¹ N’odja na dierita di kil ku sinta na tronu, un libru ku skirbidu dentru ku forai seladu ku seti selus. ² N’ odja un andju forti i girta ku garandi vos kun ki dignu di yabri, i dismantcha selus. ³ Ningin na seu, na tera, bas di tera pudi ba yabri libru, nin pa djubil. ⁴ N’tchora pabia ningin ka otchadu dignu pa yabri libru, nin pa leil, nin pa djubil. ⁵ Un di garandis falan ka bu tchora, ali lion di tribu di Juda, rais di Davi, ku vensi pa yabri libru i pa dismantcha si seti selus. ⁶ N’djubi, n’odja i staba na metadi di tronu, ku ki kuatru limarias bibuna metadi di garandis, umn karnel suma kil ku matadu, i tene seti pontas, ku seti udjus ku sedu setis spiritus di Deus ku mandadu pa tera. ⁷ I bin toma libru na mon direita di kil ku sinta na tronu. ⁸ Otcha i toma libru ki kuatru limarias, ku vinti i kuatrus garandis e mborka dianti di karnel elis tudu, e tene ba N’strumentu di korda, tisela di uru ku intchi ku nsensu, ku sedu orasons di santus. ⁹ E na kanta kantiga nobu e na fala, abo i dignu pa toma libru pa yabri si selus, pabia bu matadu, ku bu sangi bu kumpra omis, pa Deus, di tudu rasas, lingus, pubus, ku nasons. ¹⁰ Bu fasi elis pa e seedu reis, ku saserdotis, e na raina riba di tera. ¹¹ N’djubi n’odja manga di andjus na rodor di tronu, limarias ku garandis, e tchiu ba e tchiga milions di milions, miliar di miliar. ¹² E girta e fala: Dignu i karnelku matadu, pa risibi puder, rikesa, djiresa,ku forsa, ku onra, ku asons di grasa. ¹³ N’obi tudu kriaturas ku sta na seu, ku bas di tera, ku sta na mar, ku tudu kusas ku sta nelise fala: pa kil ku sinta na tronu, ku karnel pa i dadu gloria, ku puder pa tudu sempri. ¹⁴ Kil kuatru limarias e fala amen, ki vinti i kuatru garandis e mborka, e ador kil ku bibu pa sempri