¹ Dipus des kusasndjubi pa tras, i staba un porta abertu na seu, purmeru vos ku papiaku mi i suma korneta garandii falan: subi li na mostrau kusas ki dipus des na kontisi.

² Na kil ora nrabatadu na spiritu, un tronu pudu na seu, i un aligin dinta nel.  ³ Kil ku sinta na tronu tene parsensa suma pedra di jaspe, ku sardonika, na roda di tronu i staba un arku-iris ku na lampra suma smeralda. ⁴ Na roda di tronu i staba vinti i kuatru tronus, na kil vinti i kuatro tronus, n odja vinti i kuatru garandis sinta riba delis, ku se ropa branku, na se kabesa i staba koroa di uru. ⁵ Na tronu i na sai ralampagu, ku turbada, ku vozes, dianti di tronu i na yardiba seti lampadas, kilas i ki seti spiritus di Deus. ⁶ I tenba dianti di tronu, suma mar di vidro finu, na redor de tronu i staba kuatru limarias ku tene udju pa tudu ladu, dianti ku tras. ⁷ Purmeru limaria i parsi lion, sugundu limaria parsi ku bakasinhu,, terseru limaria, i tene rostu suma omi, kil kuartu limaria i parsi aguia ku na bua. ⁸ Kil kuatru limaria, kada un tene seis asas, tudu kurpu kubridu ku udjus, dentru ku fora, e ka diskansa,nin didia nin dinoti e na fala santu, santu, santu i Sinhor ku tene tudu puder, kil ku era ba, ku sedu, ku na bin. ⁹ Otcha ku limarias na da glorias, ku onras, ku asons di grasa pa kil ku sinta na tronu, pa kil ku na vivi pa sempri, ¹⁰ Kil vinti i kuatru garandis e nborka dianti di kil ku sinta na tronu, e na adora kil ku bibu pa sempri e na longa se koroa dianti di tronu e na fala. ¹¹ Dignu i Sinhor pa risibi gloria ku onra, ku puder, pabia bu kria tudu kusas, i pa bu vontadi e kriadu.