¹ Hinyano nihin'wa hapari wirari ahavo mathen'zi a ekhapa varizin'nyu, mthen'zi hata atthu ahin'lompa ehhim'pakaya. Ehapari tila wan'moza wanyu on'rrupa ni mwara aapapawe. ² Mwin'nitepa wikhutupula! Ohiya zoo khimwarowa woona othun'ku? Yowo erale etthu mwana eyo mwin'kumihe varin'nyu. ³ Vano enukhalaru wira minyano kiri othiawene n'rutthuni, massi n'nanlelo kihavo n'munepani, kom'phuka yole erale etthweneyo, mwana minhyanokiri vavo. ⁴ okathi entthunin'nyu othukumana mwan'zina naPwiyehu Yesu, nin'nepaka nakhalalene vavoowerria wa Pwiya Yesu, ⁵ mwin'vahe n'lopwana yowo m'matatahi mwaxethwani wira anyanyiwe n'rutthuni vano n'nepawe on'rowa wopowa. ⁶ Othithima wihu kahiyena worera. Khimwin'zuwela wira efurmento vakhani en'nivenyiha massa? ⁷ Mwikassope wa furmento yakhalai wira m'khale massa masya, mwana zizan'mo n'rinyu n'kathe wohipihiya. Vano Kristo pwithipwithihu ya paska, ahirihiya n'kutho. ⁸ Zizan'mo, nin'thapele nira, wohikhala furmento yakalai, furmento ya thapiya zonanara ni yonanarihiya ni zetthu zonanara, massi nin'kathe wohipa wekhweli ni waxariya. ⁹ Minyano kihulepelani nimatataka wira mwikhaleni n'takanelaka natthu essetje yonanara. ¹⁰ Kahiyena wira kinahimya atthu onanara roho oolumwen'ku, walani nam'rima, ossama, on'kokhorela mithali, okhala wira nyuwano wira mwahuluwe ao yarerela okhuma mulumwen'kuni. ¹¹ Vano kinawulepelani wirari mwitakaleneni nin'tthu yole m'mwazimaka mun'na, massi makhaleluawe essetje walani ohin'xukhuru, walani ohinatini, walani ohankawani, walani nan'hapaliya, walani owotha. Yorera mwilyeni vamoza nin'yowo. ¹² Vano, namuna xeni kin'tthunaka kikhaleke owaphuka yale ari ota wa kereja? Ohiya zoo, kin'naphuka yale ari m'pani mwa kereja? ¹³ Massi M'Luku onaphuka yale ari ota: "Mwinkumihe n'tthu otakhala varizen'nyu".