¹ Andju mostran riu di yagu ku ta da vida, i klaru suma vidru finu, ku na sai ba di tronu di Deus, ku di karnel ² I ta lagua na sidadi, na dus banda di riu i staba arvuri di vida, kuta padi dozi bias na un anu, un bias pa kada mis. Si fodjas ta sirbi di remedi pa djintis di tudu nasons. ³ I kana ten mas maldison kontra algin, na el i na sta tronu di Deus, ku karnel, si servus e na sirbil. ⁴ E na odja si rostu, na se testa i na sta si nomi. ⁵ Noiti kana ten mas, nin e kana pirsiza di lus di kanderu, pabia Sinhor Deus na numia riba delis, i e na reina pa tudu sekulus. ⁶ I falan e palavra i fiel, i di bardadi. Sinhor Deus di spiritu di anunsiaduris manda si andju pa mostra pa si servus kusas ku na kontisi i kana tarda. ⁷ N’na bin n’kana tarda, sortiadu i kilis ku guarda palavra des anunsiu. ⁸ Ami Djon, ami ku obi, n’odja e kusas, otcha n’obi, n’odja m’borka na pe di andju ku mostran e kusas pa adoral. ⁹ Ma i falan: djubi ka bu fasi sin, ami tambi i servu suma bo, ku bu ermons, ku anunsiaduris, ku kilis ku ta guarda palavra des livru. ¹⁰ I falan inda: ka bu sukundi palavra di anunsiu des livru, pabia tempu sta pertu. ¹¹ Kil ki injustu, pa i kontinua ku injustisa, kil ku susu pa i kontinua susu, kil ku djustu pa i kontinua djustu, kil ki santu pa i santifika. ¹² N’na bin kana tarda, n’tene pagamentu pa kada kin konformi si tarbadju. ¹³ Ami ki Alfa, ku Omega, kumsada, ku kabantada. ¹⁴ Sortiadu kilis kul laba se kamisa na sangi di katnel, pabia e na dadu diritu na arvuri di vida pa i yentra na sidadi na porta.

¹⁵ I na fika fora di sidadi, katchuris, futiserus, djintis di vida susu, mataduris di djintis, adoraduris di idulus, ku kilis ku gosta di mintida. ¹⁶ Ami Jesus n’manda nha andju pa i konta bos di igreja. Ami i rais di djorson di Davi, strela di parmanhan ku na lampra. ¹⁷ Spiritu ku noiba e fala: bin, kin ku obi fala bin, kin ku tene sedi bin, kin ku misti risibi sin paga nada yagu ku ta da vida. ¹⁸ Ami n’na konta, tudu kin ku obi palavra des livru i biri kualker kusa la Deus na buria kastigu ku sta na es livru. ¹⁹ Si algin tira kualker kusa di palavra des anunsiu Deus na tira si parti na arvuri di vida, di sidadi santu, ku kusas ku skirbidu nes livru. ²⁰ Kin ku da tustumunhu des kusas i fala: sertamenti na bin n’kana tarda. Amen Sinhor na bin ²¹ Fabur di Sinhor pa i sta ku bos tudu. Amen.