¹ Kinniwupuxerane axulupalyaka, wa molumo kulaleralyakani, awo mwakhelalinyu, ninyawo nrininyu mpakha vaa. ² Mwaha wa molumo yaala mopowalinyu, khukhala wira nnavarelela nulipihera molumo alalelaryaka, yahikhale wira mwakhelale mahala. ³ Mana miyano kihuvahani wopatjerayele miyano kakhelelalyaka: Wira Kristu okhwale mwaha wa tampi zihuu, mwana zin'himyaya zolepiya; ⁴ ni wira Yena ovithiya ni khuhihimuwa nihiku na neraru, mwana zolepiya. ⁵ Ni ahinkhumelela Cefas, numala wale nloko neli. ⁶ Oholo waya, ahikhumelela wolupalihu ale emiya thanu nkwaha nmoza, yawo akina intjene ahavo akumi, masii akina anarupa. ⁷ Numala ahinkhumelela Tiaku e oholo waya, wa mapostolo otene. ⁸ Wumalihani waya, Yenaahikikhumelela miyano, mwana mwana oyariya okathi nkina. ⁹ Vano miyano kikhalale oyeva wa mapostolo, yohiphwanela waximiya apostolo okhala wira kahitthara thara ekereja yan'Luku. ¹⁰ Masii mwaha wa mahala Anluku, kokhala zikalalyaka, ni ( mahalawe) wa miyanokahiyena mahala. Ohiya zoo, kovara nteko mwintjene wavikana otene zaya, hata kihikhalaka miyano, masii mahala An'Luku ari ni miyano. ¹¹ Vano, yakhala wira timiyano walani tayenaze, zizanmo nolaleya, ni nyuwano mokhupali. ¹² Vano, mone Kristu onalalen'ya mwaana namahihimuwa mukhwani, enkhuma vai akina wa nyu yiraka khuvo ohihimuwa mukhwani? ¹³ Masii wahikhale ohihimuwa mukhwani, vano hata Yesu yowo khuhihimuwale. ¹⁴ Yakhala wira Yesu khuhihimuwale, vano maleloihu kharina faita, ni wamini winyu ti wamahala. ¹⁵ Ni nokhalihiya maxahiti a wottha oholo wan'Luku, okhala wira ninnihimya wan'Luku, niraka Yena onhihimuxa Kristu, Yena ahirale. ¹⁶ Vano yakhala wira akhwale khahihimuxiye, hata Kristu khahihimuxiye. ¹⁷ Ni yakhala wira kristu kahihimuxiye, ororomela khuna faita, ni nnanlelo nkhalale ntampini mwinyu. ¹⁸ Vano ale akhwale mwa Kristu nayena athwelela. ¹⁹ Yakhala wira mwa okumi ola nihana ororomela oholo mwa Kristu, nokhala otepa woniha otthunku wavikanaatthu otene. ²⁰ Masii vano, Kristo ohihimuxiya mukhwani, khukhalaka ntthonyero wopatjera wale akhwale. ²¹ okhala wira okhwa owale wantthu nmoza, wntthu nmoza zizanmo ohowa ohihimuwa wale akhwale. ²² Vano, zizanmo mwa Atau otene annikhwa, zizanmo mwa Kristu otene anakhalihiya akumi. ²³ Masii wakhula nmoza, ni okatthi awe: Kristu, nthonyero wopatjera, oholo waya ale ari mphanthe wa Kristu, mwa okumi awe. ²⁴ Vano onrowa okhala omala, okathi Kristu onrowaawe ovaha omwene wan'Luku, Papawe, ni amalihaka owerya wothene ni ekuru. ²⁵ Mana yena ohana aholelaka mpaka wahiya vatthiwamettho zawe awanani awe. ²⁶ Nwanani omaliha onrowa okhala a nyanyiyaka ti ookhwa. ²⁷ Exeni "Yena ohela etthu zotene vatthi va mwetho zawe". Masii yahimiyaka: "Yena ohela etthu zotene" eri ya woneya wira eyo khintakaniha zen'ye zinintthithimiyaayena. ²⁸ Okatthii etthu zotene khunkupali Yena, vano Mwana onatthitthimihiya Nule wa etthu zotene zinintthitthimiha, wirari N'Luku, Papa akhale zotene wa otene. ²⁹ Namuna ekina, anrowa wira exeni ale anpatizana ni atthu okhwa? Yakhala wira ale okhwa khan'hihimuwattho, exeni opatizaranaka mwaha wan'yawo? ³⁰ Exeni okhalaka a wizova wakhula okatthi? ³¹ Kinnilupatthiya ni nokhwa mahiku otene. Ela tiio ekhweli wira