¹ Pa andju di igreja di Sardis, skirbi bu fala, asim ku ku kil ku tene setu strelas, ku seti spiritusdi Deus fala: nkunsi bu obras, bu nomi di bibu, ma bu sta mortu. ² Bisia, bu firmanta kil ku sta pa muri, pabia nka otcha bu obras purfitu dianti di Deus. ³ Lembra ke ku bu risibi, bu obi, guardal, i bu ripindi. Si bu ka biasia na bin pa bo suma ladron, bu kana sibi ora ku na bin. ⁴ Ma na Sardis i ten kilis ku kontamina se ropa, e na yanda ku mi di ropa branku tementi e dignu des. ⁵ Kil ku vensi i na bistidu ropa branku, di nim manera nkana riska si nomi na libru di bida, na konfesa elis dianti di nha pape, ku si andjus. ⁶ Kim ku tene oredja pa i obi ke ku spiritu na fala igrejas. ⁷ Pa andju di ku sta na Filadelfia, skirbi bu fal: es i palabra di kil ki santu, ku di bardadi, ku tene tchabi di Davi, kil ku ta yabri ningin ka pudi fitcha, si fitcha ningin ka pudi yabri. ⁸ Nkunsi bu obras, npui un porta abertu bu dianti ku ningin ka pudi ficha, bu tene puku forsa, ma bu guarda nha palabra,bu ka nega nha nomi. ⁹ Na fasi pa kilis ki di djuntamentu si satanas, kilis ku fala elis i djudeus ma e ka sedu, ma e konta mintida, na pui elis pa e npina e adora na bu pes, pa e sibi kuma N amau. ¹⁰ Suma ku bu guarda nha palabra ku pasensa, ami tam na guardau na ora di tentason ku na bim riba di tudu mundo pa tenta kilis ku mora na tera. ¹¹ Nna bin nkana tarda, guarda kil ku bu tene pa ka ningin tomau bu koroa. ¹² Kil ku vensi, na fasil kuluna di templo di nha Deus, la i kana sai, na skirbi riba del nomi di nha Deus, ku sidadi di nha Deus, nobu Jerusalem, i na tene nha nobu nomi. ¹³ Kim ku tene oredja pa i obi ke ku sipiritu na fala igreja. ¹⁴ Pa andju di igreja di Laodiseia, skirbi bu fala: es i palabra di amen, kil ki tustumunhu fiel i di bardadi, kil ki kumsada di kriason di Deus. ¹⁵ Nkunsi bu obra, abo bu ka friu, nim bu ka kinti, i ta bom pa bu friu o bu kinti. ¹⁶ Suma ku bu ka fria, nim bu ka kinti, na ramasau na nha boka ¹⁷ Bu Ndjata kuma bu riku, nada ka faltam, ma bu ka sibi kuma abo i miseravel, koidai, segui nun.

¹⁸ Naa konsidjau pa bu kumpra uru, ku probadu na fugu na nha mon, pa bu pudi torna riku, ku kamisa branku pa bu bisti pa ka bu borgonha odjadu, bu pui luliriu na udjupa bu pudi odja. ¹⁹ Nta riprindi, nkastiga kilis kun ama, pega tesu bu ripindi. ²⁰ Nsta na porta na konki, si algin obi nha vos i yabri porta na yentra na kasa, na sia ku le, el ku mi tam. ²¹ Kil ku vensi, na diritu pa i sinta djuntu ku mi nha tronu, suma kun vensi nsinta ku nha pape na si tronu.

²² Kin ku tene oredja pa i obi ke ku spiritu na fala igrejas.