zopatjera n'kina khinateka vazuluvaya. Masi wakhula'ntthu axun'nke zitekalyawe. ¹¹ Okhala wira khin'thi[peliya maripu makina wohikhala yale athipeliye, ori Yesu Kristo. ¹² vano n'thu on'teka nipuro nolepeliya niwero, eparatha, maluku awarya, ethapwa, miwaeryu walane makuthi, ¹³ miteko zinyu zin'rowawoniheriya, okhala wira warya wothana onawoniherya. Exeni enawoniherya ni moro; moro yowo onrowa opharela zizale wakhula n'thu ziralyawe. ¹⁴ Wakhala nteko wanthu wolokela, owo onawakhelela ethuvo. ¹⁵ Massi, n'teko wantthu wapahiyavale, onawakhelela opweten'ya. Ola onawopowa, massi mwana ohala ovya. ¹⁶ Khim'zuwelale wira mwenupa Yan'Luku ne N'nepa wowarya Wan'Luku on'khala mwanyuwano? ¹⁷ Khukhala N'tthu onrowa opwanyula enupa Yan'Luku, N'Luku onam'pwanyula. Okhala wira enupa Yan'N'Luku, N'khalale nyu, ti yawarya. ¹⁸ Ahikhale n'tthu ontthuna withepya mekhaweru. Yakhala wira wan'moza wanyuwo on'nupuwela wira on'nizuwela okathi yola, ikhalihe "n'lolo", wira yena akhale n'zuweli. ¹⁹ Mana ozuwela wolumwen'ku ovahuwa wa N'Luku. Mana yolepiya: "Yena on'niphwanya n'zuweli nulavilaviawe". ²⁰ Ni vaziatho: "Apwiya an'nizuwela wira wupuwela wazuweli tiwohikhalana mana". ²¹ Vano mwihikhutupuletho naatthu! mana etthu zotene tizawinyu, ²² hata Paulo walani Apolo, walani Cefas, hata olumwenku, walani okumi, walani ookhwa, walani etthu yanen'nano, walani etthu en'wa. Zotene tizawinyu ni nyuwano ti Mwa Cristo, ²³ ni Kristo tan'Luku.