¹ N’odja un andju ria di seu, i tene tchabi di abismu, ku garandi korenti na si mon. ² I prindi dragon, ki antigu serpenti, ku sedu diabu o satanas i mara elis pa mil anus. ³ I fertcha elis na abismu, la ke fitchadu i pui un seluriba del te ora ki pasa mil anus, dipus i na largadu pa puku tempu. ⁴ N’odja trunus i kils ku sinta la e dadu puder pa Djulga . N’odja almas di kilisku dogoladu pabia di tustumunhu di Jesus. Ku palavra di Deus, ku ka adora besta nin si imajen, nin e ka risibi sinal na testa, nin na mon. E torna bibu e reina ku Kristu duranti mil anus. ⁵ Ma utrus mortus e ka lanta tok mil anus pasa, es i purmeru resureson.

⁶ Sortiadus i santus, kilis ku toma parti na purmeru resureson, sugundu mortu kana tene puder riba delis, ma e na sedu Saserdoti di Deus i ku Kristu, e na rena pa mil anus. ⁷ Ora ku mil anus kaba, satanas na largadu di kalabus.

⁸ I na sai n’gana nasons na tudu kantu di mundu i na djunta elis pa geria ku sedu GOGI MAGOGI. E tchiu suma reia di mar. ⁹ E sibi na largura di tera e tadja kampamentu di povu di Deus. Kil sidadi ku Deus ama tchiu, ma fugu ria di seu i kaba ku elis tudu. ¹⁰ Diabu ku ta n’ganaba elis i fertchadu na lagua di fugu ku n’sofri, nunde ku falsu anunsiadur e na turmentadu di dia ku dinoti pa sempri. ¹¹ N’odja un tronu branku garandi kinku sinta nel, tera ku seu fusi si diantipabia i ka ten ba lugar pa elis. ¹² N’odja mortu garandis ku mininus e staba dianti di tronu, livru yabridu, ku sedu livru di vida. Mortus djulgadu pa kusas ku sta skritu na livru sugundu ke ku e fasi. ¹³ Mar na torna kil ku sta na el, n’fernu na torna kil ku sta na el, e djulgadu kada kin sugundu ke ki fasi. ¹⁴ Mortu ku n’fernu e fertchadu na lagua di fugu es ki sugundu mortu. ¹⁵ Kilis ku ka sta skritu na livru di vida e fertchadu na lagua di fugu.