¹ Un di ku seti andju ku tene ba ki kopu di kastigui falan pan bin i na mostran kastigu di mindjer di mau vida ku sinta riba di yagu.

² Reis di tera prostitui ku el, moraduris di tera tchami ku binhu di si prostutuison. ³ Andju leban na spiritu pa un dizertu n’odja un mundjer ku monta na besta burmedju, ku kubridu ku nomis fius, ku tene seti kabesas ku des tchfris.

⁴ Ki mindjer i bisti purpura burmedju fadjadu ku uru, ku predras di balur, na si mon i pega kopu di uruku tene abominasonku susudadi di mau vida.

⁵ Na si testa i sta skritu un nomi di sigridu ku fala: BABILONIA MAME DI TUDU MINDJERIS DI MAU VIDA, KU TUDU ABOMINASON NA TERA. ⁶ N’odja un mindjer tchami ku sangi di tustumunhu di Jesus; N’dimira.

⁷ Ki andju punan pabia ku bu dimira sin na kontau sigridu des mindjer ku besta ku tene seti kabesa kudes tchifri ku na leba mindjer. ⁸ Ki besta ku bu odja i bibu ba, ma gosi i ka bibu. Ma i ten ku bin subi di abismu pa i bai pa pirdison, djintis ku sta na tera, kilis ku se nomi ka sta skritu na na livru di vida des di fundason di mundu e dimira pabia e odja besta ku bibu ba , ma ku ka bibu gosi i bin parsi. ⁹ Es i sintidi ku algin djiru pudi n’tindi , ki seti kabesas, ku i montis ku mindjer sinta riba delis.

¹⁰ Tambi e sedu seti reis; sinku kai dja, un na rena inda, kil utrus e ka bin inda, ora ke tchiga se reinu kana tarda. ¹¹ Besta ku bibu ba, ku ka bibu i kompleta oitavu rei el i di seti ku na bai pa perdison. ¹² Ki des tchifri, i des reis ku ka dadu inda renansa, ma e na daduotiridadi pa reina ku besta duranti un ora.

¹³ Elis tudu e tene mesmupensamentu, pa n’terga se puder pa besta.

¹⁴ E plania gera kontra karnel, ma karnel na nganha, pabia El i Sinhor di Sinhoris, Rei di reis, ku kilis ki kudji ku kontinua fiel. ¹⁵ I falan inda yagu ku bu odja , nunde ku mindjer di mau vida sinta nel, i povus, multidons, nasons, ku lingus. ¹⁶ Des tchifris ku bu odja, ku besta, elis e na odia mindjer di mau vida e na tiral tudu ki tene, e na disal nun, e na kume si karni, e na kemal na fugu.

¹⁷ Deus pui pa e fasi ke ku stal na sintidu, i pui pa elis e konkorda pa n’terga se otoridadi pa besta, te ora ku palavra di deus kumpri. ¹⁸ Kil mindjer ku bu odja i ki garandi sidadi ku domina reis di tera.