¹ N’obi un garandi vos ku sai na lugar sagradu ku na fala ki seti andju bo bai darma ki kopu di raiba di Deus. ² Purmeru andju sai i darma so kopu, na tera omis ku tene marka di besta, ku kilis ku ta adora si imajen, i bin riba delis tchagas nudjentu i fedi. ³ Segundu andju darma si kopu na mar i muri tudu ke ku ta vivi na mar. ⁴ Terseru andju darma si kopu na rius ku fontis, yagus tudu bida sangi.

⁵ N’obi andju di yagu na fala, abo ku sedu, ku era ba, santu pabia bu djulga e kusas. ⁶ Pabia e darma sangi di santus ku profeta, bu tan elis sangi pabia oa e bibi pabia e meresi. ⁷ N’obi na altar e fala: sertamenti Sinhor ku tene tudu puder bu djustisa i djustu i di bardadi. ⁸ Kuartu andju darma si kopu riba di sol i dadu puder pa kema omis ku fugu.

⁹ E kemadu ku kalur forti e papia mal di di nomi di Deus, ku tem tudu puder pa manda e kastigu, nin e ka ripindi pa da gloria pa dal gloria. ¹⁰ Kintu andju darma si kopu riba du tronu di besta, si reinu bida sukuru, djintis na murdi se lingua pabia di dur

¹¹ E papia mal di Deus di seu, pabia di dur ke na sinti na se tchaga, ma e ka ripindi di kusas ke fasi. ¹² Sestu andju darma si kopu n riu eufratis si yagu seka, pabia i purpara kamunhu di rei di orienti. ¹³ Na boka di dragon, ku na boka di besta, ku na boka di falsu profeta, n’odja i na sai tris spiritu nudjenti ku parsi ku sapu. ¹⁴ Pabia i spiritus di dimonius ku na kontranda reis di tudu mundu, pa e djunta elispa gera na garandi dia di Deus ke ten tudu puder. ¹⁵ N’na bin suma ladron, sortiadu tudu kilis ku na bisia, e guarda se kamisa pa ka e yanda nun, pa se borgonha bin odjadu.

¹⁶ Sin, spiritu djunta reis na un lugar tchomadu armagedon na lingu ebraiku. ¹⁷ Setimu andju darma si kopu na ar i sai un vos forti na tronu di templuku fala i fasidu dja.

¹⁸ Relampagu ku turbada rebenta, tchon tirmiku forsa, ku nunka odjadu des ku djintis ten na mundu, tirmidura ku medunhu sin.

¹⁹ Ki prasa garandi findidu na tris partiutrus prasas di mundu kai, Deus lembra di Babilonia pa dal kopu di binhu forti di si raiba pa i bibi. ²⁰ Tudu djius pirdi, montis padjiga.

²¹ Garandi tchuba di jelu kai di seu riba di djintis, pedras di jelu e ta pesa sinkuenta kilus, djintis na papia mal konta Deus, pabia di kastigu di tchuba di jelu ku e sifri ku el.