¹ N’odja novu seu, ku novu tera pabia ki antigu seu, ku antigu tera e pasa dja, mar ka ka ten dja mas. ² N’ odja tambi sidadi santu, nobu Jerusal ku na ria di seu di parti di Deus , ku fadjadu suma noiba ku bistidu bonitupa si omi. ³ N’ obi garandi vos ku sai na tronui fala: Es i tabernakulu di Deus ku omis, Deus na mora ku elis, e na sedu povu di Deus, i Deus propi na st ku elis. ⁴ I na limpa se udjus di larma, mortu kana isisti mas, i kana ten lutu, nin tchur, nin dur, pabia purmeru kusas pasa dja. ⁵ Kil ku sinta na tronu, fala: na fasi tudu kusas nobu. I buri mas skirbi e kusas pabia i fiel i di bardadi. ⁶ I falan inda, tudu sta dja feitu, ami ki Alfa, ku Omega, kumsada ku kabantada, kin ku tene sedi na dal sin paga nada fonti di yagu ku ta da vida. ⁷ Kin ku vensi i na yarda e kusas, n’na sedu si Deus i na sedu nha fidju. ⁸ Ma kilis ku kobardu, kilis ki Nkredulus, djintis di mau vida, kilis ku ta mata djintis, kilis di vida susu, ku futiserus, ku kilis ku ta adora idulus, ku muntrusis, e na bai pa lagua ku na yardi ku fugu, ku n’sofri, kila ki sugundu mortu. ⁹ Un di kil seti andjus ku tene ba kopu di kastigu falan: Bin na mostrau na mostrau noiba, mindjer di karnel. ¹⁰ I leban na spiritu, pa un montanha garandi ku altu tambi, i mostran sidadi santu, Jerusalen ku ria di seu di parti di Deus. ¹¹ I tene gloria di Deus, si briliu, i parsi ku pedra ku mas ten balur suma jaspi transparenti. ¹² I ten ba muru altu, garandi kudozi portas, dozi andjus staba riba delis, nomi ku skirbidu i nomi di dozi fidjus di Israel. ¹³ Tris porta staba na lesti, tris na norti, tris na sul, tris na oesti. ¹⁴ Kil mura tene dozi fundasonku staba riba di dozi nomis di Apostulus di karnel. ¹⁵ Kilis ku na papia ku mi, e tene un vara di uru na mon pa midi sidadi, ku si portas, ku si mura. ¹⁶ Sidadi tene forma di kuadradu na kumprimentu, largura i igual,i midi sidadi ku vara te dus mil i kuatrusentus kilometrus, si largura ku si kumprimentu i igual. ¹⁷ I midi tambi mura, ku tenba sasenta metrus konformi midida di omisel ku andju usaba. ¹⁸ Mura kumpudu di jaspi, sidadi tambi i di uru puru ku parsi vidru limpu. ¹⁹ Fundason di mura i fadjadu ku tudu koldadi di pedras di balur, purmeru fundason i di jaspi, sugundu i di safira, terseru i di kalsedonia,

kuartu di smeralda,

²⁰ di sinku i di sardonika, di seis sardiu, di seti krisolitu, di oitu i di berilliu, di novi i di topaziu, di des i di krisoprasu, di onzi i dijasintu, di dozi i di amestista. ²¹ Dozi portas, i ki dozi perulas, kada porta i un perula. Ruas di sidadi i di uru puru klaru suma vidru. ²² N’ka odja nin templu la, pabia si templu i Sinhor ku ten tudu puder. ²³ Sidadi ka prisiza di sol, nin di lua pa pul i klaru, pabia gloria di Deus ku ta lumial, karnel ki si lampada. ²⁴ Nasons nayanda na si lus, reis di tera na tisil gloria ²⁵ Si portas nunka mas i kana fitcha, di dia pabia noiti ka ten la. ²⁶ E na tisil gloria ku onra di nasons. ²⁷ La nada ku kontamina ka na yentra, nin kusa susu, nin mintida. Ma son kilis ku skirbidu na livru di vida di karnel.