¹ N’odja un besta ku sai na mar, i tene des tchifris, ku seti kabesas i parsi karnelma i ta papia suma dragon

² Besta kun odja i parsi ku onda garandi, ku pe suma ursu, kabesa suma lion dragon dal si puder, si tronu, ku si garandi otorida ³ N’odja un di kabesa suma i molostadu ku molostru di morti i kuradu, tudu kontenti e sigi besta.

⁴ E adora dragon, pabia i da si otoridadi pa besta, e adora besta tambi pabia e fala kim ku parsi ku el, kum ku pudi geria ku el. ⁵ I risibi boka pa papia palavras nudjentis, i dadu otoridadi pa aji korenta i dus mis.

⁶ I yabri boka pa papia mal kontra Deus, pa i disfama si nomi, pa disfama tabernakulu, ku kilis ku mora na seu. ⁷ I pirmitidu pa geria ku povu di Deus, i n’ganha elis i dadu puder riba kada tribus, povus lingus ku nasons.

⁸ E adoral, tudu kilis ku mora na tera, kilis ku se nomi ka sta skritu na livru di karnel ku matadu des di fundason di mundu. ⁹ Si algin tene oredja pa i obi

¹⁰ Kin ku markadu pa bai pa katuberasku i tem ku bai, kin ku markadu pa muri ku spada i ten ku muri ku spada, pa kila povu di deus ten ku tene korajen ku fe ¹¹ N’odja utru besta ku sai di tchon, i tene dus tchifri, i parsi ku karnel; ma i ta papia suma dragon

¹² I ta usa tudu otoridadi di kil purmeru besta si dianti, i ta obriga tera ku si moraduris pa e adora kil purmeru besta, kil ku molostadu ku molostru di morti ma i kuradu. ¹³ I fasi garandis milagris i pui fugu ria di seu dianti di tudu omis

¹⁴ Pabia des milagris ki disadu fasi dianti di besta i ta n’gana djintis di tera i fala elis pa e fasi imajen di besta ku molostadu ku spada, ma ku bibu. ¹⁵ I dadu puder pa pui folgu na imajen, pa kila papia, i pudi manda mata kilis ku ka adora besta

¹⁶ I obriga tudu djintis, pikininus, ku garandis, koitadis, ku rikus, livris ku kabitus, pa e pudu un sinal na mon direita o na tests.

¹⁷ Ningin ka pudi kumpra, nin bindi, si ka tene sinal o omi di besta, o numeru di si nomi. ¹⁸ I pirsis djiresa, ku kil ku ten n’tidimentu i pudi kalkula numeru di besta, pabia i numeru di omi si numeru i 666