¹ Dipus des kusas n’odja un andju ria di seu ku garandi puder, si gloria lumia tudu tera.

² I grita ku garandi voz i fala: i kai, i kai garandi sidadi di Babilonia kai, i bida moransa di dimonius, kau di sukundi di spiritus maus, gasadju di pastrus nudjentis i medunhu.

³ Pabia tudu djintis bibi binhu di raiba di si mau vida, reis di tera kai tchai ku el. Nogosiaduris di mundu bida riku na manga di ‘nogos’ di puku borgonha. ⁴ 4- N’obi un vos na seu ku fala: nha povu sai di kil sidadi, pa ka bu partisipa na si pakadu, pa ka bu djuntadu na kastigu.

⁵ Se pekadu djundjulani te na seu, Deus lembra di se maldadi.

⁶ Bo tornal dus bias mas di kil ki fasi bos, bo pagal dus bias mas di kil ki fasi, bo bibintil dus bias mas ki binhu ki pui bos bibi ⁷ Bo midil triteza ku sufrimentu, pa i djusta ku orguliu di si kasbesa, pabia i fala na si korson n’sinta suma rainha, ami i ka viuva, nka tene tchur.

⁸ Un dia na tchiga un dia na tchiga si praga; mortu, tchur, fomi e na kemadu na fugu pabia Sinhor ku na djulgal i forti. ⁹ Reis di tera ku kai tchai ku el, ku vivi na sabura di si pekadu, e na tchora riba del, e na miskinha ora ke odja fumu di si kemansa.

¹⁰ E na lundjusi pabia e medi si turmenta, e na fala ai, ai, di kil garandi sidadi pabia na un ora son djulgamentu bin riba del. ¹¹ Nogosiaduris di tera e na tchora e na miskinha pabia ningin kana kumpra mas se merkadoria.

¹² Merkadoria di uru, ku prata, ku pedras di balur, ku perulas, ku linhu finu, ku purpura, ku burmedju, ku seda, ku maderas ku tene balur, ku tudu vasu di marfin, ku tudu vasu di madera karu, ku bronzi, ku feru, ku marmori

¹³ Ku kanela. Ku utru kusa ku ta tchera sabi ku ta tchomadu kravu aromatiku, ku purfumu, ku mira, ku n’sensu, ku binhu, ku azeiti, ku forinha finu, ku trigu, ku limarias garandi, ku karnel, ku kabalus ku karu, ku katibu, ku bida di djintis. ¹⁴ E fala tudu kusas ku bu gosta ba del, bu pirdi elis, tudu bu rikesa ku ronku i disparsi, i kana odjadu mas. ¹⁵ Nogosiantis ku riku ku e kusas, e lundjusi pabia e medi kastigu di ki sidadi e tchora risu e miskinha

¹⁶ e fala : ai, i di kil garandi sidadi ku ta bisti ba di linhu finu, di kor di purpura, ku burmedju, i ta fadja ba ku uru, ku pedras di balur, ku perulas, na un ora son si rikesa kaba tudu.

¹⁷ Tudu pilotu di barku, kilis ku ta yanda na mar, ku marinherus, ku kilis ku ta nogosia na mar, e lundjusi. ¹⁸ E odja fumu i girta e fala: kalsidadi ku parsi ku e garandi sidadi.

¹⁹ E fretcha reia na se kabesa, e girta, e tchora, e miskinha, e fala: ai, ai di k sidadi garandi nunde ku tudu kilis ku tene barku e bida riku pabia di si rikesa, ma na un ora son i kabadu ku el.

²⁰ Bo kontenti seu ku sta riba del, abos Apostulus, ku anunsiaduris, ku povu di Deus, bo kontenti Deus djulgal dja pa kil ki fasi bos. ²¹ Un andju forti yalsa un pedra garandi suma muinhui lansal na mar; i asin ku ki sidadi na fertchadu ku forsa pa nunka mas i odjadu.

²² Na bo nunka mas i kana obidu musika di kamtaduris, nin di tokaduris di arpa, nin di flauta, nin di korneta, nin kumpudur di kusas bonitu, kana odjadu na bo. ²³ Lus di kanderu kana lumia mas na bo, fala di omi o mindjer kana obidu mas na bo, pabia bu nogasiaduris, elis e garandi na tera, tudu nasons n’ganadu pabia di bu feitisaria.

²⁴ Riba des sidadi i odjadu sangi di anunsiaduris, ku santus.