¹ Otcha ku karnel yabri un di selus, n’odja, n’obi un di ki kuatru limarias ku na papia ku vos suma di turbada i fala: Bin djubi. ² N’odja kabalu branku, kim ku sinta riba del i tene un arku di flecha, i sai vitorioso pa venci ³ Otcha i yabri sugundo selu, sugundo limaria fala, "bin djubi!" ⁴ I sai un kabalu burmedju, kil ku sinta riba del i dadu pa tira pas na tera, pa e mata n’utrui dadu garandi spada. ⁵ Otcha e yabri terceru selu, n’odja ki terseru limaria fala: bon bu djubi, n’odja un kabalu pretu, kil ku sinta riba del i tene balansu na mon. ⁶ N’obi vos na metadi di kuatru limarias ku na fala: un midida di trigu pa un dinheru, ka bu dana azeiti ku binhu. ⁷ Otcha e yabri kuartu selu, n’obi vos di kil kuatru limaria ku fala: bin bu djubi.

⁸ N’odja kabaku amarelu ku kin ku sinta riba del, i tene nomi di mortu, n’fernu na binba si tras, i dadu puder pa mata kuartu parti di tera ku spada, ku fomi, ku duensa, ku limarias brabu di tera. ⁹ Otcha e yabri kintu selu, n’odja bas di altar almas di kilis ku matadu pabia di amor pa palabra di Deus, ku tustumunhu ke da. ¹⁰ E girta risu e fala: Sinhor ku tem tudu puder, te kal tempu ku no na pera bu julgamentu, ku vingansa di no sangi pa kilis ku mora na tera? ¹¹ Kada kim daduun bistit«du kumpridu, branku e faladu pa sinta pa e diskansa un bokadu pabia i na falta inda numeru di ermons ku dibi di muri suma elis. ¹² Otcha e yabri sestu selu, n’0dja kuma i temba garandi tirmidura di tchon, sol bida pretu suma saku di silisiu, lua bida suma sangi.

¹³ Strela di seu kai na tera, suma ora ku bentu forti sakudi pe di figu, i si frutus konkonhi.

¹⁴ Seu rukudji suma ora ku libru roladu, tudu montis ku djius e tiradu na se lugar. ¹⁵ Reis di tera, ku garandis, ku rikus, ku sef di militaris, ku katibus, ku livres, e sukundi na rotcha, ku na kobon di montanhas

¹⁶ E na fala pa montanhas bo kai riba di nos, bo sukundinu di rostu di kil ku sinta na tronu, i di raiba di karnel.

¹⁷ Pabia i tchiga dja dia di si raiba, kin ku pudin ‘guental.