¹ Tharani mphento ni wuziveleni vintjene miteko zanminepani, wotepaxa (woxarifu); ² maana ole onlavula eluka khanalavulela atthu, masi wan'Luku. Mana khavo oninnwa, okhala wira yena onlavula etthu za siri yanmunepani; ³ Masii ole onloha onahimerya atthu wira ekhomale, walipiha, ni wakhalihera. ⁴ Yole onlavula eluka onilipihera mekhawe, masi ole onloha onlipihera ekereja. ⁵ Yanikizivela wira otene zinyu nlavulaka eluka; hata, ovikana eyo, yanikizivela otene zinyu nlohaka. Ole onloha onvikana ole onlavula eluka (yahikhale wira ohavo ontaphulela, wira ari ekereja ekhale yolipihiya). ⁶ Vano, axulupalyaka, miyano kawavale kilavulaka eluka, yorera xeni miyano kinuwanelakani? Khiivo! Yahikhale wira kinlavula nuhimeriya, ozuwela, oloha walani osomiha. ⁷ Yakhala etthu envareliya nteko yohikhalana ekumi ennyakula, mwana ephivi walani flauta, khula emoza khinipa namunayaru, namuna xeni ntthu ontthunawe ozuwela tivixa ephivi walani eflauta enruma? ⁸ Okhala wira nlope oruma wohilatthana, namuna xeni ntthu ontthunawe ozuwela okathi xeni okathi wakhotho? ⁹ Zizanmo tirinyu nyuwano: yakhala wira nnalavula etthu yohithareya, namuna xeni ntthu onthunawe ozuwela? Nyuwano nnalavula, ni khavo ontthuna ozuwela. ¹⁰ Wohithananiha, xihavo malavulelo mintjene ovirikana mulumwenkuni, ni khinivo nimoza nihinhimya etthu. ¹¹ Vano yakhala wira miyano akinzuwela etthu enhimyaya elukeyo, kinrowa okhala nlettho wanyole onlavula, ni miyano onrowa okhala nlethoaka. ¹² Zizanmo, nyuwano: okala wira nnaphela yonihera Nnepa, khalani ekhweli wira nlipihe ekereja. ¹³ Vano, yole onlompa ni eluka moza akhalane ozuwela otaphulela. ¹⁴ Mana miyano kalompaka ni iluka, nnepaka onnipompa, masii akhiliaka khamphwanya etthu. ¹⁵ Kire exeni ? Kivekele ninnepaka, masii ni akhili aka. Kiipe ni nnepaka, ni akhili aka. ¹⁶ Namuna makina, yakhala wira mwinninlopa N'Luku ninnepa, atthu akina anrowa ohimya exeni "Amem" okatthi mwinvahinyu mahala, yena ahizuwele etthu nyuwano enhiminnyu? ¹⁷ Nyuwano ekhweli mwinivaha mahala anene, masii akina khanlipihiya nmakhuvani. ¹⁸ Miyano kinnixukhuru N'Luku mwaha wolavula eluka wa wuvikanani nyuwano, ¹⁹ masii nkereja kaniphela wira kilavulaka eluka thanu ni akhili aka wira kiwixutthihe akina, wira elavuleke molumo ovikana ekonto konto zene. ²⁰ Axulupalyaka, mwikhaleni anamwane wupuwela winyu. wotepesha mwaha wetthu yonanara, khalani mwana anamwane; masii wupuwela winyu khalani ozuwela. ²¹ Nkanoni wolepiya: "watthu a luka zikina ni mattere alettho Miyano kinawahimerya atthwala. Hata zizanmo, kanikiwa". Ahimya Apwiya. ²² Vano, eluka ntthonyero, kahiyena wamakristau, masii wale ahiri kristau; masii oloha nthonyero, kahiyena wale ahiri kristau masii wale ari kristau. ²³ Yakhala wira, vano, ekereja yotene enatthukumana ni otene khinalavula eluka, ni ale ari ota ni ahiri makiristau khuphiya, khayera wira nyuwano nnuvahuwaza? ²⁴ Masii yakhala wira otene zinyu khinakhala nlohaka ni khukhala ohiri kiristau walani ntthu oota khuwa, yena anakhupali zotene zinnwalyawe, ni anaphukiya ninye zotene zinwalyawe. ²⁵ Esiiri ya rohwawe yanazuweliya, wumalihani waya, yena anakokhora uramelaka vatthi, anatthothopela N'Luku, walani anahimya wira N'Luku ori ni nyu. ²⁶ Vano, namunani, axulupalyaka? mwatthukumana vale, wakhula nmoza akhalane etjipo awe, yoxutthiha emoza, yohimya emoza, eluka emoza walani otaphulela. Varani zotene wira nlipihere ekereja. ²⁷ Yakhala wira ohavo onlavula eluka, wophiya enli walani araru, vano nmoza wakhula okatthi, vano akhaleke nmoza ontthuna otaphulela yele ehimiye. ²⁸ Vano ahikhale ntthu ontaphulela, vano wakhula ntthu akhale omala nkereja. mwihiye yena alavuleke mekhawe nin'Luku pahi. ²⁹ Anamaloha enli walani araru elavule, ni akina yinweleleke ni wupuwela etthu ehimiye. ³⁰ Masii, yakhala wira yolohiya yela onale ntthu okilathale nkereja, akhale omala etthu yalavulawe. ³¹ Okhala wira wakhula nmoza wa nyuwano ohana owera oprofetizari, nmoza nmoza, wira wakhula nmoza exuthe, ni otene elipihiye. ³² Okhala wira minepa za namaloha eri nmatatani ya maprofeta. ³³ Okhala wira N'Luku kahiyena N'Luku a manyakunyaku, masii anrethele. Ala ti makhalelo orera wa ekereja zotene zamasantu. ³⁴ Axitthiyana ekhaleke omala nkereja, mana kahiyena otthunihiya olavula. Ohiya zoo, ahana yiyevihaka, mwana zinhimyaya ekano. ³⁵ Yakhala wira ehavo etthu amphelaya wixutha, yakohe axannaya owani. Okhala wira tiyawuliha muru nthiyana olavula nkereja. ³⁶ Molumo An'luku awale wa nyu? Nyuwano mekhenyu tiyuphwanyaleni molu ala? ³⁷ Akhala ntthu onuuwela okhala profeta walani nmunepani, ahana azuwelaka wira etthu kulepenlyakani ekano za Pwiya. ³⁸ Masii yakhala wira ohavo ohinkhupali n'yo, ahikhupaliyeni. ³⁹ Vano, axulupalyaka, phelani vintjene oloha, ni mwihinkothiheni ntthu olavula eluka. ⁴⁰ Masii etthu zotene zivariya namuna orerela ni votthonkeya.