¹ Miyano kiwalyaka wa nyu, axulupalyaka, akiwale nuzuwela walani wolavula ni wixutha, mwana miyano kivenyiherale zokhumelela zovithiya zan'Luku. Mwana zivuwihalyaka oxahiti wan'Luku. ² Vano kokhupaliu ohizuwela etthu okathi miyano karyaka ninyuwano, on~hiya Yesu Kristo, ni Yena okhomeliye. ³ Ni miyano kari ninyuwano muthetheyani, kovaka ni kithukumelaka. ⁴ Ni molumwaka ni malavulelwaka khiyari molumo awira kukuxeni ni ozuwel. Wohikhala zoo, yari nin'thonyero wan'nepa ni ekuru, ⁵ wirari wamini winyu wikhaleni molipela ozuwela wan'tthu, masii wa owerya wan'Luku. ⁶ Vano, hiyano nin'lavula nuzuwela variyari vatthu okhomala, wohikhala ozuwela wolumwenku, walani wamaholeli elapo mahiku yala, ari omora. ⁷ Masii nin'lavula nuzuwela wamwanene N'Luku ni xariya yovithiya, ozuwela wovithiya, yole N'Luku oholiheralyawe winatthi wonihwriya waryawihu. ⁸ Khavo namaholela elapo yela amahiku yala olelo ozuwelale, vano awo yazuwelale nikhalairu, ayena khayarowa on'khomela mwenye a zowarya. ⁹ Masii mwana zilepiyaya: "Etthu zihonalyaya ninttho nimoza zihonalyaya, walani niyaru nimoza ehin'walyaya, walani akhili n'moza nihupuwela, etthu N'Luku orerihalyawe wale anin'phenta. ¹⁰ N'Ya etthu N'Luku onixuthihalyawe wira hinyano mwan'nepa wowaria. Vano N'nepa wowaria on'niwehaweha zotene, hata etthu zotikiniha zan'Luku. ¹¹ Vano tipani on'zuwela wupuwela wa pinatamo wohikhala n'nepa wantthu yowo Yena oryawe? Zizan'mo, khavo on'zuwela etthu zulupale zan'Luku wohikhala N'nepa Wan'Luku. ^{12 13} Masii hiyano khinakhelale n'nepa wolumwenku, wohikhala n'nepa wowarya ori wan'Luku, wira nin'zuwele etthu wohithiyeleliya zovahiya ni'Luku. Hiyano nolavula mwaha wetthu zen'yo mwamolumo wozuwela wa pinatamu khun'ssomiha etthu, masii n'nepa on'ninixuthiha. N'nepa on'nilakihera molumo an'munepani nuzuwela wan'munepani. ¹⁴ Ole ohiri nin'nepa khanakhela etthu zan'munepani zan'Luku, okhala wira anepa wayena. Ni khan'khala ezuwelaka okhala wira zin'wa n'munepani. ¹⁵ Tipani ori n'munepani on'phuka etthun'ya, masii yena khankhala ophuka zakinaku. ¹⁶ Vano tipani on'zuwela akhili Apwiya, tipani onin'xuthiha? Masii hiyano nihana wupuwela wa Kristo.