¹ Miyano hata kalavula mattaava attu ni amalayikha, my kihirina mphento, karoa okhala muanaa eyum'ma walani namalove onruma. ² Hata kaarina ettuvo yoonamiririmo ni kizuwelaka ekhweeli zoteene zowipitheya ni winxutta zoteene ni nroromelo noteene nineettiha muaako, kihirina mphento, miyano nkaroa okhala ettu. ³ Ni miyano hata kaakawelale amasikhini zoteene zirinaaka ni hata kaavahale eruttua aka wiira epahiye, masii kihirina mphento, nkaavarale ettu. ⁴ Mphento onaavileliya ni onaarera. Mphento khunkhala efitina, ni wala khuniikhutupala; khuninzoona, ⁵ walaa owali; khumpheelexa yawaao paahi; khunnyoonyiya piswa; khunuupuwelela yootakhala. ⁶ khunttapela yowoothiya, masi onttapela exariya. ⁷ Mphento onaahawa zoteene, onaattuna zoteene, onaalipelela zoteene ni zoteene onaavilela. ⁸ Mphento khunakhalakhala omalaka. Zakhala zamiririmo, inyo zinaavira; yakhumelela mattaava, ayo anaamaaala; wakhumelela winxutta nwo onaavira. ⁹ Maana hiyaano ninaazuwela ni wiikinaku inaalohera, ¹⁰ masii, vano ori ooreerela awaavale, ele eri ya m'pantte enaavira. ¹¹ Miyano kinari muanamuane, kalavula muanaa muanamuane, kuupuwela muanamuane, kaavara zeenamuane. Vano vin'nuwaliaka, kahihiya ettu zeenamuane. ¹² Vana na'naanova, ninimoona muanaa nloolani, vohikumiha ekhueeli, masii ohoolo waya ninamoonanaza ekhove ni ekhove. Vano miyano kin'ninzuwela vakaani, vano kinaaroa onzuwela saanene ziizo muanaa zizueliyaka saana. ¹³ Vano nilipihere ttaaru iya: n'roromelo, waalittiha ni n'phento, masii yuulupalexa wa zenyo mphento.