¹ Octcha i yabri setimu selu, kau kala yiem, pa meio ora,

² N’odja seti andjus ku staba dianti di Deus, e dadu seti korneta di garandi ³ Utru andju bin i sikidu dianti di altar, i tene un kusa di kema n’sensu di uru, i dadu manga di n’sensu pa pulku orason di tudu santus riba di altar ku sta dianti di tronu.

⁴ Fumasa di n’sensu subi desdi mon di andju te dianti di Deus.

⁵ Andju toma kusa di kema n’sensu, i intchil ku fugu di altar i lansal na tera, i obidu vos, ku turbada, ku ralampagu, ku tirmidura di tchon. ⁶ Ki seti andjus ku tene ki seti korneta garandi e purpara pa toka elis.

⁷ Purmeru andju toka korneta garandi, tchuba di pedra, ku fugu djagasidu ku sangi lansadu na tera, i kemadu tersa parti di arvoris, ku tudu padja verdi kemadu. ⁸ Segundo andju toka toka kornrta garandi, i lansadu na mar un kusa ku parsi ku monti ku na yardi ku fugu, tersa parti di mar bida sangi.

⁹ Tersa parti di kriaturas ku tene vida na mar muri, tersa parti di barkus pirdi. ¹⁰ Terseru andju toka korneta garandi un strela garandi kai di seu, suma patchu di fugu kai riba di rius, ku fontis di yagu.

¹¹ Nomi di kil strela, i istrela malgos, manga di djintis muri na yagu pabia i bida malgos. ¹² Otcha kuartu andju toka si kornerta garandi, tersa parti di sol, tersa parti lua, tersa parti di strela, atinjidu, pa tersa parti delis bida sukuru, pa tersa parti di dia ka brilia, suma tam dinoti ¹³ N’odja un andju na bua, na metadi seu i girta risu ai, ai,ai, di kilis ku mora na tera, pabia vis di kil kornrta garandi, ku kil andjus na bin toka.