¹ Dipus des kusasn’odja kuatru andjus ku sikudu na na kuatru kantus di terae sugura kuatru bentus di tera pa e ka supra na tera, nin na mar, nin kontra pe di arvori.

² N’odja utru andju subi na saida di sol, i tene selu di deus bibu i girta risu pa kuatru andjus, kilis ku dadu puder pa dana tera ku mar.

³ I fala: ka bo dana tera nin mar, te ora ku marka na testa di servus di Deus. ⁴ N’obi numeru di kilis ku markadu i sentu i korenta mil, di tudu tribu di Israel.

⁵ Di tribu di Juda dozi mil, di tribu di Ruben dozi mil, di tribu di Gad dozi mil.

⁶ Di tribu di aser dozi mil, di tribu di Naftali dozi mil, di tribu di Maneses dozi mil. ⁷ Di tribu di Simiao dozi mil, di di tribu di Levi dozi mil, di tribu di Isakar dozi mil.

⁸ Di tribu di Zebulon dozi mil, di tribu di Jose dozi mil, di tribu di Benjamin dozi mil ⁹ Dipus des kusas n’odja un garandi multidon, ku ningin ka pudi konta di tudu nasons tribus, pobus, ku lingus, dianti di karnel e bisti di branku, ku palma na mon.

¹⁰ E girta ku garandi vos e fala: salbason bin di no Deus ku sta sintadu na tronu, ku karnel. ¹¹ Tudu andjus staba roda di tronu, ku garandis, ku kuatru limarias, e mborka dianti di tronu adora Deus.

¹² E fala: amem lovor , ku gloria, ku djiresa, ku ason di grasa, ku onra, ku puder, ku forsa, i di no Deus pa tudu sempri. ¹³ Un di garandis, falan esis ku bisti ropa branku elis i ba kin? Nunde ke sai?

¹⁴ N’falal sinhor, abo bu sibi, el, i falan elis i kilis ku bin di garandi tribulason, e laba se ropa e brankusil na sangi di karnel. ¹⁵ Pabia di kila e sta dianti di tronu di deus e na sirbil di dia ku dinoti na si templu, kil ku sinta na tronu na kubri elis ku si sombra.

¹⁶ E kana tene mas fomi, nin sedi, nin sol o kalur forti kana kai riba delis.

¹⁷ Pabia karnel ku sta na metadi di tronu, ku na bakia elis, i na sirbi elis gia pa fonti di yagu bibu, Deusna limpa se larma.