kinnilavula nikhweli wa nyuwano, yeyo erinaka mwa Kristo Yesu, Pwiyehu. ³² Etthu emphwanyaka miyano, mwa pinatamu, kowanana enama zayopiha o Efeso, atthu okhwa yahihimuweke? "Nilheke ni niwureke maana melo ninakhwa". ³³ Mwikhaleni okokiya: Masii opathani onnahonona akumi makhaleloaya". ³⁴ Khalani omaleleya! Khalani a xariya! Mwitthekeni: Okhala wira, nyuwano khannrina ozuwela wa N'Luku. Kinnhimya eyo mwaha wa yawuliha muru. ³⁵ Masii ohavo ontthuna wira: okhala wira alipa okhwa annihihimuwa? Vano erutthu xeni ayena anrowaya owana? ³⁶ Nyuwano nnukhalexa atthu otikhina! Etthu nyuwano enalennyu khinunnuwa hata erowaka okhwa. ³⁷ Enalennyu kahiyena erutthu enrowa okhala, masii epyio ekina, enrowa okhala etiriku walani mwiri nkina. ³⁸ Masii N'Luku onrowa ovaha erutthu zizanmo yena onrowawe otthanla, wakhula epyio enmela mwiriaya wamekhaya. ³⁹ Kahiyena wira wakhula enama emozaru, masii emoza etthai ya pinatamu, ekina etthai ya enama, ekina etthai yaxinuni ni ekina etthai yahopa. ⁴⁰ Zihavottho erutthu za wirimu ni za vatthi. Masii warya wa erutthu ya wirimu etthu emoza, ni ya warya ya vatthayani ekina. ⁴¹ Ohavo warya wanzuwa, ekina warya wa mweri ni ekina warya wa tthonttowa, vano wakhula tthonttowa ennivirikana warya waya ni ekina. ⁴² Zizanmo turiaya ohihimuwa walipa okhwa: ele enaliya ennikhwa, ni ele enhihimuwa khinuntthatho. ⁴³ Ele enaliyaninyoho enahihimuwa ni otthotthopeliya. Ele enaliya ni wotjeya ennihihimuwa ni ekuru. ele enaliya wa erutthu ya tuniya ennihihimuwa wa erutthu wanmunepani. ⁴⁴ Yakhala wira ehavo erutthu ya mwili, hataa ehavo erutthu yanmunepani. ⁴⁵ Zizanmo, yolepiya: "Nlopwana opatjera Atao, ahipakiya nnepa wekumi', Atao omaliha ahikhala nnepa onvaha ekumi. ⁴⁶ Vano yanmunepani khiwane opatjera; masii ya olumwenku , ni numaliha yanmunepani. ⁴⁷ Nlopwana opatjera ta vathayani, opakiya nintthupi, nlopwana anen'li ta wirimu. ⁴⁸ Wolathana nin'lopwana opakiya nintthupi, zizanmo ti zizale ale opakiya nintthupi; ni olatthana ninlopwana a wirimu, tizizanmo ale a wirimu. ⁴⁹ Zizanmo nikushalihu olatthana wanlopwana a etthaya, zizanmo nokusha olatthana wanlopwana a wirimu. ⁵⁰ kinawuhimeryani ela, axulupalyaka, wira enama ni ephome khinkhala erithiki omwene wan'Luku, walani enunttha orithi etthu ehinunttha. ⁵¹ Vano kinuhimeryane minlatthi: Kahiyena wirari otene ninakhwa, masii otene ninrowa otthatuwa. ⁵² Hiyano ninatthatuxiya wohipizeya, wokaphia ni otthukula menttho, mlope nomaliha. Maana mlope ninaruma, ni akhwale anahuhumuxiya ahihononeyale, ni hiyano ninrowa otthatuxiya. ⁵³ Okhala wira erutthu ela enunttha ehana ewarihiyaka ehinunttha, ni erutthu ela enkhwa ehana ewarihiyaka ehinkhwa. ⁵⁴ Masii, erutthu ela enunttha khuwarihiya yele ehinunttha, ni erutthu ela enkhwa khuwarihiha yele ehinkhwa, vano enawa ele elepiye: "Nokhwa otthukeliya nuxinttha". ⁵⁵ "Nokhwa owerya wao ori vaini"? "Nokhwa, Owerya wao ori vaiini?". ⁵⁶ Ethuvo ya tampi nokhwa, ni owerya wa tampi ekano. ⁵⁷ Masii mahala An'Luku, ennivaha oxinttha mwaha ya Pwiyehu Yesu Kristu! ⁵⁸ Vano, axulupalyaka ophentia, khalani owamini ni ahinthikinyeya. Wakhula nihiku nvaraka nteko Wa Pwiya, okhala wira mozuwela wira nteko inyu kahiyena wa mahala wa Pwiya.